Esclave

Le esclave le xe teritori destacà da la madre patria e confinanti solo che co un altro paexe foresto (esclave dal lat. ex de fora; donca exclavatus sarà fora, destacà). Le esclave le xe enclave par sti paexi foresti. Par exenpio Campione d'Italia el xe na enclave in Svìsera ma anca na esclave itałiana e Llivia el xe na enclave in Fransa ma na esclave de la Spagna.

Ocio che no tute le enclave le xe automaticamente anca esclave: par exenpio i Stati-enclave, esendo luri stési na enclave intiera, no i 'è esclave de nisun altro parché no i ga nisuna "madrepatria de riferiménto" par fora. Par exenpio San Marin, el Vatican o el Lesotho i xe enclave rento l'Itałia e rento el Sudàfrica ma no i 'è mìa esclave (parte destacàe) de altri Stati.

Anca łe semi-enclave, come che dixe el nome, no le xe mìa enclave saràe sù del tuto rento un altro Stato ma le xe comunque esclave rispeto a la marepatria parché le xe comunque saràe fora dal só Stato sentrae: par exenpio Oecussi-Ambeno 'l'è un toco esterno de Timor Est squaxi sarà sù da l'Indonexia, ma da na parte el dà sol mar e donca no 'l'è mìa na vera enclave rento l'Indonexia ma el xe istéso na esclave rispeto a Timor-Est.