New York

Da Wikipedia, l'ençiclopedia libara.
Va a: navigasion, serca
Panorama de la zona de Midtown Manhattan, ciapà da l'Empire State Building, uno dei gratacieli pi alti e famosi

New York (in veneto Nova York) la xè la pì granda zità dei Stati Uniti, con oto milioni de abitanti (disdoto se se conta l'area metropolitana). La se cata in tel'stato de New York, del quale però no l'e mia la capital (che l'è la zità de Albany). La xe uno dei zentri economici e finanziari pì inportanti de la Merica e del mondo. Da 1945, la xè anca sede de le Nazion Unìe.

Da 1898, la xè spartìa in zinque quartieri, ciamà boroughs: the Bronx (o Bronx County), Brooklyn (o Kings County), Manhattan (o New York County), Queens (o Queens County) e Staten Island (o Richmond County). La data de fondazion la xè el 1614, quando dei coloni olandesi i gà messo su un insediamento per el comercio de le pelli, ciamà Nieuw Amsterdam ("Nova Amsterdam"). Nel 1664 la xe sta ciapà dai inglesi, che i gà canbià nome in New York da la zità inglese de York. La xè diventada el capital de i Stati Uniti da zenaro de 1785 fin a dissenbre de 1790. In 1754, Columbia University l'è fondà dove che la libretista Lorenzo Da Ponte (nato a Ceneda) insegnéa talian 'ntel novessento. Da 1934 a 1945, New York gaveva come sindaco Fiorello Henry La Guardia, nato da una mare triestina de nome Irene Coen Luzzato.

Tra i monumenti piassé famosi ghe xè la Statua de la Libertà, el ponte de Brooklyn, el Chrysler Building, la catedral de San Patrizio, l'Empire State Building, che na olta l'era el gratacielo pì alto del mondo e el World Trade Center, butà zo dai teroristi islamici coi atentati de l'11 setenbre 2001 e deso in fase de ricostruzion.

Sità zemelae[canbia | canbia sorxente]