Robin Williams

Robin Williams

(2011)
Biografia
Nasimènto	(en) Robin McLaurin Williams 21 de lujo del 1951 Chicago (Illinois)
Morte	11 de agosto del 2014 (63 ani) Tiburon (Całifornia)
Càuza de morte	Suicìdio  (Impiccagione (it) )
Liogo de sepełimento	Baja de San Francisco
Dati personałi
Rełijon	Ceza Episcopałe
Formasion	Juilliard School (it) (1973–1976) Redwood High School (en) College of Marin (en) - teatro Detroit Country Day School (en) Claremont McKenna College (en) - siensa pułìtega Durham College (en)
Atività
Canpo de laoro	Arte drammatica (it) e dopiajo
Posto de laoro	Stati Unii de l'Amèrica
Ocupasion	monologhista còmego, senezador, narador de audiolibri, ator de teatro, dopiador, produtor de cine, ator, comediante, ator de tełevixion, ator, mimo
Atività	1972  –  2014
Menbro de	SAG-AFTRA (it) Screen Actors Guild (it)
Influense	Peter Sellers, Stanley Kubrick, Chuck Jones, Jack Paar (it) , Mel Brooks, Jonathan Winters, Richard Pryor, Spike Milligan (it) e George Carlin
Patrimogno neto stimà	100 000 000 $ (agosto 2014)
Targheta discogràfega	Columbia Records
Òpara
Òpare in rezalto (1998) Al di là dei sogni (it)
Fameja
Cògnuze	Valerie Velardi (en) (1978–1988), Divòrsio Marsha Garces (it) (1989–2010), Divòrsio Susan Schneider (2011–2014), morte della persona (it)
Fiołi	Zachary Williams (en)  ( Robin WilliamsValerie Velardi (en) ) Zelda Williams (it)  ( Robin WilliamsMarsha Garces (it) ) Cody Williams (en)  ( Robin WilliamsMarsha Garces (it) )
Zenitori	Robert Williams (it)   e Laura McLaurin (en)
Fradełi	Robert Williams (it)
(2009)  Disney Legends (it) (2005)  Golden Globe a ła cariera (2003)  Grammy Award for Best Comedy Album (en) (2003)  Saturn Award per il miglior attore (it) , premià par One Hour Photo (it) (1998)  Screen Actors Guild Award per il miglior attore non protagonista cinematografico (it) , premià par Good Will Hunting (1997)  Oscar al mejo atore no protagonista, premià par Good Will Hunting (1997)  Screen Actors Guild Award per il miglior cast cinematografico (it) , premià par Piume di struzzo (it) (1997)  Screen Actors Guild Award per il miglior cast cinematografico (it) , premià par Piume di struzzo (it) (1994)  MTV Movie Award alla miglior performance comica (it) , premià par Mrs. Doubtfire - Mammo per sempre (it) (1994)  Golden Globe par el mejo film comèdia o muzicałe, premià par Mrs. Doubtfire - Mammo per sempre (it) (1993)  MTV Movie Award alla miglior performance comica (it) , premià par Aladdin (1993)  Saturn Award per il miglior attore non protagonista (it) , premià par Aladdin (1992)  Golden Globe par el mejo atore in un film comèdia o muzicałe, premià par La leggenda del re pescatore (it) (1990)  National Board of Review Award al mejo atore, premià par Risvegli (it) (1989)  Grammy Award for Best Album for Children (en) , premià par Pecos Bill (it) (1989)  Grammy Award for Best Comedy Album (en) , premià par Good Morning, Vietnam (it) (1988)  Primetime Emmy Award for Individual Performance in a Variety or Music Program (en) (1988)  Grammy Award for Best Comedy Album (en) , premià par A Night at the Met (en) (1988)  Golden Globe par el mejo atore in un film comèdia o muzicałe, premià par Good Morning, Vietnam (it) (1987)  Primetime Emmy Award for Individual Performance in a Variety or Music Program (en) , premià par Carol, Carl, Whoopi and Robin (en) (1980)  Grammy Award for Best Comedy Album (en) (1979)  Golden Globe par el mejo atore in un film comèdia o muzicałe, premià par Mork & Mindy  stella sulla Hollywood Walk of Fame (it)
Sito web	robinwilliams.com

Robin McLaurin Williams (Chicago (Illinois), 21 de lujo 1951 – Paradise Cay (Całifornia), 11 de agosto 2014) el ze stà un ator statunitense.

Ator de formasion teatrałe, el otien na granda popołarità tełeviziva so'l fenìr dei ani setanta intarpretando Mork ne Mork & Mindy (1978-1982); indrioman, come che mostra ła rispetàbiłe produsion consentrà soratuto tra i ani otanta e novanta, el ze stà protagonista so'l gran schermo de ròłi briłanti in film de gran suceso, dove che'l ze stà "interprete da ła comicità debordante e fulminante, ma anche "un attore intenso e misurato in ruoli meno divertenti".

Va reordàe łe intarpretazion de Braccio di Ferro in Popeye de Robert Altman (1980), de Adrian Cronauer in Good Morning, Vietnam (1987); inazonta el ze stà anca el profesor John Keating ne Dead Poets Society de Peter Weir (1989), Peter Pan in Hook de Steven Spielberg (1991), el popà travestìo da gègia in Mrs. Doubtfire de Chris Columbus (1993), e uno dei protagonisti in Insomnia (2002) de Christopher Nolan. Manco de rimàrco inte'l conpleso l'atività dei ùltemi ani, dove che'l gà resità majormente in comedie de menor suceso.

Vensidor de un Oscar (1998) so 4 nomination, in un mucio de film el gà dotà darente a grandi star (Robert De Niro, Dustin Hoffman, Jeff Bridges, e Al Pacino), riusindo co eficasia e mostrando de aver inate dote istriòneghe.

L'11 de agosto 2014, Williams el more suicida inte ła só abitasion de Paradise Cay.

Biografia

El nase a Chicago, ne l'Illinois, el 21 de lujo 1951 in una fameja che ła stava ben; só pare, Robert Fitzgerald Williams (1906-1987), el gera un dirigente de ła Ford Motors de'l Midwest de orìzeni inglezi, gałezi e irlandezi; só mare, Laura McLaurin Smith (1922-2001), ła jera na modeła nasùa a Jackson (Mississippi) da na fameja de łontane orìzeni fransezi.

De natura sołitaria, da bòcia el se dedica soratuto ai studi e al spor. El crese a Bloomfield Hills, inte'l Michigan (el frecuenta ła prestijoza Country Day School).

Inte'l 1967 ła famegia Williams ła se trasferise in Całifornia, dove Robin el se diploma inte'l 1971: El se iscrive, cuindi, a ła facoltà de siense połiteghe al Claremont Men's College, indove A scominsia ła só passion par el teatro. Zbandonài i studi, el se iscrive al prestijozo istituto di resitasion dramàtega, Juilliard School de New York, co John Houseman come mestro. El se defarensia come mimo, davanjando i primi schèei co alguni spetacołi. El se ga diplomà 'rente ła Juilliard, Williams torna in Całifornia, a San Francisco, e el taca ła cariera de ator de comedie a teatro. Inte'l 1976 el supara un importante provìn e drioman el conpare anca inThe Richard Pryor Show.

Inte'l1977 Garry Marshall el ghe propone el ròło de Mork, un sinpàtego ałien , protagonista de ła serie tełeviziva Mork & Mindy (spin-off traesto da Happy Days). El parsonazo, intarpretà da'l 1978 a'l 1982, el ghe dà la possibiłità de venjir conosùo da un pùblego intarnasionałe, stanpandose in maniera indełèbile inte ła memoria de miłioni de tełespetadori. El caraterìstego sałudo de'l parsonazo, che'l compariva infrà i terestri zlargando i dei e dizendo "nanu nanu" el deventa un tormenton.

A partìr dai ani setanta e par tuti i ani otanta, Williams interpreta numaroze stand-up comedy e tre epizodi spesiałi de ła comedia de l'HBO Off The Wall (1978), An Evening with Robin Williams (1982), e Robin Williams: Live at the Met (1986). I só łaori stand-up i ze stà un mucio inportanti par ła só cariera, come che ga po' mostrà el so one-man show (anca su DVD) Robin Williams Live on Broadway (2002). El ze stà votà 13° inte ła lista de ła Comedy Central's intrà i 100 pì grandi stand-up de tuti i tenpi.

I ani otanta e el sucesso sinematogràfego

Al sinema, uno dei primi ròłi sinematogràfeghi de rełevansa el ze inte'l 1980 in Popeye de Robert Altman. L'ano drio, in conpanjìa de Glenn Close, el resita in The World According to Garp: in cuesto film Williams el se simenta in t'una vasta gama de variasion mìmeghe e vocałe.

Zlansà da 'sta segonda espariensa, el otien la consagrasion a Hollywood inte'l 1987 co Good Morning, Vietnam de Barry Levinson, indove el ze Adrian Cronauer, miłitar 'merican che'l łavora come deejay par ła radio de l'ezersito statunitense, scoltada tuti i dì dai soldài impenjài in Vietnam. Williams, łibaro de inprovizar, el resve ła prima nomination ai Oscar; no'l vinse l'Oscar, ma el azudega comuncue un Golden Globe.

Drioman, inte'l 1989 el ze protagonista de Dead Poets Society (segonda nomination ai Oscar): inte'l film de Peter Weir, Williams interpreta el ròło de'l profesor John Keating, tegnjiso e revołusionario, fora dai schemi in un łiceo "vecio stiłe" e consarvador. Grasie a 'sta intarpretasion, in un ròło non comico, l'ator el se consagra anca ai òci de ła crìtega che ła sèita a védarlo cofà un comediante par film de zènare.

Segue altri film de bon suceso: darente Robert De Niro in Awakenings (1990) el interpreta ła parte de'l dotor Malcolm Sayer, mentre inte'l 1991 el ze un profesor de storia medieval colpìo da un fołia łustra in The Fisher King.

Inte'l 1991 el ze un Peter Pan cresùo in Hook de Steven Spielberg, mentre l'ano drio, inte'l 1992, el ze Leslie Zevo, l'ecèntrego propietario de na partegołar fàbrega de zogatołi in Toys.

Inte'l 1993 el concuista el pùblego de grandi e picenini inte'l divartente e duplise ròło de papà e colf in Mrs. Doubtfire, mentre do ani daspò el ze stà protagonista de Jumanji.

Famozo par łe só abiłità de inpovizasion e inparsonifegasion, łe só performance łe ze de frecuente travolzeste da un humour inzenjozo e vełoee. Segondo el comento contenjùo inte 'l DVD de Aladdin de ła Disney, in cui el ghe gà dà ła voze a'l Zenio, la mazor parte dei diàłoghi i ze stà inprovizài.

I ani resenti

Intra i sucesi dei ùltemi ani A ghe ze Good Will Hunting, de'l 1997, in conpanjìa de'l zòvane star emerzente Matt Damon, grasie al cuało el vinse ła statuetta come "mejo ator protagonista", e el film fantasy What Dreams May Come.

El sèita saver alternar parti comiche, come inte'l film de fantazia e animasion de ła Disney Flubber, a ròłi seri e inpenjà, cofà inte i film sentimentałi e dramàteghi Patch Adams, Jakob the Liar e Bicentennial Man.

Drioman Williams interpreta anca ròłi pì sconti, come in Death to Smoochy, One Hour Photo (indove el ze un comeso de un sentro fotogràfego, bonàto ma 'stremaménte soło e morbozamente afesionà ai só clienti, che, dopo èsar stà lisensià, el va fòra de zagoła), Insomnia, The Final Cut e The Night Listener, un thriller so un spetacoło radiofònego che'l fa créser na amisisia co un puteło che'l podarìa non ezister.

Inte'l 2006 el ze ła steła de sincue film, tra cui Man of the Year, e el ze l'ospede a sorpreza inte'l Nickelodeon Kids' Choice Awards. El ze anca aparìo int' un epizodio de Extreme Makeover: Home Edition che'l ze stà trazmetesto el 30 zenaro de'l 2006.

El ze stà ciamà da Chris Diamantopoulos par el documentario par tv, Behind the Camera: The Unauthorized Story of Mork & Mindy (2005) che'l scominsia co'l rivo de l'ator a Hollywood come comediante fin quando el ze stà sernìo par el ròło de Mork. Inte ła trazmision tełeviziva statunitense Inside the Actor's Studio, Al Pacino el gà declarà che Williams el ze uno dei só atori preferìi. Inte'l 2011 el ze testimonial insieme a só fìa Zelda de'l videozogo The Legend of Zelda: Ocarina of Time 3D par ła piataforma Nintendo 3DS e de The Legend of Zelda: Skyward Sword par Nintendo Wii.

Vita privà

Inte i ani otanta, Williams el ga fato uzo de cocaina, e el gera stà prezente a ła tràzega serada cuando John Belushi, só grando amigo, el ga perdesto ła vita, copà da na overdose. I do s'aveva visto poche ore prima ne ła stansa de sto ultimo al Chateau Marmont, un hotel sol Sunset Boulevard Los Angeles, co Robert De Niro, Jack Nicholson e Cathy Smith, tosicodipendente e spaciatrice chr gà simentà ła morte de Belushi inietandoghe, su esplicita richiesta, na rata de speedball

.

Williams el ze stà grando amigo de l'ator Christopher Reeve, co el cuało el ga condividesto i ani de studio a ła Julliard School de New York. Inte'l 1995 Reeve el ga avùo un insidente a cavało che lo gà rendesto tetraplèzego e in 'sta ocazion Williams el ze stà un mucio zenarozo co l'amigo contribuìndo economègamente a l'asistensa mèdega e a łe reserche so ła małatia.

Drio dieze ani de matrimonio, inte'l 1988 el gà devorsià da só mugèr Valerie, da ła cuała el gheva avùo Zachary, cuando i zornałi i ga revełà na só rełasion co Marsha Garces, ła tata de só fio. Inte'l 1989 el gà spozà Marsha, da cui el gà avùdo do fiòłi. Co Marsha el gà creà na pròpia conpanjìa de produsion, ła Blue Wolf. Inte'l 2008 i do anuncia de non èsar pì spozà. El 23 de otobre 2011, l'ator el se ga spozà par ła tersa volta co Susan Schneider, na graphic designer conosùa inte'l 2009.

Inte'l marso de'l 2009, daspò che' gavea avùo un małàno, el gaveva dovesto remandar cuatro date de'l só one-man show Weapons of Self-distruction ("Armi di autodistruzione"). Le só condision łe se gaveva grevàe insìn cuando el 5 de marso el ze stà recetà in terapia intensiva in t'un ospeàl de Miami. Anca se un fià megiorà, l'11 de marso l'ator el subìse na oparasión de sostitusion de ła valvoła aòrtega e reparasion de ła valvoła mitrałe co na valvoła de tesùo anemàłe.

Morte

L'11 de agosto 2014, Williams el ze stà descòverzesto sensa vita dai ghebi de'l fogo inte ła só carbona de Paradise Cay in Całifornia a łe 12:02, e declarà moresto do menuti drio. El medego legałe el gà atribuìo o in via dubitativa ła cauza de'l deceso ad asfisìa par sospeto suicidio. Inte łe ore drio ła pua ła ga declarà che l'ator el se ga copà picandose co na sintùra. El corpo de l'ator el ze stà cremà e łe sènare sparpanjàe inte ła baia de San Francisco el 12 de agosto. Pochi dì drio ła desconparsa de Williams, l'ùltema muger Susan Schneider ła gà revełà che l'ator el gavea de resente descoverzesto de èsar afeto da'l morbo de Parkinson.

Filmografia

• Can I do 'Till I Need Glasses? (Il film più pazzo del mondo), regia de I. Robert Levy (1977)
• Popeye (Popeye - Braccio di Ferro), regia de Robert Altman (1980)
• The World According to Garp (Il mondo secondo Garp (film)|Il mondo secondo Garp), regia de George Roy Hill (1982)
• The survivors (Come ti ammazzo un killer), regia de Michael Ritchie (1983)
• Moscow on the Hudson (Mosca a New York), regia de Paul Mazursky (1984)
• The Best of Times (Tempi migliori (film 1986)|Tempi migliori), regia de Roger Spottiswoode (1986)
• Seize the Day, regia de Fielder Cook (1986)
• Club Paradise, regia de Harold Ramis (1986)
• Good Morning, Vietnam, regia de Barry Levinson (1987)
• Portrait of a White Marriage, regia de Harry Shearer (1988) - cameo non accreditato
• The Adventures of Baron Munchausen (Le avventure del barone di Münchausen (film 1988)|Le avventure del barone di Münchausen), regia de Terry Gilliam (1988)
• Dead Poets Society (L'attimo fuggente), regia de Peter Weir (1989)
• Cadillac Man (Cadillac Man - Mister occasionissima), regia de Roger Donaldson (1990)
• Awakenings (Risvegli), regia de Penny Marshall (1990)
• Dead Again (L'altro delitto), regia de Kenneth Branagh (1991)
• Shakes the Clown, regia de Bobcat Goldthwait (1991) - cameo
• The Fisher King (La leggenda del re pescatore), regia de Terry Gilliam (1991)
• Hook (Hook - Capitan Uncino), regia de Steven Spielberg (1991)
• Toys (Toys - Giocattoli), regia de Barry Levinson (1992)
• Mrs. Doubtfire (Mrs. Doubtfire - Mammo par sempre), regia de Chris Columbus (1993)
• Being Human (Le cinque vite di Hector), regia de Bill Forsyth (1994)
• Nine Months (Nine Months - Imprevisti d'amore), regia de Chris Columbus (1995)
• To Wong Foo Thanks for Everything, Julie Newmar (A Wong Foo, grazie di tutto! Julie Newmar), regia de Beeban Kidron (1995) - cameo
• Jumanji, regia de Joe Johnston (1995)
• The Birdcage (Piume di struzzo), regia de Mike Nichols (1996)
• Jack, regia de Francis Ford Coppola (1996)
• The Secret Agent (L'agente segreto (film 1996)|L'agente segreto), regia deChristopher Hampton (1996) - cameo non acredità
• Hamlet, regia de Kenneth Branagh (1996)
• Fathers' Day (Due padri di troppo), regia de Ivan Reitman (1997)
• Deconstructing Harry (Harry a pezzi), regia de Woody Allen (1997)
• Flubber (Flubber - Un professore tra le nuvole), regia de Les Mayfield (1997)
• Good Will Hunting (Will Hunting - Genio ribelle), regia de Gus Van Sant (1997)
• What Dreams May Come (Al di là dei sogni), regia di Vincent Ward (1998)
• Patch Adams, regia di Tom Shadyac (1998)
• Jakob the Liar (Jakob il bugiardo), regia di Peter Kassovitz (1999)
• Bicentennial Man (L'uomo bicentenario), regia di Chris Columbus (1999)
• One Hour Photo, regia di Mark Romanek (2002)
• Death to Smoochy (Eliminate Smoochy), regia di Danny DeVito (2002)
• Insomnia, regia di Christopher Nolan (2002)
• The Final Cut, regia di Omar Naim (2004)
• House of D, regia di David Duchovny (2004)
• Noel (Un amore sotto l'albero), regia de Chazz Palminteri (2004) - cameo non accreditato
• The Big White, regia de Mark Mylod (2005)
• RV (Vita da camper), regia de Barry Sonnenfeld (2006)
• The Night Listener (Una voce nella notte), regia de Patrick Stettner (2006)
• Night at the Museum (Una notte al museo), regia de Shawn Levy (2006)
• Man of the Year (L'uomo dell'anno), regia de Barry Levinson (2006)
• August Rush (La musica inte el cuore - August Rush), regia de Kirsten Sheridan (2007)
• License to Wed (Licenza di matrimonio), regia de Ken Kwapis (2007)
• World's Greatest Dad (Il papà migliore del mondo), regia de Bobcat Goldthwait (2009)
• Night at the Museum: Battle of the Smithsonian (Una notte al museo 2 - La fuga), regia de Shawn Levy (2009)
• Waking Sleeping Beauty (Il risveglio della magia), regia de Don Hahn (2009) - documentario
• Shrink, regia de Jonas Pate (2009)
• Old Dogs (Daddy Sitter), regia de Walt Becker (2009)
• The Big Wedding (Big Wedding), regia de Justin Zackham (2013)
• The Butler (The Butler - Un maggiordomo alla Casa Bianca), regia de Lee Daniels (2013)
• The Face of Love, regia de Arie Posin (2013)
• The Zero Theorem, regia de Terry Gilliam (2013) - cameo non accreditato
• Robin Williams in Multiple Exposures, regia de Matt Hoyle - cortometraggio (2013)
• The Angriest Man in Brooklyn, regia de Phil Alden Robinson (2014)
• Merry Friggin' Christmas, regia de Tristram Shapeero (2014)
• Night at the Museum: Secret of the Tomb (Una notte al museo 3 - Il segreto del faraone), regia de Shawn Levy (2014)
• Boulevard, regia de Dito Montiel (2014)

Tełevixion

• The Richard Pryor Show - serie TV, 2 epixodi (1977)
• Laugh-In - serie TV, 1 epixodio (1977)
• La famiglia Bradford - serie TV, 1 epixodio (1977)
• Happy Days - serie TV, epixodi 5x21-6x24 (1978-1979)
• Mork & Mindy - serie TV, 94 epixodi (1978-1982)
• America 2-Night - serie TV, 2 epixodi (1978)
• Out of the Blue - serie TV, 1 epixodio (1979)
• Faerie Tale Theatre - serie TV, 1 epixodio (1982)
• Mork & Mindy/Laverne & Shirley/Fonz Hour - serie TV (1982)
• SCTV Network 90 - serie TV, 1 epixodio (1982)
• Pryor's Place - serie TV, 1 epixodio (1984)
• Jonathan Winters: On the Ledge, regia de Peter Ferrara - film TV (1987)
• Sesamo apriti - serie TV, 6 epixodi (1991-2012)
• The Larry Sanders Show - serie TV, 2 epixodi (1992-1994)
• Homicide - serie TV, epixodio 10x01 (1993)
• In Search of Dr. Seuss, regia de Vincent Paterson - film TV (1994) - cameo
• Friends - serie TV, epixodio 3x24 (1997) - non acredità
• Dottori a Los Angeles - serie TV, 1 epixodio (1999)
• Freedom: A History of Us - serie TV, 4 epixodi - documentario (2003)
• Una mamma quasi perfetta - serie TV, 1 epixodio (2003)
• Law & Order - Unità vittime speciali - serie TV, epixodio 9x17 (2007)
• Wilfred - serie TV, epixodio 2x01 (2012)
• Louie - serie TV, epixodio 3x06 (2012)
• The Crazy Ones - serie TV, 22 epixodi (2013-2014)

Dopiator

• Pac Preview Party, regia de Barry Glazer - film TV (1982)
• Dear America: Letters Home from Vietnam (Dear America - Lettere dal Vietnam), regia de Bill Couturié - documentario (1987)
• Rabbit Ears: Pecos Bill, regia de Tim Raglin (1988)
• A Wish for Wings That Work, regia de Skip Jones - cortometragio TV (1991)
• Rabbit Ears: The Fool and the Flying Ship - cortometragio (1991)
• FernGully: The Last Rainforest (Ferngully le avventure di Zak e Crysta), regia de Bill Kroyer (1992)
• From Time to Time, regia de Jeff Blyth - cortometragio (1992)
• Aladdin, regia de Ron Clements e John Musker (1992)
• Aladdin on Ice, regia de Steve Binder - film TV (1994) - non acredità
• Aladdin and the King of Thieves (Aladdin e il re dei ladri), regia de Tad Stones (1996)
• Great Minds Think for Themselves - serie TV, 12 epixodi (1997)
• One Saturday Morning - serie TV, 2 epixodi (1998)
• Aladdin's Math Quest - videogxogo (1998)
• A.I. Artificial Intelligence (A.I. - Intelligenza artificiale), regia de Steven Spielberg (2001)
• Robots, regia de Chris Wedge (2005)
• Happy Feet, regia de George Miller (2006)
• Piccolo grande eroe (Everyone's Hero), regia de Colin Brady e Dan St. Pierre (2006) - non acredità
• Happy Feet Two (Happy Feet Two), regia de George Miller (2011)

Produtor

• Comic Relief - special TV, regia de Robin Williams (1986)
• Mrs. Doubtfire (Mrs. Doubtfire - Mammo par sempre), regia de Chris Columbus (1993)
• Jakob the Liar (Jakob il bugiardo (film 1999)|Jakob il bugiardo), regia de Peter Kassovitz (1999)

Regista

• Mork & Mindy - serie TV, epixodio 4x22 (1982)
• Comic Relief - special TV (1986)