Vila Capra

Da Wikipedia, l'ençiclopedia libara.
(Rimando da Viła Capra ciamà anca la Rotonda)
Va a: navigasion, serca

Coordinate: 45°31′53″N 11°33′36″E / 45.5315, 11.56

Flag of UNESCO.svg Bene proteto da l'UNESCO
Patrimonio de l'umanità
Vila Capra dita la Rotonda
City of Vicenza and the Palladian Villas of the Veneto
Villa Rotonda side.jpg
Tipologia Architetonico
Criterio C (i) (ii)
Pericolo Nisuna indicazion
Anno 1994 - 1996
Scheda inglese
francese
Patrimoni de l'umanità in Italia

Vila Capra, dita La Rotonda (conossiùa anca come Vila Almerico-Capra o Vila Capra-Valmarana) la xe na vila vèneta a pianta zentral costruìa da Andrea Palladio a partir dal 1566 a do passi da la sità de Vicensa. El nome "Capra" el vien dal cognome dei do fradei che i ga conpletà l'edificio dopo verlo cronpà nel 1591. La Rotonda la xe probabilmente la vila piasè famosa del Palladio e forsi anca de tute le ville venete, e uno dei edifici piasè inportanti de la storia de l'architetura de l'epoca moderna.

Stòria[canbia | canbia sorxente]

Ispirazion[canbia | canbia sorxente]

Co nel 1565 el canonico e conte Paolo Almerico, che el s'avea ritirà da la Curia Romana dopo èsar sta referendario apostolico soto i papi Pio IV e Pio V, el ga decidesto de tornar in te la sità do che l'era nato (Vicensa) e costruirse na residenza de canpagna, no'l s'avaria mai imaginà che la casa che el ga comissionà a l'architeto Andrea Palladio la saria devegnùa uno dei prototipi architetonici piasè studiè e imitè par i zinque secoli dopo. Nonostante che Vila Capra la gavia ispirà in sèvito miliari de edifici, ela stessa la se ispira senza dubio al Pantheon de Roma. Nel corso de la so vita, Palladio el ga progetà piasè de vinti ville in tuta la Republica Veneta. Sta residenza, pi tardi conossiùa come "La Rotonda", la saria deentà una de le so eredità pi famose al mondo de l'architetura.

Progeto[canbia | canbia sorxente]

Vista in sezion de la Rotonda
Pianta de Palladio per la Rotonda, ne I quattro libri dell'architettura, 1570

El posto sielto par la costruzion l'era la zima tondegiante de na colina picenina 'pena fora de i muri de Vicensa. A chel tenpo là el fascino par i valori arcadici el scuminsiava a spénzar tanti nobili che gavea i canpi al sol a misurarse co i piaceri de la vita senplice, anca se i aspeti piacevoli de la vita a contato co la natura i restava 'ncora in secondo piano rispeto a la sielta, tuta economica, de orientar i investimenti verso n'agricoltura de tipo intensivo. Sicome no'l gavea fameja, el prelato Almerico no ghe servea un palazo tanto grando (ansi el ga venduo quelo che el gavea in sentro a Vicensa) ma el volea na villeta sofisticà, e xe sta proprio questo quel che Palladio el ga ideà par lu: na residenza suburbana con funzion de rapresentanza, ma anca un posto chieto par star in meditazion e studio. Isolà in zima al colle, sta spece de originale "vila-tenpio" in origine no la gavea annessi agricoli. L'architeto el la ga inserìa, significativamente, ne l'elenco dei palazzi e no de le ville, nei so Quattro libri dell'architettura del 1570.

La pianta con evidenzià le proporzion giometriche

La costruzion, intacà nel 1566 zirca, la consistea de n'edificio quadrato, conpletamente simetrico e inserìbile in un zércio perfeto (varda la figura chi rente). Descrìvar la vila come "rotonda" xe in realtà tecnicamente sbalià, dato che la pianta de l'edificio no la xe mia zircolar ma la rapresenta pitosto l'intersezion de un quadrato co na croce greca. Ognuna de le quatro fazade la gavea un avancorpo co na loggia che se podea ragiungiar 'ndando su par na scalinada; ciaschedun dei quatro ingressi prinsipai el portava, traversando un breve vestibolo o coridoio, a la sala zentral sormontà da na cupola. L'aula zentrale e tute le altre càmare le jera proporzionè con precision matematica in base a le regole sue de l'architetura de Palladio che lu el gavea elaborà nei so Quatro libri. Proprio la sala zentral rotonda la xe el zentro nevralgico de la conposizion, a la quale el Palladio la ga dato un slancio centrifugo slargandola verso l'esterno, nei quatro pronai ionici e ne le scalinade. La vila la risulta cussita n'architetura verta, che la varda verso la sità e la campagna.

El progeto el riflete i ideali umanistici de l'architetura del Rinasimento. Par consentirghe a tute le càmare na analoga esposizion al sol, la pianta la xe sta pirlà de 45 gradi rispeto ai punti cardinai. Ognuna de le quatro logge la presentava un pronao col fronton ornà de statue de divinità de l'antichità classica. Ognuno dei frontoni l'era tegnù su da sié colone ioniche (esastilo ionico). Ogni loggia la gavea in parte na finestra sola. Tute quante le càmare prinsipai le se catava sul piano nobile. I quatro pronai i se ispira quindi ai tenpli etruschi, che ghe someja a quei greci ma i xe rialzà da scalinade.

Doparando la cupola, aplicà par la prima olta a un edificio de abitazion, Palladio l'afronta el tema de la pianta zentral, reservà fin a chel momento a l'architetura religiosa. Anca se ghe jera zà sta calche esenpio de edificio residenziai a pianta zentral (dai progeti de Francesco di Giorgio Martini ispirà a vila Adriana o dal "studio de Varrone", a la casa del Mantegna a Mantoa - o la so ilusionistica "Càmara dei spósi" al Palazo Dogal de Mantoa -, fin al progeto de Raffaello par vila Madama), la Rotonda la resta un unicum ne l'architettura de tuti i tenpo, un model reconossùo ideale.

Conpletamento e canbiamenti sucesivi[canbia | canbia sorxente]

Palladio-La-Rotonda-NR.jpg
Vista da la riviera berica

Né el Palladio né gnanca el paron Paolo Almerico i ga mai vedesto l'edificio finìo, anca se se podea zà starghe nel 1569. Palladio el xe morto nel 1580 e quindi un secondo inportante architeto visentin, Vincenzo Scamozzi, el xe sta assunto dai paroni per sovrintendar ai laori de conpletamento, finìi nel 1585, limitatamente al corpo prinsipal, co la costruzion de la cupola, sormontà da la lanterna.

Palladio el volea cuerzar la càmara zentral co na volta semisferica, ma Scamozzi el ga progetà na volta piasè bassa con un òculo (che el dovea èssar a cielo aperto) ispirandose al Pantheon e el ga fato altre modifiche limità, come el tajo a la scalinada che el permetea de entrar diretamente da fora ai locali de servizio sistemà al piantereno. La scalinada la xe sta modificà nel XVIII secolo da Ottavio Bertotti Scamozzi che el la ga riportà come l'era prima e el piano attico el xe sta spartìo in càmare da Francesco Muttoni, che el ga modificà i mezzanini (1725-1740).

Co xe morto el comitente Almerico, la vila la ghe xe ndà in eredità a so fiol natural Virginio Bartolomeo che, a causa de la disastrosa gestion economica, ghè toca véndarla do ani dopo, nel 1591, ai fradei Odorico e Mario Capra. Xe sta infine i Capra a portar a termine el cantier nel 1620 co la decorazion interna ad afresco. El Scamozzi el ga zontà i annessi rùsteghi esterni (la barchessa, destacà dal corpo prinsipal) par le funzion 'gricole, mia previste nel progeto originario. Infine, al conplesso ghe xe sta zontà la cappelpa gentilizia, costruìa da Girolamo Albanese par volontà del conte Marzio Capra tra el 1645 e el 1663.

El dentro de la vila e le decorazion[canbia | canbia sorxente]

Scorcio dei interni
Decorazion de la cupola

El dentro de la vila el gavea da èssar splendido almanco quanto el fora; le statue le xe interventi de Lorenzo Rubini e Giovanni Battista Albanese; la decorazion plastica e dei sofiti la xe opera de Agostino Rubini, Ottavio Ridolfi, Ruggero Bascapè, Domenico Fontana e forsi Alessandro Vittoria; i aparati pitorici in afresco i xe de Anselmo Canera, Bernardino India, Alessandro Maganza e pi tardi del francese Ludovico Dorigny. Le decorazion de la vila le cuerze un longo periodo de tenpo e de zerte opere l'atribuzion no l'è mia sicura.

Tra i quatro saloni prinsipai del piano nobile ghe xe la càmara ovest (con afreschi de tema religioso) e el salone est, che l'ospita na alegoria de la vita del primo paron, el conte Paolo Almerico, con le so numerose e amirevoli qualità piturade in afresco.

El posto piasè notevole del spazio interno el xe sicuramente la càmara tonda zentral, dotà de balconade, che la se svilupa a tuta alteza fin a la cupola; el sofito semisferico el xe decorà da afreschi de Alessandro Maganza; anca chi catemo alegorie ligà a la vita religiosa e a le Virtù ligà ad essa, dove inparte a la Fama ghe xe rafigurà la Religion, la Benignità, la Tenperanza e la Castità. La parte inferior de la càmara, a le pareti, la xe inveze adornà de finte colone piturà in trompe l'oeil e gigantesche figure de la mitologia greca, opera sucessiva de Ludovico Dorigny.

Come ne l'architetura de Palladio, pensà par n'omo de Cesa, anca ne l'aparato decorativo xe sta inserìi elementi formali destinè a sugerir un senso de sacralità, in sintonia con sto programa zelebrativo. La quantità de afreschi la ciama piasè l'atmosfera de na catedral pitosto che quale de na residenza de canpagna. Goethe, che el ga visità pi olte la vila, el ga dito che Palladio el gavea fato deentar un tenpio greco adatto par 'ndarghe a star.

Raporto col paesagio[canbia | canbia sorxente]

La Rotonda vista dal viale dedrìo

Dai porticadi se ga na vista da maraveja su la canpagna intorno, dato che la vila la xe sta fata aposta par catarse in perfeta armonia col paesaggio, diversamente da edifici come Vila Farnese a Roma, costruìa solo 16 anni prima. Anca se la Rotonda par che la sia conpletamente simetrica, in realtà ghe xe calche deviazion da la simetria, fata aposta parché ogni fazada la fusse el conplemento de l'anbiente e de la topografia zircostante; de conseguenza ghe xe dele variazion ne le fazade, ne l'anpieza dei scalini, nei muri de contenimento ecc. In sta maniera la simetria de l'architettura la se cata con l'asimetria del paesagio, par crear ne l'insieme na particolare armonia. L'anbiente intorno a la vila el dà na vision panoramica de àlbari, prati e boscheti, con Vicensa distante a l'orizonte.

La loggia setentrional la xe inserìa ne la colina come termine de na strada caregiabile che la core dal canzel prinsipal. Sto percorso el xe un viale tra i blocchi dei servizi, costruìo dai fradei Capra che i ga cronpà la vila nel 1591, comissionando a Vincenzo Scamozzi de finir l'edificio e costruir le stale e i edifici a uso rurale. Co se se avicina a la vila da sta parte de qua, se ga come l'inpression deliberà che se staga 'ndando suso da soto verso un tenpio su la zima de la colineta. A la stessa maniera, in senso contrario, da la vila se pol vedar el santuario che inconbe inzima a la sità da la zima de Monte Berico, unificando cussita la vila e la sità.

La vila uncuó[canbia | canbia sorxente]

Particolare de un pronao con capitel ionico

Dai primi del XX secolo la vila la xe sua de la fameja Valmarana: i paroni de desso, Lodovico e Mario Valmarana, i ghe tende ai continui interventi manutentivi de cui ghe xe bisogno par preservar la Rotonda e farghela amirar a le future generazion.

Nel dizenbre 1994 la vila la xe sta inserìa, insieme a le altre architeture de Vicensa "sità del Palladio", ne l'elenco dei Patrimoni de l'umanità de l'UNESCO.

La Rotonda come model architetonico[canbia | canbia sorxente]

Mereworth Castle, na riproduzion de la Rotonda nel Kent

La Rotonda la xe sta un model de ispirazion par un saco de edifici. Calchedun tra i esenpi piasè inportanti xe:

Bibliografia[canbia | canbia sorxente]

La Rotonda
  • A. Palladio, I Quattro Libri dell'Architettura, Venezia 1570, libro II, p. 18.
  • F. Muttoni, Architettura di Andrea Palladio Vicentino con le osservazioni dell'Architetto N. N., 9 voll., Venezia 1740-1760, vol. I, pp. 12-14, tavv. XI-XII, vol. V., tav. XIV.
  • O. Bertotti Scamozzi, Le fabbriche e i disegni di Andrea Palladio, 4 voll., Vicenza 1776-1783, vol. II, pp. 9-13, tavv. I-IV.
  • A. Magrini, Memorie intorno la vita e le opere di Andrea Palladio, Padova 1845, pp. 78, 238-240.
  • F. Burger, Die Villen des Andrea Palladio, Leipzig 1909, pp. 53-56.
  • R. Pane, Andrea Palladio, Torino 1961, pp. 187-191.
  • R. Wittkower, Principi architettonici nell'età dell'Umanesimo (1962), trad. it., Torino 1964, p. 75.
  • E. Forssman, Palladios Lehrgebäude, Uppsala 1965, pp. 50-57.
  • J. S. Ackerman, Palladio's Villas, New York, 1967, pp. 68-72.
  • C. A. Isermeyer, Die Villa Rotonda von Palladio, in "Zeitschrift für Kunstgeschichte", 1967, pp. 207-221.
  • C. Semenzato, La Rotonda di Vicenza, Vicenza 1968.
  • R. De Fusco, M. L. Scalvini, Significanti e significati della Rotonda palladiana, in "Op. cit.", 16, sett., 1969, pp. 5-26.
  • G. G. Zorzi, Le ville e i teatri di Andrea Palladio, Venezia 1969, pp. 127-142.
  • R. Cevese, Ville della Provincia di Vicenza, 2 voll., Milano 1971, vol. I, pp. 148-163.
  • M. Fagiolo, Contributo all'interpretazione dell'ermetismo in Palladio, in "Bollettino del C.I.S.A. Andrea Palladio", XIV, 1972, pp. 357-380, in part. pp. 359-362.
  • D. Gioseffi, Il disegno come fase progettuale dell'attività palladiana, in "Bollettino del C.I.S.A. Andrea Palladio", XIV, 1972, pp. 45-62, in part. pp. 55-56.
  • R. Cevese, L'opera del Palladio, in R. Cevese (a cura di), Mostra del Palladio, catalogo della mostra, Milano 1973, pp. 43-130, in part. pp. 82-85.
  • A. Corboz, Per un'analisi psicologica della villa palladiana, in "Bollettino del C.I.S.A. Andrea Palladio", XV, 1973, pp. 249-266, in part. pp. 257-264.
  • L. Puppi, Andrea Palladio, Milano 1973, pp. 380-383.
  • R. Streitz, La Rotonde et sa géométrie, Lausanne, Paris 1973.
  • P. Fancelli, Palladio e Praeneste. Archeologia, modelli, progettazione, Roma 1974, p. 113.
  • J. McAndrew, Catalogue of the Drawings Collection of the Royal Institute of British Architects. Antonio Visentini, London 1974, p. 47.
* H. Burns, L. Fairbairn, B. Boucher (a cura di), Andrea Palladio 1508-1580. The Portico and the Farmyard, catalogo della mostra, London 1975, pp. 198-200.
  • M. Kubelik, Andrea Palladio, catalogo della mostra, Zürich 1975, pp. 49-51.
  • D. Battilotti, Nuovi documenti per Palladio (con un'aggiunta archivistica al Fasolo), in "Arte Veneta", XXXI, 1977, pp. 232-239, in part. p. 234.
  • AA.VV., Restauri di monumenti palladiani. Diversi aspetti di un problema di tutela, catalogo della mostra, Verona 1980, pp. 61-70.
  • D. Battilotti, Vicenza al tempo di Andrea Palladio attraverso i libri dell'estimo del 1563-1564, Vicenza 1980, pp. 63-65.
  • K. W. Forster, Is Palladio's Villa Rotonda an Architectural Novelty?, in K. W. Forster, M. Kubelik (a cura di), Palladio: ein Symposium, Roma 1980, pp. 27-34.
  • D. Goedicke, K. Slusallek, M. Kubelik, Primi risultati sulla datazione di alcune ville palladiane grazie alla termoluminescenza (TL), in "Bollettino del C.I.S.A. Andrea Palladio", XXII/1, 1980, pp. 97-118, in part. pp. 100-104.
  • P. Marini, Note, in A. Palladio, I Quattro Libri dell'Architettura, a cura di L. Magagnato e P. Marini, Milano 1980, pp. 456-458.
  • W. Prinz, Appunti sulla relazione ideale tra la villa Rotonda e il cosmo, nonché alcune osservazioni su un mascherone posto al centro del pavimento della sala, in "Bollettino del C.I.S.A. Andrea Palladio", XXII/1, 1980, pp. 279-287.
  • W. Prinz, Schloss Chambord und die Villa Rotonda in Vicenza: Studien zur Ikonologie, Berlin 1980.
  • F. Rigon, Palladio, Bologna 1980, nn. 24-25.
  • N. Stringa, Sulla Rotonda. Lapsus e analogie, in "Odeon", 1, 1980, pp. 22-26.
  • M. F. Tiepolo (a cura di), Testimonianze veneziane di interesse palladiano, catalogo della mostra, Venezia 1980, pp. 67-68.
  • D. Goedicke, K. Slusallek, M. Kubelik, Thermoluminescence Dating in Architectural History: Venetian Villas, in "Journal of the Society of Architectural Historians", XL/3, 1981, pp. 203-217, in part. pp. 212-213.
  • M. Muraro, Andrea Palladio e la committenza signorile nel Basso Vicentino, in "Odeo Olimpico", XVII-XVIII, 1981-1982, pp. 33-45.
  • R. Cevese, I restauri del 1869 compiuti nella Rotonda, in "Bollettino del C.I.S.A. Andrea Palladio", XXIV, 1982-1987, pp. 139-143.
  • M. Saccardo, Il perfezionamento della Rotonda promosso da Odorico e Mario Capra (1591-1619), in "Bollettino del C.I.S.A. Andrea Palladio", XXIV, 1982-1987, pp. 161-209.
  • S. Sponza, Della villa "Eolia" per il "Genio" della Rotonda, in Bollettino del C.I.S.A. Andrea Palladio, XXIV, 1982-1987, pp. 211-220.
  • G. Barbieri, Andrea Palladio e la cultura veneta del Rinascimento, Roma 1983, pp. 214-226.
  • A. Canova, Le ville del Palladio, Treviso 1985, pp. 224-239.
  • A. Cerutti Fusco, Inigo Jones Vitruvius Britannicus. Jones e Palladio nella cultura architettonica inglese: 1600-1740, Rimini 1985, pp. 132-134.
  • P. Marini, Le postille di Inigo Jones a "I Quattro Libri dell'Architettura" di Andrea Palladio, in AA.VV., Trattati scientifici nel Veneto fra il XV e XVI secolo, Vicenza 1985, pp. 73-103, in part. p. 88.
  • P. Schiller, Sapiens dominabitur astris. Studien über den Zusammenhang von Architektur und Himmelskunde bei Andrea Palladio. dissertazione di dottorato, Università di Freiburg 1985, pp. 83-144, 164-177.
  • M. Muraro, Civiltà delle ville venete, Udine 1986, pp. 282-295.
  • F. Barbieri, Vicenza. Città di palazzi, Milano 1987, pp. 83-86.
  • G. Bödefeld, B. Hinz, Die Villen im Veneto, Köln 1987, pp. 134-138.
  • AA.VV., La Rotonda, Milano 1988.
  • R. Giussani, Palladio. Le ville, Milano 1988, p. 52.
  • C. Costant, Guida a Palladio (1985), trad. it., Berlin 1989, pp. 107-108.
  • J. S. Ackerman, La villa. Forma e ideologia, Torino 1990, pp. 140-141.
  • D. Battilotti, Le ville di Palladio, Milano 1990, pp. 124-129.
  • A. Sambo, Esperimenti d'archivio. Itinerari di ricerca, verifiche, documenti, in A. Chastel, R. Cevese (a cura di), Andrea Palladio: nuovi contributi, atti del VII Seminario Internazionale di Storia dell'Architettura (Vicenza 1988), Milano 1990, pp. 44-48, in part. p. 46, n. 8.
  • M. Furnari, Atlante del Rinascimento. Il disegno dell'architettura da Brunelleschi a Palladio, Napoli 1993, p. 172.
  • M. Azzi Visentini, La villa in Italia. Quattrocento e Cinquecento, Milano 1995, pp. 281-294.
  • K. Jauslin, Ein Haus für Canonicus Almerigo. Palladios Villa Rotonda als Rekonstruktion des Ästhetischen, Dortmund 1995.
  • F. Salmon, Eighteenth-Century Alterations to Palladio's Villa Rotonda, in Annali di architettura, 7, 1995, pp. 177-181.
  • H. Burns, G. Beltramini, M. Gaiani (a cura di), Andrea Palladio. Le ville, CD ROM, Vicenza 1997.
  • B. Boucher, Andrea Palladio, The architect in his time, New York, London 1998 (con aggiornamenti), pp. 258-265.
  • L. March, Architectonics of Humanism. Essays on Number in Architecture, London 1998, pp. 242-266.
  • D. Battilotti, Villa Almerico, in L. Puppi, Andrea Palladio, Milano 1999 (con schede di aggiornamenti), pp. 497-498.

Altri progeti[canbia | canbia sorxente]


Ligamenti de fora[canbia | canbia sorxente]

Sta qua ła xè na voxe en vetrina. Struca qua par major informasion
Crystal Clear action bookmark.svg
Sta qua ła xè na voxe en vetrina, identificà come una de łe mejo voxe prodote da ła comunidà.
Naturalmente te pui far ben sujerendo e modifegando en mejo.

Voxi de quałidà en altre łengue