Prunus avium
  | |
| Dati | |
|---|---|
| Fonte de | Sareza, sweet cherry (en)  , cherry pit (en) , cherry pit oil (en) e succo di ciliegie (it) |
| Piante | |
| Tipo de fruta | Drupa |
| Stato de conservasion | |
 | |
| Ris-cio mìnemo | |
| UICN | 172064 |
| Tasonomia | |
| Superregno | Eukaryota |
| Regno | Plantae |
| Órdene | Rosales |
| Fameja | Rosaceae |
| Tribù | Amygdaleae |
| Zènare | Prunus |
| Spece | Prunus avium L., 1755 |
| Nomenclatura | |
| Basònemo | Prunus cerasus var. avium |
| Distribusion | |
 | |
El sarezaro o sarezara o sarezer (Prunus avium (L.) L., 1755) el xe on àlbara da fruta de ła fameja de łe Rosaceae. El połe èsare alto dai 15 ai 30 metri, ła scorsa ła ze dura, ła sluxega e ła ga un cołor roso-grixo.
Ła scavejara de rame fisi e pieni de buti ła ga na forma de cono slargà. Łe foje łe xe longhe e ovałi, de 6 — 15 cm, co orlo iregołare a dentini de sega, verdi, co ła parte sora lùsida e cheła soto che se vede łe nervadure de ła foja. Cadauna ła ga un pégoło de 2 — 5 cm, a ła fin del cuało ghe xe, inte ła parte sora, do ghiandołete rose.
Da 2 a 4 — 6 fioreti i vien fora a corìnbo, co diàmetro de 2,5 — 3,5 cm insieme a łe foje, in apriłe - majo. El fruto (sareza o siareza) el xe roso scuro, tondo, co diàmetro de 6 - 25 miłimetri.
Anbiente
[canbia | canbia el còdaxe]El sarezaro el se trova in tuta Eoropa, dal Mediteraneo fin al 54° grado de latitudine nord e a est fin a ła linea Minsk - Kursk - Woronesch - Rostov.
El se trova anca in Turchia del nord, inte el Caucaso e in Iran del nord, ma el xe sta inpiantà anca in Nord Africa, in Sud Turkestan e inte l'Est del Nord America.
Łe sareze tìpeghe del Vèneto
[canbia | canbia el còdaxe]Intrà i 349 prodoti agroałimentari tìpeghi par qualità e storia del Vèneto ghe xe anca łe sareze. Inte el partegołare ghe xe:
- Łe sareze de Maròstega
- Łe sareze dei Cołi de Axoło
- Łe sareze dei Cołi veronexi
- Łe sareze dei Cołi Euganei
- Łe sareze durone de Cazan de Tramigna
Legno
[canbia | canbia el còdaxe]
El sarezaro xe un òtimo legno par far mòbiłi (tołe, careghe, credense) e pavimenti (Parquet).
Distiłai e licuori fati co łe sareze
[canbia | canbia el còdaxe]In Zermania i distiła łe sareze par fàrghine na graspa dal bocado seco: in Foresta Nera i ła ciama àcua de sareze (Kirschwasser).
El cherry invese el xe un licuor dolse fato in Inghiltera.
Notasion
[canbia | canbia el còdaxe]
Altri projeti
[canbia | canbia el còdaxe]
Wikimedia Commons el detien imàjini o altri file so Saresaro
Wikispecies el detien informasion so Saresaro
el detien schemi gràfeghi so
Linganbi foresti
[canbia | canbia el còdaxe]- (EN) sweet cherryEnçiclopedia Britannica, Encyclopædia Britannica, Inc.
| Controło de autorità | LCCN (EN) sh85131169 · GND (DE) 4277177-8 · BNF (FR) cb11946816q (data) |
|---|