Los Angeles
| Los Angeles | |||||||||
|---|---|---|---|---|---|---|---|---|---|
|
|||||||||
 |
|||||||||
| Stato: |  Stati Unìi |
||||||||
| Coordinate: | |||||||||
| Superficie: | 1.290,6 km² | ||||||||
| Abitanti : | 3.957.875 (2005) | ||||||||
| Densità: | 3.041,3 ab./km² | ||||||||
| Sindaco: | Antonio Villaraigosa (D) | ||||||||
| Fuso orario: | Pacific UTC -8 | ||||||||
  Los Angeles
|
|||||||||
|
|
|||||||||
| Sito istituzional | |||||||||
Los Angeles (nome orisenario: Ciudad de la Iglesia de Nuestra Señora de Los Angeles sobra la Porziuncola de Asìs, comunemente brevià in LA), a xé a pì granda cità de la California e a seconda de tuti i Stati Unìi de Merica. Co New York e Chicago a xé una de le tre metropoi pì inportanti del paese e el xé un centro economego, de coltura, sientifego.
El sindego el xé Antonio Villaraigosa, primo sior de orisene spagnole a deventar sindego dal 1872.
[canbia] Coltura
Proabilmente el sinbolo de LA el xé la famosissima scrita su le coline de Hollywood sora de la cità. Uncuò Hollywood le xé na meta turistega, ma le pì inportanti case del cinema se ga da tenpo trasferìo fora de la cità (soratuto inte la San Fernando Valley, da chel'altra banda de le montagne) e quelo che el stà oncora là dai ani de oro xé le stele co i nomi dei divi sui marzapiè e i locai de moda nel Sunset Boulevard. De note, comunque, no xé tanto racomandà pasegiar la zona de Hollywood Boulevard, cofà anca Downtown.
[canbia] Popolazion
La municipalità de Los Angeles la costituisse, insieme a tanti altri centri de le contee de Los Angeles e Orange na vastissima area urbana che co oltra 12 migioni de abitanti la xe la seconda dei Stati Unìi dopo de quela de New York e intra le prime del mondo. I abitanti de Los Angeles, conossùi anca come "Angelenos". La cità la ga una de le popolazion pì diversifegae etnigamente del mondo. Inte i Stati Unìi, solo Miami la ga na parcentual pì granda de abitanti nassùi a l'estaro. L'Aeroporto Internazional de los Angeles (LAX) la xe la magior porta de acesso de la cità soratuto par i inmigrai. La popolazion de orisene ispànega (soratuto messicana) la aumenta in mesura considerevole de ano in ano, al punto che oramai el 46,53% la xe de orisene latina e la cità la xe intieramente bilengual. La popolazion asiatega la xe la pì granda dei Stati Unìi (inte la contea de Los Angeles vive cerca 1.400.000 de asiàteghi. Los Angeles la ospita le pì grosse comunità mondiai de armeni, filipini, guatemalteghi, ongari, israeliani, coreani, messicani, salvadoregni, thailandesi e fora dei rispetivi paesi. A Los Angeles se cata anca le pi grande comunità statunitensi de iraniani e zaponesi. Anca la popolazion de orisene nativa mericana la xe consistente.
A Los Angeles se cata consistenti comunità ètnighe oisenarie de oltra 140 paesi, e se parla inmanco 224 lengue difarenti. Enclaves etnighe cofà Chinatoen, Filipinotown, Koreantown, Little Armenia, Little Ethiopia, Little Persia, Little Tokyo, Thai Town, le testimogna el caratar ipernigà de la cità.
Cofà a New York, a Chicago o a San Francisco, la comunità italo-mericana la xe numarosa; cofà quela de orisene irlandese a todesca. El stesso el val par i afro-mericani che i rapresente l'11,2% de la popolazion.
Le forti desparità economeghe presenti intra le vare comunità le xe stae inte'l tenpo orisene de vere e propie rivolte popolari (cofà quela del 1990), anca par vìa de descrimenazion rassiai.
