Canpo San Luca

Canpo San Luca el ze un canpo de Venesia situà inte'l sestier de San Marco.

Zeografegamente el ze un mucio visin a canpo Manin e el ze ponto de intersesion de łe diretore de tràfego verso piasa San Marco da na banda e da cueł'altra Rialto.

Co canpo San Bórtoło el ze stà par un mucio de tenpo uno de i ponti de retrovo più frecuentà da i venesiani, grasie a ła só pozision sentrałe, a ła prezensa de nùmaroze atività comersiałi e de bar e a ła só visinansa co i ufisi comunałi e łe prinsìpałi sede bancarie de ła sità.

Da un ponto de vista architetònego, cavando ła superstite parte setesentesca de'l moderno Pałaso Nervi-Scattolin, no se ghe afasa edifisi de partegołar vałor.

Altri prozeti

Wikimedia Commons el detien imàjini o altri file so Canpo San Luca
Scholia el detien schemi gràfeghi so Canpo San Luca