Stà cuà ła xè nà voxe en vetrina. Struca cuà par major informasion!

Vila Capra

Da Wikipedia, l'ençiclopedia libara.
Jump to navigation Jump to search

Coordinae: 45°31′53.4″N 11°33′36″E / 45.5315°N 11.56°E45.5315; 11.56

Vila Capra
Larotonda2009.JPG
La Tonda vissta da la Riviera Berega
CitàVicensa
InderisoVia della Rotonda 45
Informasion xenerałi
Stilerinasimentałe
ArchitetoAndrea Paładio
Mapa interativa
45°31′53.49″N 11°33′36.96″E / 45.531524°N 11.560268°E45.531524; 11.560268Coordinae: 45°31′53.49″N 11°33′36.96″E / 45.531524°N 11.560268°E45.531524; 11.560268


Flag of UNESCO.svg Ben protexesto da l'UNESCO
Vila Capra dita la Rotonda
07-Villa-Rotonda-Palladio.jpg
TipołoxiaArchitetonico
CriteroC (i) (ii)
PerigołoNisuna indicazion
Ano1994 - 1996
Linganboinglexe
françexe


Vila Capra, dita La Rotonda (conosesta anca par Vila Almerico-Capra o Vila Capra-Valmarana) la xe na vila vèneta a pianta sentral costruìa da Andrea Palladio a partir dal 1566 a do pasi da la sità de Vicensa. El nome "Capra" el vien dal cognome dei do fradei che i ga conpletà l'edificio dopo verlo cronpà nel 1591. La Rotonda la xe probabilmente la vila pì famoxa del Palladio e forsi anca de tute le vile venete, e on dei edifici pì inportanti de la storia de l'architetura de l'epoca moderna.

Stòria[canbia | canbia el còdaxe]

Ispirasion[canbia | canbia el còdaxe]

Co in tel 1565 el canonego e conte Paolo Almerico, che el s'avea ritirà da la Curia Romana dopo èsar sta referendario apostolego soto i papi Pio IV e Pio V, el ga decidesto de tornar in te la sità do che l'era nato (Vicensa) e costruirse na residensa de canpagna, no'l s'avaria mai imaginà che la caxa che el ga comisionà a l'architeto Andrea Palladio la saria devegnùa on dei prototipeghi architetoneghi tanto studià e imità par i sinque secoli dopo. Nonostante che Vila Capra la gavia ispirà in sèvito miliari de edifici, ela stesa la se ispira sensa dubio al Pantheon de Roma. In tel corso de la so vita, Palladio el ga progetà tante de vinti vile in tuta la Republega Veneta. Sta residensa, pi tardi conosesta come "La Rotonda" o "La Tonda", la saria devegnesta ona de le so eredità pì famoxe in tel mondo de l'architetura.

Projeto[canbia | canbia el còdaxe]

Vista in sesion de la Rotonda
Pianta de Palladio par la Rotonda, ne I quattro libri dell'architettura, 1570

El posto sielto par la costrusion el xera la sima tondejante de na colina picenina pena fora de i muri de Vicensa. A chel tenpo là el fascino par i valori arcadici el scuminsiava a spénzar tanti nobili che gavea i canpi al sol a misurarse co i piaceri de la vita senplega, anca se i aspeti piaxevoli de la vita a contato co la natura i restava ocora in secondo pian rispeto a la sielta, tuta economega, de orientar i investimenti verso n'agricoltura de tipo intensivo. Sicome no'l gavea fameja, el prelato Almerico no ghe servea on palaso tanto grando (ansi el ga venduo quelo che el gavea in sentro a Vicensa) ma el volea na viłeta sofisticà, e xe sta proprio cuesto cuel chel Palladio el ga ideà par lu: na rexidensa suburbana con funsion de raprexentansa, ma anca on posto chieto par star in meditasion e studio. Isolà in sima al col, sta spese de orixenale "vila-tenpio" in orixene no la gavea anesi agricoli. L'architeto el la ga inserìa, significativamente, ne l'elenco dei palasi e no de le vile, nei so Quattro libri dell'architettura del 1570.

La pianta con evidensià le proporsion giometreghe

La costrusion, scomisià nel 1566 sirca, la consistea de n'edificio cuadrato, conpletamente simetrego e inserìbile in on sércio perfeto (varda la figura chi rente). Descrìvar la vila come "rotonda" xe in realtà tecnicamente sbalià, dato che la pianta de l'edificio no la xe mia sircolar ma la rapresenta pitosto l'intersesion de on cuadrato co na croxe grega. Ognuna de le cuatro fasade la gavea on avancorpo co na łòxa che se podea ragiungiar 'ndando su par na scalinada; ciaschedun dei cuatro endrade prinsipai el portava, traversando on curto vestibolo o coridoio, a la sala sentral sormontà da na cupola. L'aula sentrale e tute le altre càmare le jera proporsionà co precixion matematega in baxe a le regole sue de l'architetura de Palladio che lu el gavea elaborà nei so Quatro libri. Proprio la sala sentral rotonda la xe el sentro nevralgego de la conpoxision, a la cual el Palladio la ga dato on slancio sentrifugo slargandola verso fora, in tei cuatro pronai ioneghi e ne le scalinade. La vila la risulta cusita n'architetura verta, che la varda verso la sità e la canpagna.

El projeto el riflete i ideali umanisteghi de l'architetura del Rinasimento. Par consentirghe a tute le càmare na analoga espoxision al sol, la pianta la xe sta pirlà de 45 gradi rispeto ai punti cardinai. Ognuna de le cuatro loge la prexentava un pronao col fronton ornà de statue de divinità de l'antichità clasega. Ognun dei frontoni l'era tegnù su da sié colone ioniche (esastilo ionico'). Ogni loggia la gavea in parte na finestra sola. Tute quante le càmare prinsipai le se catava sul piano nobile. I cuatro pronai i se ispira cuindi ai tenpli etruschi, che ghe someja a cuei greghi ma i xe rialsà da scalinade.

Doparando la cupola, aplicà par la prima olta a on edificio de abitasion, Palladio l'afronta el tema de la pianta sentral, reservà fin a chel momento a l'architetura relijioxa. Anca se ghe jera xà sta calche exenpio de edificio residensiai a pianta sentral (dai projeti de Francesco di Giorgio Martini ispirà a vila Adriana o dal "studio de Varrone", a la caxa del Mantegna a Mantoa - o la so iluxionistega "Càmara dei spósi" al Palaso Dogal de Mantoa -, fin al projeto de Raffaello par vila Madama), la Rotonda la resta on unicum ne l'architetura de tuti i tenpi, on model reconosùo ideale.

Conpletamento e canbiamenti sucesivi[canbia | canbia el còdaxe]

Palladio-La-Rotonda-NR.jpg
Vista da la riviera berega

Né el Palladio né gnanca el paron Paolo Almerico i ga mai vedesto l'edificio finìo, anca se se podea xà starghe in tel 1569. Palladio el xe morto nel 1580 e cuindi on secondo inportante architeto visentin, Vincenzo Scamozzi, el xe sta asunto dai paroni per sovrintendar ai laori de conpletamento, finìi in tel 1585, limitatamente al corpo prinsipal, co la costrusion de la cupola, sormontà da la lanterna.

Palladio el volea cuerxar la càmara sentral co na volta semisferega, ma Scamozzi el ga projetà na volta de pì basa co on òculo (che el dovea èsar a cielo verto) ispirandose al Pantheon e el ga fato altre modifeghe limità, come el tajo a la scalinada che el permetea de entrar diretamente da fora ai locali de servisio sistemà al pianteren. La scalinada la xe sta modifegà in tel XVIII secolo da Ottavio Bertotti Scamozzi che el la ga riportà come l'era prima e el piano atego el xe sta spartìo in càmare da Francesco Muttoni, che el ga modifegà i mexanini (1725-1740).

Co xe morto el comitente Almerico, la vila la ghe xe ndà in eredità a so fiol natural Virginio Bartolomeo che, a causa de la dixastrosa gestion economega, ghè toca véndarla do ani dopo, in tel 1591, ai fradei Odorico e Mario Capra. Xe sta infin i Capra a portar a termine el cantier in tel 1620 co la decorasion rento a afresco. El Scamozzi el ga xontà i anesi rùsteghi esterni (la barchesa, destacà dal corpo prinsipal) par le funsion agricole, mia previste nel projeto orixinario. Infin, al conpleso ghe xe sta xontà la capelpa gentilisia, costruìa da Girolamo Albanese par volontà del conte Marzio Capra tra el 1645 e el 1663.

El dentro de la vila e le decorasion[canbia | canbia el còdaxe]

Scorcio dei interni
Decorasion de la cupola

El dentro de la vila el gavea da èsar splendido almanco cuanto el fora; le statue le xe interventi de Lorenzo Rubini e Giovanni Battista Albanese; la decorasion plastega e dei sofiti la xe òpara de Agostino Rubini, Ottavio Ridolfi, Ruggero Bascapè, Domenico Fontana e forsi de Alessandro Vittoria; i aparati pitoreghi in afresco i xe de Anselmo Canera, Bernardino India, Alessandro Maganza e pi tardi del francexe Ludovico Dorigny. Le decorasion de la vila le cuerxe on longo periodo de tenpo e de jerte òpare l'atribusion no l'è mia sicura.

Tra i cuatro saloni prinsipai del piano nobile ghe xe la càmara ovest (con afreschi de tema relijioxo) e el salone est, che l'ospita na alegoria de la vita del primo paron, el conte Paolo Almerico, co le so numeroxe e amirevoli cualità piturade in afresco.

El posto piasè notevole del spasio interno el xe sicuramente la càmara tonda sentral, dotà de balconade, che la se svilupa a tuta altesa fin a la cupola; el sofito semisferego el xe decorà da afreschi de Alessandro Maganza; anca chi catemo alegorie ligà a la vita relijioxa e a le Virtù ligà ad ela, dove inparte a la Fama ghe xe rafigurà la Relijion, la Benignità, la Tenperansa e la Castità. La parte inferior de la càmara, a le pareti, la xe invese adornà de finte colone piturà in trompe l'oeil e gigantesche figure de la mitologia greca, òpara sucesiva de Ludovico Dorigny.

Come ne l'architetura de Palladio, pensà par n'omo de Cexa, anca ne l'aparato decorativo xe sta inserìi elementi formali destinà a sugerir on senso de sacralità, in sintonia co sto programa selebrativo. La cuantità de afreschi la ciama piasè l'atmosfera de na catedral pitosto che cuale de na rexidensa de canpagna. Goethe, che el ga visità pi olte la vila, el ga dito che Palladio el gavea fato dentar on tenpio grego adato par nareghe a star.

Raporto col paexajo[canbia | canbia el còdaxe]

La Rotonda vista dal viale dedrìo

Dai porticadi se ga na vista da maraveja su la canpagna intorno, dato che la vila la xe sta fata aposta par catarse in perfeta armonia col paexajo, diversamente da edifici come Vila Farnese a Roma, costruìa solo 16 ani prima. Anca se la Rotonda par che la sia conpletamente simetrega, in realtà ghe xe calche deviasion da la simetria, fata aposta parché ogni fasada la fuse el conplemento de l'anbiente e de la topografia sircostante; de conseguensa ghe xe de le variasion ne le fasade, ne l'anpiesa dei scalini, nei muri de contenimento ecc. In sta maniera la simetria de l'architetura la se cata co l'asimetria del paexajo, par crear ne l'insieme na particolar armonia. L'anbiente intorno a la vila el dà na vixion panoramega de àlbari, prati e boscheti, co Vicensa distante a l'orixonte.

La logia setentrional la xe inserìa ne la colina come termine de na strada caregiabile che la core dal cansel prinsipal. Sto percorso el xe on viale tra i blochi dei servisi, costruìo dai fradei Capra che i ga cronpà la vila in tel 1591, comisionando a Vincenzo Scamozzi de finir l'edificio e costruir le stale e i edifici a uxo rurale. Co se va rente a la vila da sta parte de cuà, se ga come l'inpresion deliberà che se staga nando su da soto verso on tenpio su la sima de la colineta. A la stesa maniera, in senso contrario, da la vila se pol vedar el santuario che inconbe insima a la sità da la sima de Monte Berego, unificando cusita la vila e la sità.

La vila oncò[canbia | canbia el còdaxe]

Particolar de on pronao co capitel ionego

Da i primi del XX secolo la vila la xe sua de la fameja Valmarana: i paroni de deso, Lodovico e Mario Valmarana, i ghe tende ai continui interventi manutentivi de cui ghe xe bixogno par preservar la Rotonda e farghela amirar a le future generasion.

In tel disenbre 1994 la vila la xe sta inserìa, insieme a le altre architeture de Vicensa "sità del Palladio", ne l'elenco dei Patrimoni de l'umanità de l'UNESCO.

La Rotonda come model architetonego[canbia | canbia el còdaxe]

Mereworth Castle, na riprodusion de la Rotonda in tel Kent

La Rotonda la xe sta un model de ispirasion par on saco de edifici. Calchedun tra i exenpi piasè inportanti xe:

Bibliografia[canbia | canbia el còdaxe]

La Rotonda
  • A. Palladio, I Quattro Libri dell'Architettura, Venezia 1570, libro II, p. 18.
  • F. Muttoni, Architettura di Andrea Palladio Vicentino con le osservazioni dell'Architetto N. N., 9 voll., Venezia 1740-1760, vol. I, pp. 12–14, tavv. XI-XII, vol. V., tav. XIV.
  • O. Bertotti Scamozzi, Le fabbriche e i disegni di Andrea Palladio, 4 voll., Vicenza 1776-1783, vol. II, pp. 9–13, tavv. I-IV.
  • A. Magrini, Memorie intorno la vita e le opere di Andrea Palladio, Padova 1845, pp. 78, 238-240.
  • F. Burger, Die Villen des Andrea Palladio, Leipzig 1909, pp. 53–56.
  • R. Pane, Andrea Palladio, Torino 1961, pp. 187–191.
  • R. Wittkower, Principi architettonici nell'età dell'Umanesimo (1962), trad. it., Torino 1964, p. 75.
  • E. Forssman, Palladios Lehrgebäude, Uppsala 1965, pp. 50–57.
  • J. S. Ackerman, Palladio's Villas, New York, 1967, pp. 68–72.
  • C. A. Isermeyer, Die Villa Rotonda von Palladio, in "Zeitschrift für Kunstgeschichte", 1967, pp. 207–221.
  • C. Semenzato, La Rotonda di Vicenza, Vicenza 1968.
  • R. De Fusco, M. L. Scalvini, Significanti e significati della Rotonda palladiana, in "Op. cit.", 16, sett., 1969, pp. 5–26.
  • G. G. Zorzi, Le ville e i teatri di Andrea Palladio, Venezia 1969, pp. 127–142.
  • R. Cevese, Ville della Provincia di Vicenza, 2 voll., Milano 1971, vol. I, pp. 148–163.
  • M. Fagiolo, Contributo all'interpretazione dell'ermetismo in Palladio, in "Bollettino del C.I.S.A. Andrea Palladio", XIV, 1972, pp. 357–380, in part. pp. 359–362.
  • D. Gioseffi, Il disegno come fase progettuale dell'attività palladiana, in "Bollettino del C.I.S.A. Andrea Palladio", XIV, 1972, pp. 45–62, in part. pp. 55–56.
  • R. Cevese, L'opera del Palladio, in R. Cevese (a cura di), Mostra del Palladio, catalogo della mostra, Milano 1973, pp. 43–130, in part. pp. 82–85.
  • A. Corboz, Per un'analisi psicologica della villa palladiana, in "Bollettino del C.I.S.A. Andrea Palladio", XV, 1973, pp. 249–266, in part. pp. 257–264.
  • L. Puppi, Andrea Palladio, Milano 1973, pp. 380–383.
  • R. Streitz, La Rotonde et sa géométrie, Lausanne, Paris 1973.
  • P. Fancelli, Palladio e Praeneste. Archeologia, modelli, progettazione, Roma 1974, p. 113.
  • J. McAndrew, Catalogue of the Drawings Collection of the Royal Institute of British Architects. Antonio Visentini, London 1974, p. 47. * H. Burns, L. Fairbairn, B. Boucher (a cura di), Andrea Palladio 1508-1580. The Portico and the Farmyard, catalogo della mostra, London 1975, pp. 198–200.
  • M. Kubelik, Andrea Palladio, catalogo della mostra, Zürich 1975, pp. 49–51.
  • D. Battilotti, Nuovi documenti per Palladio (con un'aggiunta archivistica al Fasolo), in "Arte Veneta", XXXI, 1977, pp. 232–239, in part. p. 234.
  • AA.VV., Restauri di monumenti palladiani. Diversi aspetti di un problema di tutela, catalogo della mostra, Verona 1980, pp. 61–70.
  • D. Battilotti, Vicenza al tempo di Andrea Palladio attraverso i libri dell'estimo del 1563-1564, Vicenza 1980, pp. 63–65.
  • K. W. Forster, Is Palladio's Villa Rotonda an Architectural Novelty?, in K. W. Forster, M. Kubelik (a cura di), Palladio: ein Symposium, Roma 1980, pp. 27–34.
  • D. Goedicke, K. Slusallek, M. Kubelik, Primi risultati sulla datazione di alcune ville palladiane grazie alla termoluminescenza (TL), in "Bollettino del C.I.S.A. Andrea Palladio", XXII/1, 1980, pp. 97–118, in part. pp. 100–104.
  • P. Marini, Note, in A. Palladio, I Quattro Libri dell'Architettura, a cura di L. Magagnato e P. Marini, Milano 1980, pp. 456–458.
  • W. Prinz, Appunti sulla relazione ideale tra la villa Rotonda e il cosmo, nonché alcune osservazioni su un mascherone posto al centro del pavimento della sala, in "Bollettino del C.I.S.A. Andrea Palladio", XXII/1, 1980, pp. 279–287.
  • W. Prinz, Schloss Chambord und die Villa Rotonda in Vicenza: Studien zur Ikonologie, Berlin 1980.
  • F. Rigon, Palladio, Bologna 1980, nn. 24-25.
  • N. Stringa, Sulla Rotonda. Lapsus e analogie, in "Odeon", 1, 1980, pp. 22–26.
  • M. F. Tiepolo (a cura di), Testimonianze veneziane di interesse palladiano, catalogo della mostra, Venezia 1980, pp. 67–68.
  • D. Goedicke, K. Slusallek, M. Kubelik, Thermoluminescence Dating in Architectural History: Venetian Villas, in "Journal of the Society of Architectural Historians", XL/3, 1981, pp. 203–217, in part. pp. 212–213.
  • M. Muraro, Andrea Palladio e la committenza signorile nel Basso Vicentino, in "Odeo Olimpico", XVII-XVIII, 1981-1982, pp. 33–45.
  • R. Cevese, I restauri del 1869 compiuti nella Rotonda, in "Bollettino del C.I.S.A. Andrea Palladio", XXIV, 1982-1987, pp. 139–143.
  • M. Saccardo, Il perfezionamento della Rotonda promosso da Odorico e Mario Capra (1591-1619), in "Bollettino del C.I.S.A. Andrea Palladio", XXIV, 1982-1987, pp. 161–209.
  • S. Sponza, Della villa "Eolia" per il "Genio" della Rotonda, in Bollettino del C.I.S.A. Andrea Palladio, XXIV, 1982-1987, pp. 211–220.
  • G. Barbieri, Andrea Palladio e la cultura veneta del Rinascimento, Roma 1983, pp. 214–226.
  • A. Canova, Le ville del Palladio, Treviso 1985, pp. 224–239.
  • A. Cerutti Fusco, Inigo Jones Vitruvius Britannicus. Jones e Palladio nella cultura architettonica inglese: 1600-1740, Rimini 1985, pp. 132–134.
  • P. Marini, Le postille di Inigo Jones a "I Quattro Libri dell'Architettura" di Andrea Palladio, in AA.VV., Trattati scientifici nel Veneto fra il XV e XVI secolo, Vicenza 1985, pp. 73–103, in part. p. 88.
  • P. Schiller, Sapiens dominabitur astris. Studien über den Zusammenhang von Architektur und Himmelskunde bei Andrea Palladio. dissertazione di dottorato, Università di Freiburg 1985, pp. 83–144, 164-177.
  • M. Muraro, Civiltà delle ville venete, Udine 1986, pp. 282–295.
  • F. Barbieri, Vicenza. Città di palazzi, Milano 1987, pp. 83–86.
  • G. Bödefeld, B. Hinz, Die Villen im Veneto, Köln 1987, pp. 134–138.
  • AA.VV., La Rotonda, Milano 1988.
  • R. Giussani, Palladio. Le ville, Milano 1988, p. 52.
  • C. Costant, Guida a Palladio (1985), trad. it., Berlin 1989, pp. 107–108.
  • J. S. Ackerman, La villa. Forma e ideologia, Torino 1990, pp. 140–141.
  • D. Battilotti, Le ville di Palladio, Milano 1990, pp. 124–129.
  • A. Sambo, Esperimenti d'archivio. Itinerari di ricerca, verifiche, documenti, in A. Chastel, R. Cevese (a cura di), Andrea Palladio: nuovi contributi, atti del VII Seminario Internazionale di Storia dell'Architettura (Vicenza 1988), Milano 1990, pp. 44–48, in part. p. 46, n. 8.
  • M. Furnari, Atlante del Rinascimento. Il disegno dell'architettura da Brunelleschi a Palladio, Napoli 1993, p. 172.
  • M. Azzi Visentini, La villa in Italia. Quattrocento e Cinquecento, Milano 1995, pp. 281–294.
  • K. Jauslin, Ein Haus für Canonicus Almerigo. Palladios Villa Rotonda als Rekonstruktion des Ästhetischen, Dortmund 1995.
  • F. Salmon, Eighteenth-Century Alterations to Palladio's Villa Rotonda, in Annali di architettura, 7, 1995, pp. 177–181.
  • H. Burns, G. Beltramini, M. Gaiani (a cura di), Andrea Palladio. Le ville, CD ROM, Vicenza 1997.
  • B. Boucher, Andrea Palladio, The architect in his time, New York, London 1998 (con aggiornamenti), pp. 258–265.
  • L. March, Architectonics of Humanism. Essays on Number in Architecture, London 1998, pp. 242–266.
  • D. Battilotti, Villa Almerico', in L. Puppi, Andrea Palladio, Milano 1999 (con schede di aggiornamenti), pp. 497–498.

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàVIAF (EN235261764 · LCCN (ENsh85143351 · GND (DE4221902-4 · WorldCat Identities (EN235261764
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Vila_Capra&oldid=962548"