Sharon Stone

Sharon Stone
	; (2017)
Biografia
Nasimènto	(en) Sharon Vonne Stone ; 10 de marso del 1958 (67 ani); Meadville (Pennsylvania) (it)
Dati personałi
Rełijon	Budismo
Formasion	PennWest Edinboro (en) - scritura creativa, bełe arte
Cołor dei oci	Cełeste
Cołor de caveji	Cavejo biondo
Atività
Posto de laoro	Stati Unii de l'Amèrica
Ocupasion	ator, ator de tełevixion, dopiador, ator
Atività	1980 –
Partio	Partio Democràtego
Menbro de	SAG-AFTRA (it)
Òpara
	Òpare in rezalto (1992) Basic Instinct (it) ;
Fameja
Cògnuze	Michael Greenburg (it) (1984–1990); Phil Bronstein (it) (1998–2004)
	(2024) 100 Women (it) ; (16 de lujo del 2021) Comendatore de l'Ordre des arts et des lettres; (2005) Humanitarian of the Year (en) ; (2004) Primetime Emmy Award for Outstanding Guest Actress in a Drama Series (en) , premià par The Practice - Professione avvocati (it) ; (2000) Lucy Award (en) ; (1995) Crystal Award (en) ; (1995) Golden Globe par ła mejo atora in un film dramàtego, premià par Casinò (it) ; (1995) cavaliere dell'Ordre des arts et des lettres (it) ; (1994) Razzie Award alla peggior attrice protagonista (it) , premià par Trappola d'amore (it) , Lo specialista (it) ; stella sulla Hollywood Walk of Fame (it) ; Ufficiale delle Arti e delle Lettere (it) ; Primetime Emmy Award ;
	Segno

Sharon Vonne Stone (Medville, 10 marso 1958, xe na atora produtora sinematografega e modeła statunitense.

El 1992 el ze l'ano inte el cuało ła ze deventà famoza a liveło intarnasionałe. In cuel ano A ze venjùo fora el film Basic Instict, che el gaveva simentà połèmeghe a cauza dei só forti cotenjùdi eròteghi.

Ła jera una de łe pì famoze atore de Hollywood cuando, a metà dei ani novanta, ła se gà retirà tenporaneamente da'l sìnema par vìver a San Francisco co el segondo marìo Phil Bronstein el fio adotivo Roan Joseph. cuando łe nose łe ze fałìe, ła Stone ła gera tornada a Los Angeles reprendendo cusì ła só cariera.

Biografia

Sharon Stone ła ze nasùa inte un paezin de ła Pennsylvania che el se cata intrà Pittburgh ed Erie. I só zenidori, Joe e Dorothy Stone, i gavea orìzene irlandeze - i rivava da Galway e i łaorava cofà mandopera (operaio) inte na fàbrega de còła. Se dizeva che i zenidori i ghe insenjava i vałori de'l femenizmo e a 'sto propòzito ła ga afermà che: Me pare el me ga fato créder che na dona, par razónzer un fìn, ła gavaria dovesto inibirse.

Fin da cuando che ła zera un mucio zòvane ła Stone ła zera finca e anbisioza. Ła se definiva un "bruto e tristo anaròto che parò se desferensiava co l'intełijensa che ła gà: dopo dieze mezi de vita ła zera za bona de caminar e de parlar, a sincue ani ła frecuentava ła segonda ełementar; a trèdeze ła ga espreso el só deziderio de vołer deventar ła nova Marylin Monroe. Pur amando de più el studio de'l zogo, co el só fasìno ad atirarse l'atension dei tozi, anca se łori i ła zudegava masa snob pa'l só senegiaménto da prima de ła clase.

Par un mucio de tenpo ła Stone ła se retenjea bruta e no ła gaveva njancora respeto pa'l só corpo. Ałora un só barba el ghe ga dà 100$ conviséndoła a partesìpar a un concorso de bełesa, a'l cuało ła se gaveva iscrita soło parchè ła gaveva bezonjo de schei par pagar łe tanse scołàsteghe. No ła ga vinto ma un zùdeze el ghe ga consegià de iscrìvarse a'l concorso de Miss Pennsylvania, roba che invese drìoman no ła ga fato. Sucesivamente ła ga ciapà parte ad altri concorsi de bełesa vinsendołi tuti, tanto da desidarse de trasferìrse a New York par deventar na modeła. inte'l 1977 ła se ga trasferìa inte'l New Jersey e un puóco de tenpo drìo ła ga firmà un contrato co ła Ford Modeling Agency de New York.

Carièra artistega

Ani otanta

Dopo esarse łigà a ła Ford modeling agency, ła ze riusìa a sfrondàr inte'l canpo de ła moda e ła ze deventà una de łe indosadore pì famoze dei Stati Unii d'America. Drioman ła ze stà protagonista de łe publisità tełevizive de aziende Burger King e Maybelline, ma no ła jera tanto sodisfata de ła strada che ła só cariera ła zera drio ciapar. In sèvito ła se ga trasferìa in Europa e, osarvada da Woody Allen, ła ga avesto na picoła parte inte'l film Stardust Memories de'l 1980, che el raprezenta el só exordio so el gran schermo. L'ano drio ła ze intrà inte'l cast de l'horror Benedizione mortale, che el ze stà un gran suceso a'l boteghìn.

co ła se catava in Fransa ła ze stà osarvada da'l diretor sinematogràfego Claude Lelouch che el ghe ga dà na picoła parte inte ła comedia Bolero (Les Uns et Les Autres) (1982), indove ła ga resità 'rente James Caan par sołi do menuti e par 'sta razon cuà el só nome ofisialmente el jera aparìo inte i titołi de coa. inte'l 1983 ła ze stada sernìa da George Lucas e Steven Spielberg par ła parte femenina de Indiana Jones e il tempio maledetto, ma a ła fine ła ze stà spiumà fora Kate Capshaw, retenjùa pì versatiłe e pì adata a'l parsonazo da intarpretar.

Dopo el film par ła tv Fino all'ultimo dollaro (1984), el só novo pasagio so el gran schermo el ze capità inte l'isteso ano co Differenze Inconciliabili insieme a Ryan O'Neal, Shelley Long e na zòvane Drew Barrymore. Tałe film, che no el ze mai rivà in Itałia, el ze da recordar parché el vede la Stone simentarse inte'l roło de femme fatale, che in sèvito el ła gavaria reza sełebre calche ano drioman. Senpre inte'l 1984 ła ze aparìa inte'l show tełevizivo pì seguìo, Magnum, P.I..

Verso ła fine dei ani otanta Sharon ła ga resità in film de manco spesor, riusìndo ad onji modo a inpresionar fełisemente ła crìtega in Allan Quatermain e le miniere di re Salomone (1985); Gli avventurieri della città perduta (1987); Nico (1988) ed Ossession d'amore (1989).

Ani novanta

El primo ròło de un serto rimarco ło gà avesto in Atto di forza (1990), de Paul Verhoeven co Arnold Schwarzenegger, dove ła gà interpretà ła muger de Douglas cuaid (Arnold Schwarzenegger). Coinsidente a l'insìda del film xe stà l'insìda de un so servisio fotografego sensa vełi par la rivista Playboy, in cui ła xe stà imortałà nùa patòca mentre ła xera drìo infrancàrse le tecneghe del Taekwondo, arte marsiałe indispensàbiłe par na bona riusìda del film. In seguito, riguardo a łe foto osé, ła gà declarà de averle fate par bexogno de schei, avendo apena finìo de ristruturàr caxa.

Poco dopo l'insìda de Atto di forza ła gà avesto un insidente stradałe a Los Angeles, pì precixamente so ła famoxa Sunset Boulevard: subito dopo el sinistro ła xera tornàda a caxa, ignara dei traumi che ła gavese subìo. Ła xe restàda parałìxada par tre dì e ła gà declarà de aver pianxesto par tuto cuel tenpo 'vanti de deciderse ad andare in ospeałe, in cui ghe xe stàe diagnostegàe łe frature de ła scapoła e de ła maseła, inaxònta a nùmaroxe bòte.

Ła memoràbiłe interpretasion darénte a Schwarzenegger gavarìa dovesto segnàr la svolta de ła so carièra, ma l'incidente ła gaveva mesa fora xogo par vari mesi. Dopo ła guarìa ła gà laorà in maniera stakanovistega (soło inte el 1991 ła gà łavorà a sincue film), ma i film in custión xera a baso budget e poca xente xe riusìa a vedarle: soło Scissors - Forbici gà avesto un minimo seguito de publego, anca se xe stà stroncà da ła critega.

El personaxo che ghe gà dà ła gloria internasionałe e che ła gà fata intràr ne ła storia del sìnema, ponéndoła cofà ła Faye Dunaway de ła so xenerasión, xe stà cueło de ła serial killer bisesuałe Catherine Tramell in Basic Instinct. so el prinsìpio el ròło de protagonista xera stà oferto a ła pì navegà Geena Davis, che parò gheva refudà a cauxa de łe nùmeroxe sene de nesto prexenti inte el film. Xe restà sełebre ła sena inte ła cuała ła Stone, interogàda da alcuni agènti, acavała łe ganbe mostrando, sensa łasàr gnente a l'imaginasión, de non indosàr alcun indumento intimo.

Basic Instinct xe stà el rè dei incàsi de cueła stagión sinematografega e gà simentà un mucio de połemeghe par le nùmaroxe sene de seso che vegniva mostràe sensa rimàrco: sto cuà gà fato cresér notevolmente ła popołarità de ła Stone, che inte el 1992 ła xe stà inserìa da ła rivista People infra łe 50 done più bełe del mondo. Tutociò, rivedendołe ancesto, łe sene no apare cussì spènte.

inte el 1994 ła se ga inxudegà el premio cofà conponente de ła pexo cùbia del sinema co Sylvester Stallone par Lo specialista. Tutociò i conplimenti par eła deventava ogni dì de più: inte el 1995 ła xe stà inserìa da ła rivista Empire magazine inte ła lista de łe 100 atore più sexy de ła storia del sinema.

Anca el so tałento tutavia xera destinà ad eser premià: el reconosimento pì inportante ło gà avesto inte el 1996, co el ga otegnesto na candidatura al Premio Oscar cofà mejo atora protagonista par la so interpretasion in Casinò, de Martin Scorsese, in cui ła raprexentava ła prostituta Ginger ; pa'l steso ròło ła gheva vinto anca un Golden Globe e, ne l'otobre del 1997, ła rivista Empire ła gà inserìa intra łe 100 pì brave atore de tuti i tenpi. inte el 1999 ła xe stàda inserìa infra łe 25 playmate più sexy del secoło.

Ani domiłe

inte el 2005 ła xe tornàda ad ocupàr le prime pagine dei xornałi par la so scabroxa interpretasion in Basic Instinct 2, secuel erotego del precedente suceso. Nùmaroxe xe łe sene de nesto integrałe e frecuenti łe sene de seso lesbego e de grupo. A tal propoxito ła Stone gà afermà che xe stàda eła a convinsare a convìnser el diretor sinematogràfego Michael Caton-Jones ad inserìr sene eroteghe, declarando: "Pì xero desnuda pì jero contenta".

inte el 2006 ła se gà inxudegà el Razzie Award a ła pexo atora protagonista par la so interpretasion in Basic Instinct 2. inte el 2012 ła vien ospitù a Amici di Maria De Filippi.

Vita privàda

inte el 1985 ła se ga spoxà co el produtor tełevixivo Michael Greenburg, che gaveva conosesto l'ano precedente so el set de Fino all'ultimo dollaro. El controverso matrimonio (Greenburg jera xa convołà a nose inte el pasà) gera intrà subito in crixe: i do se gà separà inte el 1988 i gà divorsià do ani pì tardi.

El 14 febraro del 1998 ła se ga spoxà co Phil Bronstein, editor del xornałe San Francisco Chronicle. L'atora, xa un mucio incrògia de sałute (ła xe afeta da diabete mełito de tipo 1), ła xe stàda colpìa el 29 setenbre 2001 da un neurìsma che ła gaveva ridota in fin de vita costrénxendoła a un longo recèto. In seguito ła gà avesto un ataco de cuor inte el 2004, poco dopo el divorsio dal segóndo marìo.

Połitegamente ła sostien el Partio Democratego statunitense e inte el 2004 ła gà sostegnesto Gavin Newsom, el candidà a sìndico de San Francisco par i democrateghi, che in seguito gà vinto łe ełesion. Ła se ga fata promotora dei diriti de ła comunità gay e se gà declarà favorevołe al matrimonio tra omosesuałi. inte el 2005, durante un'intervista in tełevixion, ła gà ameso de esare bisesuałe, afermando infati che "Ła mexa età xe par mi un periodo de vertaùra mentałe".

Atualmente Sharon Stone vive a Beverly Hills, in California, ma pasa łe vacanse estive in un ranch de so propietà in Nova Xełanda. El 7 magio del 2005, a l'età de 47 ani, ła deventa mare adotando un putèło, nato in Texas, al cuałe ghe dà el nome de Laird Vonne Stone; inte i ani drìo łà gà adotà altri do putèłi.

Filmografia

Woody Allen (1980)

Deadly Blessing (Benedizione mortale), regia de Wes Craven (1981)
King Solomon's Mines (Allan Quatermain e le miniere di re Salomone), regia de J. Lee Thompson (1985)
Allan Quatermain and the Lost City of Gold (Gli avventurieri della città perduta), regia de Gary Nelson (1987)
Police Academy 4: Citizens on Patrol (Scuola di polizia 4: cittadini... in guardia) regia de Jim Drake (1987)
Action Jackson, regia de Craig R. Baxley (1988)
Nico (Above the Law), regia de Andrew Davis (1988)
Beyond the Stars (Tramonto di un eroe), regia de David Saperstein (1989)
War and Remembrance (Ricordi di Guerra) (1988-1989) - Miniserie TV
Sangre y arena (Ossession d'amore), regia de Javier Elorrieta (1989)
Total Recall (Atto di forza), regia de Paul Verhoeven (1990)
Scissors (Scissors - Forbici), regia de Frank De Felitta (1991)
Year of the Gun (L'anno del terrore), regia de John Frankenheimer (1991)
Basic Instinct, regia de Paul Verhoeven (1992)
Sliver, regia de Phillip Noyce (1993)
Last Action Hero (Last Action Hero - L'ultimo grande eroe) (1993) - Cameo
Trappola d'amore ('), regia de Mark Rydell (1994)
The Specialist (Lo specialista), regia de Luis Llosa (1994)
Casinò (Casino), regia de Martin Scorsese (1995)
The quick and the Dead (Pronti a morire), regia de Sam Raimi (1995)
Last Dance (Difesa ad oltranza), regia de Bruce Beresford (1996)
Diabolique, regia de Jeremiah Chechick (1996)
Sphere (Sfera), regia de Barry Levinson (1998)
Z la formica (Antz), regia de Eric Darnell e Tim Johnson (1998) - Voce
The Mighty (Basta guardare il cielo), regia de Peter Chelsom (1998)
Gloria, regia de Sidney Lumet (1999)
Inganni Pericolosi (Simpatico), regia de Matthew Warchus (1999)
The Muse (La dea del successo), regia de Albert Brooks (1999)
2000, epixodio de Women (If These Walls Could Talk 2), regia de Anne Heche (2000) - Film TV
Picking Up the Pieces (Ho solo fatto a pezzi mia moglie), regia de Alfonso Arau (2000)
Beautiful Joe, regia de Stephen Metcalfe (2000)
Cold Creek Manor (Oscure presenze a Cold Creek), regia de Mike Figgis (2003)
A Different Loyalty ('codice Homer - A Different Loyalty), regia de Marek Kanievska (2004)
Catwoman (Catwoman), regia de Pitof (2004)
Will & Grace, episodio 7x20 (2005) - Serie TV
Broken Flowers, regia de Jim Jarmusch (2005)
Basic Instinct 2, regia de Michael Caton-Jones (2006)
Huff, epixodi 2x01 e 2x03-04 (2006) - Serie TV
Alpha Dog, regia de Nick Cassavetes (2006)
Bobby, regia de Emilio Estevez (2006)
If I Had Known I Was a Genius, regia de Dominicue Wirtschafter (2007)
When a Man Falls in the Forest, regia de Ryan Eslinger (2007)
Democrazy, regia de Francesco Vezzoli (2007) - Cortometraggio
Contrasti e amori, regia de Patrick Sisam (2008)
$5 a DayCinque dollari al dì ('), regia de Nigel Cole (2008)
Streets of Blood, regia de Charles Winkler (2009)
Law & Order: Unità vittime speciali 4 episodi (2010)
Largo Winch 2 - The Burma Cospiracy (Largo Winch 2), regia de Jérôme Salle (2011)
What about Love, regia de Klaus Menzel (2013)

Dopiatore itałiane

Cristiana Lionello in Stardust Memories, Allan Quatermain e le miniere di re Salomone, Scuola di polizia 4: cittadini... in guardia, Ossession d'amore, Basic Instinct, Basic Instinct 2, Sliver, Lo specialista, Trappola d'amore, Casinò, Difesa ad oltranza, Inganni pericolosi, Diabolique, Sfera, Basta guardare il cielo, Gloria, La dea del successo, Ho solo fatto a pezzi mia moglie, Beautiful Joe, Oscure presenze a Cold Creek, Catwoman, Will & Grace, 'codice Homer - A Different Loyalty, Broken Flowers, Huff, Bobby, Law & Order: Unità vittime speciali, Largo Winch 2 - The Burma Cospiracy
Isabella Pasanisi in Action Jackson, Atto di forza, L'anno del terrore, Alpha Dog
Daniela Nobili in Dice lui, dice lei
Roberta Federici in Ricordi di guerra
Stefania Patruno in Scissors - Forbici
Beatora Margiotti in Diario di un assassino
Emanuela Rossi in Pronti a morire
Olivia Manescalchi in When a Man Falls in the Forest
Alessandra Korompay in Streets of Blood
Emanuela Baroni in Cincue dollari al dì

Inte el film d'animasion Z la formica xe dopià da Cristiana Lionello

Altri progeti

Wikimedia Commons el detien imàjini o altri file so Sharon Stone
Scholia el detien schemi gràfeghi so Sharon Stone

Linganbi foresti

Stone, SharonTreccani.it – Enciclopedie on line, Istituto de ła Ençiclopedia Italiana.
Stone, Sharonsapere.it, De Agostini.
(EN) Sharon StoneEnçiclopedia Britannica, Encyclopædia Britannica, Inc.
(EN) Sharon StoneModels.com, Models.com, Inc.
(EN) Opere di Sharon StoneOpen Library, Internet Archive.
(EN) Opere riguardanti Sharon StoneOpen Library, Internet Archive.
(EN) Sharon StoneGoodreads.
(EN) Sharon StoneDiscogs, Zink Media.
(EN) Sharon StoneMusicBrainz, MetaBrainz Foundation.
Sharon StoneCineDataBase, Rivista del cinematografo.
Sharon StoneMYmovies.it, Mo-Net Srl.
Sharon StoneMovieplayer.it.
Sharon StoneFilmTv.it, Arnoldo Mondadori Editore.
(EN) Sharon StoneInternet Movie Database, IMDb.com.
(EN) Sharon StoneAllMovie, All Media Network.
(EN) Sharon StoneRotten Tomatoes, Flixster Inc.
(EN) Sharon StoneMetacritic, CBS Interactive Inc.
(EN) Sharon StoneTV.com, CBS Interactive Inc.
(EN) Sharon StoneAFI Catalog of Feature Films, American Film Institute.
(EN) Sharon StoneBFI Film & TV Database, British Film Institute.
(DE, EN) Sharon Stonefilmportal.de.
(EN) Sharon StoneBehind The Voice Actors, Inyxception Enterprises.
(EN) Sito non uficiałe - www.sharonstone.net

Scheda su Sharon Stone de l'Internet Movie Database

Controło de autorità	VIAF (EN) 61688646 · ISNI (EN) 0000 0001 1473 5524 · LCCN (EN) n95111574 · GND (DE) 119285215 · BNF (FR) cb131909363 (data) · BNE (ES) XX1130662 (data) · NLA (EN) 35075928 · WorldCat Identities (EN) n95-111574