Fenici

Da Wikipedia, l'ençiclopedia libara.
Va a: navigasion, serca

I fenici i xera on popolo de l’antica Canaan, ła region ancò ocupá dal nord Israele, Łìbano e la costa de la Siria. I fenici gha svilupá na cultura maritima, de mercanti e viagiatori. El punto pi alto de la loro civilizasion xe stá tra el 1200 e 900 a.C. I fenici vivea in citá stato, le pi importanti iera Tiro, Sidone, Biblos e Sarepta. I gha inventá łe navi biremi, el alfabeto che xe stá la base de tuti i alfabeti ocidentali e semitici, e gha svilupá na cultura scrita. I libri fenici no xe sopravisui, ma savemo da latre fonti che i esistea. Le citá fenice su la costa africana, come Cartagine, ia conservá testi de origine fenicia.

El nome fenicio vien dal greco phoinix, che a so vlta vegnea dal egizian fnkhw, ch volea dir sirian. L’etimologia che fa risalir el nome da phoenix (roso porpora – che se riferaria a la produzion de la porpora) no gha basamento storico. I fenici xe na popolasion originaria de Canaan. I miti antichi che i fasea nasar i fenici en Africa xe miti ceh vol dar na storia a la popolasion, ma no ghe ricatamento archeołogica che posa sostener sti miti. Invece, se sa che i fenici i se ciamava kenaani – omeni de Canaan. La loro lengoa xe semitica. Savemo però che ghe stá n’invasion de on popolo de marinai verso el 1200 a.C. Xe en stò tempo che i fenici gha scominziá a viagiare con navi nove pi resistenti. L’è posibile che i fenici originari i se sia misciá con popolazioni che vegnea da altre parti del Mediteraneo e ghabia acquisito la loro cultura.


Economia[canbia | canbia sorxente]

A partir dal l’ano 1200 a.C., i fenici xe diventá la forza navale e comerciale pi importante del Mediteraneo. I fasea marcá de legname – el cedro del Libano – e de la porpora – colorante che i tiraa fora da dei moluschi. Tesuti e vero xerea altri ogeti che i esportava. Da la Spagna i importava aluminio e argento. Altri materiali vegnea da Cipro, Italia e forse anca da l’Inghiltera. I fenici gha fondá citá o picoli porti su tuta la costa Africana fin in Mauritania, ona on giorno de viagio da l’altro. In stò modo, le loro navi le podea sempre far scalo en on porto sicuro.


Religion[canbia | canbia sorxente]

I fenici iera politeisti, i credea in tanti dei. I pi importanti xe:

  • Adone, on dio zoino e belo
  • Anath, dea de l’amore e de la guera
  • Asherah, dea de Biblos
  • Astarte, regina de i cieli
  • Baal, el re de l’universo
  • Tanit, la dea de Cartagine
  • Yamm, dio del mar


Curiositá[canbia | canbia sorxente]

El nome Spagna vien da el fenicio i-shepan, che vol dir tera de i conei. El nome Bibbia vien da el nome de la citá fenicia dove se produsea i primi libri- Biblos.