Spinalonga

Spinalonga

(el) Σπιναλόγκα
Sorte	Ìzoła
Parte de	Kalydon (en)
Liogo
Rejon aministrativa	Commune of Elounta (Gresa) (en)
Bagnà da	Mar Ezeo
Dati e sifre
Altitùdene	54 m
Mezura	0,25 () × 0,44 () km
Àrea	0,085 km²
Listed archaeological site in Greece (en)

Spinałonga la xe na ìzoła fortificà picenina de la Grecia situà di fronte a le coste de Creta. L'ìzoła la xe sta de grande inportanza militare ai tenpi de la Republica Veneta e la conserva inponenti vestigia de l'epoca.

Zeografia

El forte de Spinałonga el se cata in posizion strategica a l'inbocadura del golfo de Mirabelo, ne la parte oriental de l'ìzoła de Creta, e l'ocupa in realtà l'isoloto de Kalidon, mentre la sità de Spinałonga vera e propria la xe su la penìzoła vizina, de dimension pi grande. Dal punto de vista storico, par Spinałonga comunque se ga senpre inteso l'ìzoła-forteza.

Storia

I inponenti bastioni de Spinałonga

Inte el 1579 i venexiani i ga costruìo na possente serie de fortificazion su l'ìzoła, su le rovine de na vecia acròpołi, in maniera da tendar el trafico maritimo senza dar possibilità de aprodo. Co l'ìzoła de Creta la xe cascà in man ai turchi inte el 1669 dopo un longo assedio (la guera de Candia), Spinalonga el xe sta uno dei tri forti che i venexiani i ga podesto mantegner in so possesso par assicurarse le rotte comerciali verso el Levante.

La presenza venexiana la xe ndà vanti par altri 46 ani, fin a la capitolazion avegnùa inte el 1715, quando durante l'otava guera turco-venexiana la Serenisima la ga dovesto conzentrarse su la difexa dei altri so posedimenti. L'ìzoła la xe sta po trasformà in forteza otomana e sucesivamente in lebrosario.