Strada dei Eroi

Da Wikipedia, l'ençiclopedia libara.
File:Il Pasubio, co la Val di Fieno a sinistra e la Val Canale a destra.jpg
Ła verde Val di Fieno a sinistra, divisa dal creston de ła Pria Faveła da ła Val Canałe a destra

Ła Strada dei Eroi ła xe na strada de montagna del Pasubio fata 'nteł'istà del 1938. No ła xe sfaltà e specie in primavera se trova raquante frane de sasi e de giara. No ła xe verta al trafico. Par rivarghe ał'inboco se ga da partire dal Pian de łe Fugase, a 1165 metri, e 'ndar su par ła strada de ła Val di Fieno (bianca e sarà al trafico anca questa). A 1782 metri de quota sta strada ła finise davanti ła Gałeria D'Havet, ke ła sbusa el creston de ła Pria Faveła e ła salta fora in Val Canałe. Da qua scuminsia ła Strada dei Eroi, alta sui buroni profondi sentenari de metri de ła Val Canałe. Dopo do tornanti, e pasando soto de łe gałerie, ła strada, tajà suła piera, ła monta ała testada de ła vałe finke no ła riva al Rifugio Papa, ałe Porte del Pasubio, a 1934 metri, 'ndove ke riva anca ła Strada dei Scarubi e ła Strada de łe Gałerie. Drio ła strada, suła piera a monte, xe stà postà, una drio ł'altra, łe łapidi coi nomi de 15 medaje d'oro de ła prima guera mondiałe. Par rivar su a pie al Rifugio partendo dal Pian de łe Fugase e tajando i tornanti de ła strada de ła Val di Fieno col troxo numero 399, se ghe mete 2 ore e 3 quarti.

Ełenco de łe 15 medaje de oro mensionà 'nteła Strada dei Eroi[canbia | canbia el còdaxe]

Note[canbia | canbia el còdaxe]

  1. Medaglia d'oro al valor militare - Aldo Beltricco, Quirinale. entrada il 30-5-2008.
  2. Medaglia d'oro al valor militare - Cesare Battisti, Quirinale. entrada il 30-5-2008.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Strada_dei_Eroi&oldid=1053685"