Vocativo

Da Wikipedia, l'ençiclopedia libara.
Va a: navigasion, serca

El caxo vocativo el xe ła fórma de ła declinasion che serve par indicar na ciamada verso calcheduni, segnando a chi che se dixe ła fraxe, osìa ci che l'è ła 2ª persóna (el "ti") destinataria de quel che se dixe.

Par exenpio 'nte ła fraxe, «Ti Marìa te dovarisi far pułito» se capise che ła "Marìa" ła xe ła dona asocià col "ti", ła dona che ghe vien dita ła fraxe cioè ła xe al vocativo. El "ti" el pol vegner saltà dixendo soło «te dovarisi far pułito, Maria» tanto el tono de vóxe el ségna el vocativo.

Łe łéngue łe ga modi difarenti comunque de segnar el vocativo:

  • in łatin, serti nomi maschiłi i avéa el vocativo in -e: "Medice cura te ipsum" (Mèdico! Cùrate da ti soło!)
  • in grego, serti maschiłi i finìa in : "άνθρωπε" (omo!)
  • in rumen l'artìcoło maschiłe finałe in -ule , el plural in -lor, serti nomi in -e e i feminiłi in -o: "omule" (omo!), "domnilor!" (siuri!), "Jone, Mario" (Joani! Maria!)
  • in vèneto, i nomi propi feminiłi i perde l'artìcoło personałe: "Vien qua Marìa! (voc.)" vs. "Vien qua ła Marìa (nom.)".

In altre łéngue come l'itałian o l'ingléxe el vocativo el xe deventà precixo del nominativo e de l'acuxativo: "Vieni, Maria" = "Viene Maria".

Caxi
Logo literatura

Abesivo - Ablativo - Acuxativo - Adessivo - Ałativo - Asołutivo - Comitativo - Dativo - Dedativo - Dełimitativo - Ergativo - Elativo - Esivo - Genitivo - Iłativo - Inesivo - Locativo - Nominativo - Partitivo - Perlativo - Posesivo - Pospositivo - Prolativo - Partitivo - Strumental - Tendenzial - Terminativo - Traslativo - Vocativo

Voxe de lenguìstega