Sareza

Da Wikipedia, l'ençiclopedia libara.
Do sareze

La sareza el ze el fruto de ła sarezara (Prunus avium). La pianta domestegada ła ze stada otegnesta da ripeteste ibridasion de ła specie botànega.

El nome vèneto sareza el deriva diretamente dal latin volgaro ceresia, el cuało el deriva dal grego κέρασος (kérasos), derivante da ła sità de Cerasunte inte el Ponto (uncó Tùrchia) dal cuało, segondo Plinio el Vècio, i ze stai inportai a Roma inte el 72 a.C. da Luculo i primi àlbari de sarezaro.[1]

Ła sareza ła połe nàsar da do difarenti spece botàneghe: da na parte ła sarezara dolse (Prunus avium), che ła produze łe sareze che semo costumai a magnar cofà fruta fresca; da chel'altra ła sarezara garba (Prunus cerasus), che ła produze marene, vìsołe o marasche, in zènare definie cofà sareze garbe o àside. In sto artìgoło se descrive ła sareza propiamente ciamada, fruto del Prunus avium.

La sareza, de sòłito de forma sfèrega, de 0,7-2 sentìmetri de diàmetro, ła połe ciapar anca ła forma de core o de sfera na s-ciantina slongada. El cołore, de norma roso, el połe variar, segondo łe varietà, dal zało ciaro del Graffione bianco piemontezo al rosso cuazi nero del Durone nero di Vignola. Anca ła polpa ła ciapa cołorasion e consistense difarenti variando da ła varietà, pasando dal bianco al roso negrastro inte el primo cazo e dal tènaro al crocante inte el segondo cazo. El gusto el ze dolse, mai stomegozo, co ponte àside.

La sareza madura inte el perìodo primaveriłe-estivo ła ga na samesa dura, color legno.

Conpozision chìmega[canbia | canbia el còdaxe]

Par on stùdio de ła Michigan State University[Fonte nesesària], le antocianine (contegneste in grande cuantità inte łe sareze) łe inibise ła cicloosizenasi, i enzimi che i responde a procediminti infiamatori segnalando la sensasion de dolor; el rezultà el ze simiłar a cheło de l'aspirina[2] e de l'ibuprofene sensa parò efeti cołaterałi. Le antocianine łe ga in pì na asion antiosidante e łe ze bone anca a inibire el cancro al còlon. Inte ła fin łe sareze łe se ga fato védar ùtiłi inte el tratamento de ła gota.

El snózoło el contien àsido cianìdrego.

Produsion[canbia | canbia el còdaxe]

I 10 majori produtori de sareza dolse inte el 2018[3]
Stato Produsion (tonełae)
Flag of Turkey.svg Turchia 639.564
Flag of the United States.svg Stati Unii 312.430
Flag of Uzbekistan.svg Uzbekistan 172.035
bandiera Ciłe 155.935
Flag of Iran.svg Iran 137.268
bandiera Itàlia 114.798
Flag of Spain.svg Spagna 106.584
bandiera Romania 90.837
Flag of Greece.svg Gresa 90.290
Flag of Ukraine.svg Ucraina 84.640

Notasion[canbia | canbia el còdaxe]

  1. Robert S. P. Beekes, Etymological Dictionary of Greek, Brill, 2010, ISBN 978-90-04-17418-4.
    «As the improved cherry came from the Pontos area (cf. Κερασοῦς "rich in cherries", town on the Pontos), the name is probably Anatolian as well. Given its intervocalic σ, the form must be Anatolian or Pre-Greek. For the suffix, cf. ▶-θíασος, ▶-κάρπασος, which too are of foreign origin. Assyr. karšu has also been adduced. Cf. on ▶κράνον 'cornelian cherry'. Gr. κέρασος, -íα, κεράσιον were borrowed into many languages: Asiatic names of the cherry-tree and the cherry, like Arm. ker̄as, Kurd. ghilas, and in the West, Lat. cerasus, -ium, VLat. ★cerasia, ★ceresia, -ea; from Latin came the Romance and Germanic forms like MoFr. cerise, OHG chirsa > Kirsche. Lit.: Olck in PW 11: 509f. and Hester Lingua 13 (1965): 356.».
  2. Enciclopedia della nutrizione , dalla A alla Z tutti i cibi che guariscono; M.Murray, J.Pizzorno, L. Pizzorno 2005 [1] Archivià il 26 giugno 2009 Data inte l'URL no conbazante: 26 zunjo 2009 in Internet Archive.
  3. (EN) Food and Agriculture Organization of The United Nations, FAOSTATfao.org. URL vardà il 7 agosto 2020.

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàNDL (ENJA00576210
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Sareza&oldid=964228"