Caxo (łenguìstega)

Da Wikipedia, l'ençiclopedia libara.


In gramàtica e łenguìstega, el caxo rapresenta el canbiamento de un nome a seconda de ła so funsion lòxica (sogeto, conplemento direto, conplemento indireto, evc.).

Ghè xe anca de łe łéngue, sia moderne sia vecie, andove gni paroła, a seconda de ła funsion ghè ła ga inte ła fraxe, asume forme diverse. In itałian, ła declinasion secondo el caxo xe ormai decadùa par quanto riguarda nomi, agetivi o averbi. Tałi parołe łe ga senpre ła stesa forma par quałunque funsion asolta inte el periodo (sogeto, conplemento). Par exenpio, in itałian, ła paroła cane xe senpre ła stesa in ogni anbito de ła fraxe: el can magnò ła piègora, gò dato da magnare al can, ła caxeta del can evc. Del resto, i pronomi personałi (Mi, ti, łù, eła, łori) i asume na forma diversa a seconda del ruoło che i gà: mi magno, ma el cocodriło me magna: łori infati, i xe łe ulteme ererdità de łe declinasion latine.

Ła funsion lòxica dei caxi ła pol essar svolta anca da na prepoxision, come ghè xe par exenpio en itałian, o da na pospoxision, come acade inte el giaponexe. Quindi mentre in latin se dixe par exenpio lib-er, libr-i, libr-o, in itałian (cussita come in vènteo) gàvemo el libr-o, del libr-o, al libr-o. I do mecanismi (caxi e pre/pospoxision) sołitamente i coexiste inte ła stesa łéngua (ex. latin ad Romam, costituìo da ła prepoxision ad e dall'acuxativo Romam).

I caxi inte łe łéngue moderne[canbia | canbia el còdaxe]

Itałian[canbia | canbia el còdaxe]

Come dito sora, l'itałian nò dopàra i caxi: ghè xe soło alcune forme de nominativo, acuxativo e dativo inte el caxo dei pronomi personałi ("io", "me", "mi", corispondenti vèneti de "mi", "me") e dei pronomi rełativi ("che", "cui").

Todésco[canbia | canbia el còdaxe]

El todésco el ga quatro caxi: nominativo, genitivo, dativo, acuxativo. Łe funsion del vocativo łe xe svolte dal nominativo, quełe dell'ablativo xeneralmènte dal dativo. El genitivo xe atualmente in regreso, e de frecuente el vien sostituìo da von + dativo.

Inglexe[canbia | canbia el còdaxe]

L'inglexe nò'l ga i caxi, se nò el cussìdito genitivo sasone che el xe un posesivo e el caxo acuxativo par quanto riguarda i pronomi personałi e posesivi (pronomi personałi conplemento).

Łéngue slave[canbia | canbia el còdaxe]

El połaco, ło sloveno, el ceco, ło slovaco, el ruso, e in xenerałe bona parte de łe łéngue slave łe ga sie (o sete) caxi, fora che el bùlgaro e el macedone che łe conserva soło inpronte dei caxi inte i pronomi. Rispeto al latin ghè manca el vocativo (salvo el ceco, połaco, serbo-croato e ucraino), ma in conpenso al posto dell'ablativo łe ga altri do caxi:

  • locativo - xe senpre presedùo da prepoxision (infati xe anca ciamà prepoxitivo) e, a seconda de st'ultima qua, indica conplementi difarenti come stato in logo o de argomento (Mario studia a caxa, Jerimo drio parlar de ti).
  • strumental - indica el mexo e el modo (Mario studia có un libro, Mario lexe vełosemente).

Łéngue baltiche[canbia | canbia el còdaxe]

El lituan el ga tuti i caxi dell'indoeuropeo fora che l'ablativo. El letone łi ga tuti e oto, ma prexenta sincretismo: al singołare, l'ablativo xe conpagno del genitivo e ło strumental xe conpagno del acuxativo; al plurałe, ablativo e strumental i xe entrambi conpagni del dativo.

Łéngue ugrofiniche[canbia | canbia el còdaxe]

Na pecułiarità de łe łéngue apartenenti al cepo ugrofinico xe queło de 'vere on grando numaro de caxi.

El finlandexe e l'estone i ga 15 caxi:

  • nominativo - dopàra esclusivamente come sogeto al singołare, al plurałe el pol essar anca conplemento ogeto
  • genitivo - indica poseso. Al singołare el ga ła stesa forma dell'acuxativo
  • acuxativo - xe l'ogeto de ła fraxe. In realtà nò'l ga na dexinensa propia (fora che par i pronomi personałi), ma uxa el nominativo e el genitivo al singołare, e soło el nominativo al plurałe
  • partitivo - indica prinsipalmente ła parte de na cossa o na quantità indefinìa (So ła toła ghè xe dei libri), ma alcuni verbi i ga el partitivo sensa badare al so significà
  • inesivo - indica ło stato in logo interno (Mario xe in caxa).
  • elativo - indica el moto da logo interno o ła proveniensa (Mario se alsa dal leto).
  • iłativo - indica el moto a logo interno (Mario mete ło zucaro inte el cafè).
  • adessivo - indica ło stato in logo esterno (El libro xe so ła toła), opùr el mexo co cui se svolge n'asion o el modo inte el cuało se conpie (Mario studia có un libro).
  • ablativo - indica el moto da luogo esterno, separasion o proveniensa (Mario ciapa el libro da ła toła).
  • ałativo - indica el moto a logo esterno (El libro xe cadùo so ła toła), opùr un conplemento de termine (Mario ga scrito a Luigi).
  • esivo - indica el predicativo de modo o quałità (Mario studia da medico).
  • traslativo - indica el predicativo del divegnere (Mario xe divegnùo medico).
  • abesivo - indica ła mancansa (Mario xe sensa schei).
  • comitativo - indica ła conpagnia o l'union (Mario el parte pà ła Finlandia có Luigi).
  • istrutivo - indica ła modałità o el mexo (Ło gò visto có i oci sarài).
Caxi
Logo literatura

Abesivo - Ablativo - Acuxativo - Adessivo - Ałativo - Asołutivo - Comitativo - Dativo - Dedativo - Dełimitativo - Ergativo - Elativo - Esivo - Genitivo - Iłativo - Inesivo - Locativo - Nominativo - Partitivo - Perlativo - Posesivo - Pospositivo - Prolativo - Partitivo - Strumental - Tendenzial - Terminativo - Traslativo - Vocativo

Voxe de lenguìstega


Controło de autoritàLCCN (ENsh85056271 · GND (DE4029910-7 · BNE (ESXX542752 (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Caxo_(łenguìstega)&oldid=1157221"