Strisa de Gaza
|
|||||
| |||||
| Pozision | |||||
|---|---|---|---|---|---|
| Teritòrio reclamà da | Israełe[1]  | ||||
| Capitałe | Gaza | ||||
| Popołasion | |||||
| Totałe | 3 000 000 (2021) | ||||
| Densità | 8 333,33 hab./km² | ||||
| Zeografia | |||||
| Parte de | teritori Pałestinezi | ||||
| Àrea | 360 km² | ||||
| Ponto pì alto | Abu Auda (en)  (105 m) | ||||
| Rente a | |||||
| Dati istòreghi | |||||
| Creasion | 2007 | ||||
| Organizasion pułìtega | |||||
| Presidente | Mahmūd Abbās (it) | ||||
| Economia | |||||
| Moneda | sterlina ezisiana | ||||
| Còdazi de identifegasion | |||||
| Fuzo oràrio | |||||
 | |||||
La strisa de Gaza o franza de Gaza (in àrabo: قطاع غزة, Qiṭāʿ Ghazza; in ebràego: רצועת עזה, Retzu'at 'Azza) el ze un'exclave del teritòrio pałestineze confinante co Israełe e Ezito arente de ła sità de Gaza. Se ze drio parlar de na rejon costiera de 360 km² de superfise popołada da 1.760.037 abitanti de etnia pałestineza, dei cuałi 1.240.082 refujai pałestinezi.
Revendegada dai pałestinezi inte el 1994, co ła Ciszordània e a Jeruzałeme Est, cofà parte del Stato de Pałestina inte ła rejon stòrego-zeogràfega de ła Pałestina, solché dopo del retiro dei miłitari e dei siviłi israeliani da Gaza inte el 2005, ła ze pasada soto del tendimento pułìtego-aministrativo de l'Autorità Nasionałe Pałestineze. Dal 2007 ła ze parò goernada diretamente da Hamas conseventemente a łe ełesion lejislative del 2006 e a ła bataja de Gaza del 2007 intrà Fatah e Hamas. Le Nasion Unie, łe organizasion internasionałi par i deriti umani, e ła majoransa dei goerni e dei zuristi i consìdara el teritòrio oncora ocupà da Israełe, che el mantegne inte ła franza un bloco co l'Ezito. Israełe el controła el spàsio aèreo e marìtemo de ła strisa, sie dei sete traersamenti de ła frontiera terestre e el movimento de merce e persone verso drento e de fora da ła strisa. La franza de Gaza ła resta de consevensa inte el mezo del conflito israeło-pałestineze, e de reiterae guere intrà Israełe e Gaza s-ciopae inte i ùltemi ani (2008, 2014).
In senso pezorativo, specialmente da parte dei sostegnitori de Israełe, ła Franza de Gaza dal 2006 in dopo ła ze devegnesta talvolta denomenada cofà Hamastan ("tera de Hamas").
Dal 2012 l'ONU ła reconose formalmente ła Strisa cofà parte del Stato de Pałestina, entità statałe semi-autònoma.
Istòria[canbia | canbia el còdaxe]
St'àrea no ła ze reconosesta internasionalmente cofà un Stato sovran, ma ła ze reclamada da l'Autorità Pałestineze cofà parte dei Teritori pałestinezi. Inte el zenaro del 2006, co na vitòria sorprindente a łe ełesion lejislative in Pałestina del 2006, Hamas el ga otegnesto ła majoransa inte ła càmara. De sevente de ła bataja de Gaza del 2007, Hamas ła ga ciapà el goerno de facto de ła Strisa de Gaza.
L'Ezito el ga goernà ła Franza de Gaza intrà el 1948 e el 1967, e oncó el ghene controła ła so frontiera sud intrà el dezerto del Sìnai e ła Strisa de Gaza, da ła cuała ła ze dividesta da ła Philadelphi Route. Israełe el ga goernà ła Strisa de Gaza dal 1967 al 2005, co che el se ga formalmente retirà firmando un Pian de dezinpegno uniłaterałe. Ai sensi dei acordi de Oslo firmai intrà Israełe e l'Organizasion par ła Libarasion de ła Pałestina, Israełe ła mantegne parò el controło miłitare del spàsio aèreo de ła Strisa de Gaza, de łe frontiere terestre (traerso ła bariera intrà Israełe e ła Strisa de Gaza) e de łe àcue teritòriałi co rełasionà controło de ła so frontiera, mentre l'altra ła ze controłada da l'Ezito.
Notasion[canbia | canbia el còdaxe]
- ↑ ID archINFORM de liogo: 5063. Declarà da: archINFORM. Data de consultasion: 6 de agosto del 2018. Łéngua de l'òpara o del nòme: todesco.
Altri projeti[canbia | canbia el còdaxe]
Wikimedia Commons el detien imàjini o altri file so Strisa de Gaza
el detien schemi gràfeghi so
Linganbi foresti[canbia | canbia el còdaxe]
- (EN) Strisa de GazaEnçiclopedia Britannica, Encyclopædia Britannica, Inc.
| Controło de autorità | VIAF (EN) 170148372 · GND (DE) 4019325-1 · BNF (FR) cb119495080 (data) · WorldCat Identities (EN) 170148372 |
|---|