Teatro Ołìnpego
rimandamento da Teatro Olimpico
Teatro Ołìnpego | |||
| |||
| Dati | |||
|---|---|---|---|
| Sorte | Teatro, palazzo museo (it)  e museo di un ente pubblico (it)  | ||
| Parte de | Musei civici di Vicenza (it) | ||
| Architeto | Andrea Paładio | ||
| Vertura | Eror Lua: callParserFunction: function " [[Categoria" was not found. | ||
| Istòrego | |||
| 1580 (Gregorian) – 1585 | costrusion | ||
| Caraterìsteghe | |||
| Stiłe architetònego | architetura renasimentałe | ||
| Mezurasion | 200 m ( ) | ||
| Àrea | espozision: 1 000 m² | ||
| Pozision | |||
| Rejon aministrativa | Vicensa (Itàlia) | ||
| Pozision | piazza Giacomo Matteotti | ||
| |||
| Eror Lua: callParserFunction: function " [[Categoria" was not found. | |||
| Atività | |||
| Capasità màsema | sui 400 | ||
| Inpiegai | 25
(2019) | ||
| Vizitanti anuałi | 42 761 (2020) | ||
| Ligo web | teatroolimpico.vicenza.it | ||
|
| |||
El Teatro Olimpego de Vicensa el xe on teatro progetà da l'architeto rinasimentale Andrea Palladio inte el 1580. El xe ritegnù in genere el primo esenpio de teatro stàbiłe al cuerto de l'epoca moderna.
La realixasion del teatro, a l'interno de un conpleso medieval che ghera xà prima, la ghe xe sta comisionà a Palladio da l'Academia Olinpica par metar in sèna le comedie clasiche. La so costrusion la xe intacà inte el 1580 e i la inaugurà el 3 marso 1585, dopo la costrusion de le famose siene fise da parte de Vincenso Scamozzi. Ste struture de legno le xe le uniche d'epoca rinasimentale che xe riva fin ai dì nostri, e le se sa anca conservà ben, par quelo.
Inte el teatro i ghe fa oncora deso rapresentasion e conçerti e l'è sta meso inte la lista dei Patrimoni de l'umanità de l'UNESCO, come le altre opere paladiane a Vicensa.
Istòrego[canbia | canbia el còdaxe]
 Ben protexesto da l'UNESCO | |
| Teatro Olimpego | |
_scena_.jpg) | |
| Tipołoxia | Architetonego |
|---|---|
| Critero | (i),(ii) |
| Ano | 1994 |
| Linganbo | inglexe fransexe |
[[Categoria:Patrimoni de l'umanità in Itàłia ]] [[Categoria:Patrimoni de l'umanità in Itàłia ]]
El Teatro Olimpego el xe stà l'ultimo laoro de l'architeto Andrea Palladio e el xe ritegnùo uno dei so pi grandi capolavori, insieme a Vila Capra dita la Rotonda, a la Basilica Paladiana e al là rente Pałaso Chiericati. El çelebre architeto veneto, rientrà da Venesia inte el 1579, el ga riportà in sta opera i risultati dei so longhi studi sul tema del teatro clasego, basà su l'interpretasion del tratato De architectura de Vitruvio e su l'indagine direta de le roìne dei teatri romani, oncora visìbiłi a l'epoca (in partegolare del Teatro Berga de Vicensa).
Ordinasion[canbia | canbia el còdaxe]
El teatro el ghe xe sta ordinà a Paladio da l'Academia Olinpica de Vicensa, nata inte el 1555 con finalità culturali e sientifiche, tra le quali ghe jera la promosion de l'atività teatrale. Tra i menbri fondatori de l'Academia ghe jera anca Palladio, che par sta cuà el ga progetà numerosi alestimenti scenici provixori in vari posti de la sità, come se usava in alora, finché inte el 1579 l'Academia la ga otegnùo da la munisipalità la concesion de un posto adatto in dove poder costruir stabilmente un proprio teatro, a l'interno de le vece preson del Castel del Teritorio. El contesto l'era na vecia fortesa de inpianto medieval, pi olte rimanegià e doparà inte el tenpo anca come preson e polveriera prima del so abandono.
Costrusion[canbia | canbia el còdaxe]
La costrusion del teatro la xe tacà inte el 1580, el steso anno che Palladio el xe morto, ma i laori i xe sta portè vanti su la base de le so note da so fiol Silla, e i xe finìi inte el 1584, limitatamente a la cavea conpleta de łòxa e al proscenio. Ghe xera quindi el problema de realixar la scena a prospetive, che la jera stà prevista fin dal prinsipio da l'Academia ma de cui Palladio nol gavea lasà un vero progeto. I ga quindi ciamà Vincenzo Scamozzi, l'architeto visentin piasè inportante dopo la morte del maestro. Scamozzi el ga disegnà le scene lignee, de grande effeto par el so ilusionismo prospetego e la cura del detaglio, costruìe aposta par lo spetacolo inaugurale, fasendo in più calche adatamento e i necesari conpletamenti al progeto de Palladio. A Scamozzi ghe vien inoltre atribuìe le contigue sale dell'Odèo e dell'Antiodèo, oltre che el portal d'ingreso orixenałe.
Inaugurasion[canbia | canbia el còdaxe]
El teatro i la inaugurà el 3 de marso 1585 con la raprexentasion de l'Edipo re de Sofocle e i cori de Andrea Gabrieli (ripresa inte el 1997 par l'Academia Olinpica con la regia de Gianfranco De Bosio). In sta qua e in altre rare ocasion le scene (che le rapresenta le sète vie de la sità de Tebe) le xe sta iluminà con un originale e conplicà sistema de iluminasion artificiale, ideà senpre da Scamozzi. Le scene, che le jera sta fate in legno e stucco par un uso tenporaneo, no le xe sta parò mai cavà e nonostante i peregoli del fogo e dei bonbardamenti de le guere le sa miracolosamente conservà fin ai dì nostri, uniche de la so epoca.
Rapresentasion[canbia | canbia el còdaxe]
El teatro i lo dopara oncora deso, prinsipalmente par rapresentasion claseghe e conçerti, soratuto in primavera (festival "Settimane Musicali al Teatro Olimpego" e "Il Suono dell'Olimpego") ed in autuno ("Cicli di Spettacoli Clasici") parché par paura de danegiar le delicate struture no i ga mai meso su un inpianto de riscaldamento o de condisionamento; el ga in più na capiensa limità - çirca 400 posti - par motivi de conservasion.
Altri projeti[canbia | canbia el còdaxe]
Wikimedia Commons el detien imàjini o altri file so Teatro Olimpico
Linganbi foresti[canbia | canbia el còdaxe]
- Sito ufisałeteatroolimpico.vicenza.it.
- Sito ufisałemuseicivicivicenza.it.
- (EN) Teatro OlimpicoEnçiclopedia Britannica, Encyclopædia Britannica, Inc.
- (EN) Teatro OłìnpegoStructurae.
| Controło de autorità | VIAF (EN) 140459879 · ISNI (EN) 0000 0001 2292 5571 · LCCN (EN) n85233105 · GND (DE) 4193177-4 · WorldCat Identities (EN) n85-233105 |
|---|