Vila

Da Wikipedia, l'ençiclopedia libara.


Vila Capra, na vila vèneta vesin a Vicensa

Na vila la ze an conplesso costituì da la residensa de un sior, da i staoi, da i depositi e dal giardin ligadi a cuesta, e da tuti i locai de la servitù, le colonìe e i teren de proprietà del paron.

Origine de la vila[canbia | canbia el còdaxe]

Te la Roma antica co la parola "villa" se intendea cuela che adess ciamon "fatoria", e al ecuivalente de la so casa al era la nostra capana.

La vila romana in poche parole la era an edificio de sass o matoi aonde che vivea co la so fameja un pitost sior. La representea la unità produtiva de base e la conprendea, dopo de la abitasion, anca la part dedicada al ricovero de le bestie, dei machinari e dei stciavi.

Su el fenir del inpero te la vila se ga creà na serta division trra la part del paron (pars dominica) e la part dei coloni (pars massarica), separasion che la ze stata mancenesta infin al dì de incoi.

La vila veneta[canbia | canbia el còdaxe]

Continuando la separasion tra paron e coloni, se ga dondest a far sù edifici conpletamente separadi i uni da i altri. A sto punto la casa del paron la ze restada unida solche a la part dei depositi, e intant la manodopera la operea te i canp sot al controlo del castaldo. La carateristica de sto periodo la ze quela de er na casa del paron in mes co a i lati, in posision simetrica, i porteghi e le cede.

An personajo rilevante par sto tipo de architetura al ze stat Andrea Paladio, che al ga saest integrar te un unico insieme i elementi tipici del mondo agricol e residensial. A el se ghe atribuiss difati, par esenpio, la presensa de listoi cuerti da archi te la faciada preincipal in part de la abitasion de le vile venete.

Al insioriment dei siori al ga portà a la creasion de vile pì grande e lussuose, fisicamente destacade da i magazin. podopo co el tenp, par motivi diversi, ogni vila la se ga dotà de na ceseta.

Al ze inportante dir che tanti paeset pisoi che dess vedon i ze nassesti dintorn de na vila e, vardandoli co un ocio critico, se pol oncora destinguer cuala che la era la vila in senso stret, cuai che i era i edifici diretamente ligadi (scuderia e magazin), e cuala che la era la part dei coloni (case rurai, cortivi e teren).

La vila belumata[canbia | canbia el còdaxe]

Te la Provincia de Belun i siori i ła pì caro esser arent a la cità e partecipar a la vita pułìtega pitost che tenderghe a i coloni, sichè le so residense principai no le era le vile ma i palas citadini. Le so case in canpagna no le servia par altro che par passar qualche dì de svago, par starghe de istà, par ndar a casa o par postarse ogni tanto a tenderghe a i coloni. Par de pì al ze da segnalar che dei cognomi dei paroi no ghe n'era quasi gnessun che sonesse da belumat. Ten sto panorama la vila veneta la ga cognossest an svilupo pitost limità.

Dopo del assedio a Feltre par opera de Carlo IV d'Asburgo, e cuindi del so incendio, a i siori ghe ga tocà ndar a retirarse te le so residense de canpagna. Da lora ze nassest an novo intaresse par le vile, anca parchè la guera la ła portà a un inpoveriment dei nobili.

Le residense de canpagna da alora le ga tacà a acuisir serti lussi tipici de le vile.

Strutura architetonica[canbia | canbia el còdaxe]

Vila Emo a Fanzolo de Vedelago, de Andrea Palladio

La vila veneta tradisional la ze costituida da na part central pì alta che la ze la casa del paron, e da na part pì bassa, simetrica, che la pol esser linear o a fer de caval e la ze dedicada a i servi o a la part rural. La estension del conplesso la ze granda. Da sta sagoma stàndar parte diversi modei che comunque se pol ricognosserli da serte carateristiche in comune. Le vile le ze cuasi senpre decorade e circondade da jardin.

Na roba tipica de quasi tute le vile la ze la presensa de un piol pisol sora la porta principal e del tinpano in sima a la faciada principal.

La variante che se rescontra te la val del Piave la ze pì conpata. Le dimension le ze pì ridote tanto par quel che reguarda la casa come al giardin. A parte qualche ecesion, la "pars massarica" la ze destacada polito dal edificio. I elementi architetonici tipici de la vila no i manca e gnen fat an uso del color tanto pì marcà che ten altre parti del Veneto.

Controło de autoritàLCCN (ENsh85129567 · GND (DE4063532-6 · BNF (FRcb12472895s (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Vila&oldid=1100054"