Asołutivo

El caxo asołutivo el xe na fórma de ła declinasion de łe łéngue ergative che ła vien doparà par segnar sia el conpleménto ojeto direto, sia el sojeto de un verbo intranxitivo val a dir quei sojeti sènplisi che i fa asion che riguarda soło łuri stesi.

El sojeto de un verbo tranxitivo, cioè quel sojeto agente che 'l fa asion su calcosa altro, invese el vien segnà par cónto suo col caxo ergativo.

Par exenpio in basco:

• verbo tranxitivo, "ikusi" védar: "Mutilak gizona (oj.dir.) ikusten du" (el puteło el véde l'omo oj.direto)
• verbo intranxitivo, "etorri" vegner: "Gizona (soj.) etortzen da" (l'omo soj. el vien)

El sojeto intranxitivo e l'ojeto direto i è segnài precixi "gizona" (omo) mentre el sojeto tranxitivo "mutilak" el ga na final speciałe ergativa.