Pian de łe Fugase

Da Wikipedia, l'ençiclopedia libara.
Va a: navigasion, serca
El pian de łe Fugase

El Pian de łe Fugase el xe on vàłico alpin a 1162 metri s.l.m. situà a i confini de provincia de Trento e Vicensa e el fa da spartiaque fra ła Val Leogra e ła Vałarsa.

El comun cołega Vicensa co Roveredo co ła ex strada statałe 46 ciamà "del Pasubio", che ła ricalca el trasà de l'antiga via Rejia.

Caraterixà da ła prexensa de anpi pascołi, xe speso baxe de partensa par le escursion so' łe visine Prealpi vixentine e 'l xe atraversà dal troxo eoropeo E5 Lago de Costansa-Venesia. Ła curta spianàda prexenta, da ła banda trentina, 'na tratoria che fa anca da albergheto, preso el qual l'è disponibile un anpio parchejo (recentemente se gà da pagàr).

El pian de łe Fugase xe cołegà mediante do strade al Paso de Canpogroso, tute do seràe al trafico veicołare. La pì meridionałe xe verta soło fin a l'Osario del Pasubio e ła xe sarà da 'na sbara, la setentrionałe invese l'è proibìa al trafico veicołar salvo autorixasion del comùn de Vallarsa, invese xe senpre autorixàe a parcorerla le biciclete.

Dal Pian de łe Fugase in più se pol raxonxer (soło a pìe o in bicicleta), el recèto tramite ła strada dei Eroi.

'Rente el Pian de łe Fugase se cata łe ruine del Forte Coni Zugna, 'na fortificasion austroungarica.

Sta salita xe stàda afrontàda durante ła diesanovexima tapa del 90° Giro de Itałia 'ntel 2007, ma i primi pasagi de ła corsa xe avegnùi 'ntei ani trenta sia da un versante che da l'altro.