Baxéłega de Santa Maria Glorioxa dei Frari

Parte che xe davanti co' anca el canpaniel

La Baxełega de Santa Maria Glorioxa dei Frari, che xeneralmente xe ciamàda Frari, xe 'na céxa de Venesia, 'ntel nord de ł'Itałia. Una de łe céxe più grande de tuta ła sità, ła gà el stato de Basilica minor. Ła se cata 'ntel canpo dei Frari nel cuor del sestièr de San Poło. Ła céxa xe dedicàda a ła Sunta (de ła Beata Vèrxene).

L'èrto altèr che mostra ła Sunta de Tisian (Assunzione di Tiziano)

Ai Fransescani ghe gera stà conceso de costruir 'na céxa 'ntel 1250, ma ła costrusión no xe stàda finìa fin al 1338. El łavoro xe scominsià scuaxi a coràndo su 'na area un mucio più granda, la céxa drìo, e ghe gà inpiegà più de un secoło par fabricàrla. El canpaniel, el segondo più alto ne ła sità dopo queło de San Marco, xe stà conpletà 'ntel 1396.

Ł'edificio inponénte xe stà fabricà de quarełi, e xe una de łe tre céxe de ła sità più degne de nòda costruìa in un stiłe Gotico Itałian. Cofà un gran nùmaro de altre céxe venesiane, ł'esterno xe pitosto senplice. Ł'interno contien el soło schermo a croxe ancora da qualche banda a Venesia.

Queła dei Frari xe 'na céxa parochial del Vicarià de San Poło-Santa Croxe-Dorsoduro. Łe altre céxe parochiałi xe San Barnaba, San Ludovico Vescovo, Santa Maria del Socórso e Santa Malgarìta.

Tiziano Vecelli o Tiziano Vecelli (c. 1488/1490[1] – 27 Agosto 1576[2] megio cognosùo cofà Tiziano - el più inportante menbro de ła scoła de pitura venesiana del XVI° secoło - xe sepełìo ai Frari.

I cori reałixài da Marco Cozzi