Salta al contegnùo

Riccardo Cocciante

Pending
Da Wikipedia, l'ençiclopedia libara.


Infotaula de personaRiccardo Cocciante
Nome orizenałe(it) Riccardo Cocciante
(fr) Richard Cocciante Cànbia el vałor in Wikidata
Biografia
Nasimènto(fr) Riccardo Vincent Cocciante Cànbia el vałor in Wikidata
20 de febraro del 1946 Cànbia el vałor in Wikidata (78 ani)
Ho Chi Minh City Cànbia el vałor in Wikidata
Dati personałi
FormasionLiceo Chateaubriand (it) Traduzi Cànbia el vałor in Wikidata
Atività
Ocupasion
Atività1968
ZènarePop Cànbia el vałor in Wikidata
VozeBaritono lirico (it) Traduzi Cànbia el vałor in Wikidata

Instrumento muzicałevoxe - pianoforte
Targheta discogràfega
RCA Talent, Delta, RCA Italiana, Virgin Dischi
Àlbun25
Òpara
Òpare in rezalto
Repertòrio
Sito webcoccianteclub.it Cànbia el vałor in Wikidata
IMDB: nm0168077 Allocine: 36099
Youtube: UCsD2XRqwXLecoICPP3jkPWQ Spotify: 7iZC2I6gz8gI0BLe2boBZR iTunes: 892626 Musicbrainz: 593bb5a8-a093-431b-b78e-4d6213460980 Songkick: 328305 Discogs: 399868 Allmusic: mn0001567285


Riccardo Vincent Cocciante (Saigon, 20 febraro 1946) el ze un cantante, conpozidor e mùzego itałian.

Biografia

[canbia | canbia el còdaxe]

I scominsi

[canbia | canbia el còdaxe]

Cocciante el nase a Saigon, in Vietnam, el 20 febraro 1946 da pare itałian de Rocca di Mezzo (in provincia de l'Aquiła e da mare franseze. A ùndeze ani el se trasferise co ła famegia a Roma indove el frecuenta el Lycée Chateaubriand.

Ze in Itałia che'l se forma, artistegamente parlando, anca se'l mantenjarà senpre, grasie a ła mare, na sorta de "dopia identità" itało-franseze: in Fransa el ze conosùo come Richard Cocciante.

El taca ezibirse inte i łocałi romani co un pròpio repertorio co testi in ingleze co un só grupo, i Nations, e dopo alguni provini co algune etichete, el vien meso soto contrato da ła RCA Talent, debutando inte'l 1968 co'l pseudonemo Riccardo Cocciante insidendo un 45 ziiri, che parò no'l vien considarà pasando inosarvà.

Osarvà da Mario Simone e Paolo Dossena, ghe vien proponesto de pasàr a ła só eticheta ła Delta co cui el inside, utiłizando el nome Richard Cocciante, inte'l 1971 el 45 ziri Down memory lane/Rhythm e, inte'l steso ano, ła canson Don't put me down, contenjùa inte ła cołona sonora de'l film Roma bene de Carlo Lizzani; 'ste insizion no łe otien parò rescontri da'l pùblego.

Cocciante el conose in chel parìodo i autori Marco Luberti e Amerigo Paolo Cassella: el deside cuindi de pasàr a testi in itałian, scominsiando na cołaborasion co i do autori, e el firma un novo contrato co l'RCA Itałiana, par cui el pùblega inte'l 1972 un concept àlbun co influense muzegałe de rock progresivo, Mu, contando ła storia de'l continente perdùo Mu, oncora a nome Richard.

A łe rezistrasion de l'àlbun ghe partesipa un gran nùmaro de muzeghisti de un serto prestizio, tra cui el leader dei Brainticket, el flautista Joel Vandroogenbroeck, e'l tastierista Paolo Rustichelli (de'l do Rustichelli e Bordini).

El primo disco publegà come Riccardo el ze Poesia de'l 1973 che, a'l roverso de'l presedente (costituìo da do suites, una par banda) el ze conponesto da canson inte'l stiłe co cui Cocciante el deventarà po' conosùo sucesivamente. Ła title track ła vien insidesta inte'l steso parìodo da Patty Pravo, e co'l tenpo ła deventarà una de łe canson pì conosùe.

El suceso

[canbia | canbia el còdaxe]

El suceso el riva inte el 1974 co ła canson Bella senz'anima e da l'albun da cui ła ze tiràda zó, Anima, rangià da Ennio Morricone e Franco Pisano, che ła contien altre canson de Cocciante un mucio conosùe cofà par ezenpio Quando finisce un amore, Qui (prezentàda pochi mezi prima de'l Festival de Sanremo 1974 da Rossella), Il mio modo di vivere (de cui el grupo de ła Schola Cantorum insidarà in una cover inte'l só àlbun Coromagia vol.2 de'l 1976) e L'odore del pane, za conosùa parchè l'ano presedente ła gera stada insidesta da Don Backy che ła gaveva inserìa inte'l só àlbun Io più di te.

El 1975 el ze l'ano de L'alba, che mena oncora Cocciante in clasifega grasie a ła canson omònema, publegada so 45 ziri, ed altre come Era già tutto previsto o Canto popolare (insidesta anca da Ornella Vanoni).

Inte'l 1984 el conpone co Santandrea La fenice, che'l partesiparà a'l Festival de Sanremo 1984 inte ła sesion Nove proposte.

Tra i altri só sucesi A se recorda Margherita, Io canto (che inte'l 2006 Laura Pausini ła ga reportà in clasifega co l'omònemo àlbun de cover), Cervo a primavera, Celeste nostalgia e Quando finisce un amore.

El ga vinsesto el Festival de Sanremo 1991 co Se stiamo insieme.

El ga dotà co Mina (Questione di feeling inte el 1985 e Amore inte el 1994), co Mietta (Sulla tua pelle ed E pensare che pensavo mi pensassi almeno un po' inte el 1994) e co Paola Turci (E mi arriva il mare inte el 1991).

Inazonta el ze famozo par aver conponesto łe òpare popołari "Notre Dame de Paris", "Le Petit Prince" (soło in Fransa) e "Giulietta e Romeo".

El ga visùo tanto in Itałia ma anca par łongo tenpo inte i USA e in Fransa; pì resentemente a Dublin (Irlanda).

Inte'l 1994 Riccardo pùblega el CD Un uomo felice in cui el propone diversi doti co interpreti femeniłi de'l panorama de ła canson itałiana, intrà cui spica ła Tigre di Taranto Mietta, in ben do brani, e ła Tigre di Cremona Mina, che co Riccardo canta Amore, brano che'l gerà stà za publegà vinti ani prima da l'autor de ła canson Maurizio Monti.

Inazonta, Riccardo, inte'l 1995 el ga cantà tre canson, cołone sonore de'l film Toy Story, da łù traduzeste in itałian: Hai un amico in me ("You Got a Friend in Me"); Che strane cose ("Strange Things") e Io non volerò più ("I Will Go Sailing No More").

Inte'l 2006 el ze stà condanà par defràudo fiscałe in Fransa[1].

Inte'l 2009 el gà cantà inte l'ùltemo disco de Claudio Baglioni "Q.P.G.A.", inte ła trasa "L'incontro".

De resente, inte'l 2013 el gà partesipà come "couch" a ła trazmision che serca zòvani tałenti "The Voice of Italy", in conpanjia de Raffaella Carrà, Noemi, e Piero Pelù. Un programa che come el dize łù, ghe ga fato ben e ghe ga insenjà un mucio ma che al steso tenpo el gà mostrà ła só emosion e ła só partegołàr sensibiłità.

Discografia itałiana

[canbia | canbia el còdaxe]

Cocciante el ga a l'ativo na vasta discografia in itałian, ma el ga anca produzesto canson in franseze e spanjoło.

33 xiri

[canbia | canbia el còdaxe]

a, PL 31352 e da nòvo inte'l 1988, NL 71913)

CD

[canbia | canbia el còdaxe]

45 xiri

[canbia | canbia el còdaxe]

Note

[canbia | canbia el còdaxe]
  1. ↑ Richard Cocciante condamné pour fraude fiscale - Libération (ligo ronpesto dispunìbiłe in Internet Archive; védarse el istòrego, la prima version e ła ùltema).

(Riccardo Cocciante condanà par defràudo fiscałe)

Bibliografia

[canbia | canbia el còdaxe]
  • Pierguido Asinari, Riccardo Cocciante. 1971-2007. Dalla forma canzone al melodramma, Roma, Editori Riuniti, 2007
  • Autori Vari (a cura di Gino Castaldo), Enciclopedia della canzone italiana, editore Armando Curcio (1990); alla voce Cocciante Riccardo, di Ernesto Assante, pagg. 408-409
  • Autori Vari (a cura di Enrico Deregibus), Dizionario completo della canzone italiana, Giunti editore (2006); alla voce Cocciante Riccardo

Altri progeti

[canbia | canbia el còdaxe]

Linganbi foresti

[canbia | canbia el còdaxe]


Controło de autoritàVIAF (EN) 90611971 · ISNI (EN) 0000 0000 7827 7123 · El vałore RAVV027435 de SBN no el xe mija bon. · LCCN (EN) n94050663 · GND (DE) 133979660 · BNF (FR) cb138926030 (data) · BNE (ES) XX861912 (data) · WorldCat Identities (EN) n94-050663
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Riccardo_Cocciante&oldid=1173607"