Saresaro

Da Wikipedia, l'ençiclopedia libara.
Jump to navigation Jump to search
Nuvola apps bug2.svg
Saresaro
Prunus-avium.JPG
Fiori de saresaro
Clasificasion sientìfega
Regno:Plantae
Divixion:Magnoliophyta
Clase:Magnoliopsida
Órdene:Rosales
Fameja:Rosaceae
Gènare:Prunus
Spece:Prunus avium
Nomenclatura binomiałe
Prunus avium
L.
Segui el Projeto Fórme de vita


Un saresaro

El saresaro (o siaresaro o sareser o sarezer) (nome sientifego Prunus avium) el xe 'n albaro da fruta deła fameja dełe Rosaceae (se dixe in todesco Kirsche, in inglexe Cherry, in taljan ciliegio). El po esare alto dai 15 ai 30 metri, ła scorsa ła xe dura, ła sluxega e ła ga un cołor roso-grixo.

Foja de saresaro

Ła scavejara de rami fisi e pieni de buti ła ga na forma de cono slargà. Łe foje łe xe longhe e ovałi, de 6 — 15 cm, con orlo iregołare a dentini de sega, verdi, coła parte sora luçida e keła soto ke se vede i nervi deła foja. Ciaaskeduna ła ga un pecol de 2 — 5 cm, ała fine del kuałe ghe xe , suła parte sora, do ghiandołete rose.

Łe do ghiandołete rose sul pecol deła foja de saresaro

Da 2 a 4 — 6 fioreti i vien fora a corinbo, con diametro de 2,5 — 3,5 cm insieme ałe foje, in apriłe - majo. El fruto (saresa o siaresa) el xe roso scuro, tondo, con diametro de 6 - 25 miłimetri.

Fiori de saresaro

Anbiente dove ke'l vive[canbia | canbia el còdexe]

Sarese

EL saresaro el se trova in tuta Eoropa, dal Mediteraneo fin al 54° grado de latitudine nord e a est fin ała linea Minsk - Kursk - Woronesch - Rostov. El se trova anca in Turchia del nord, 'ntel Caucaso e in Iran del nord, ma el xe sta inpiantà anca in Nord Africa , in Sud Turkestan e 'nteł' Est del Nord America.

Łe sarese tipiche del Veneto[canbia | canbia el còdexe]

Fra i 349 prodoti agroałimentari tipici par qualità e storia deła region Veneto ghe xe anca łe sarese. In particołare ghe xe:

Legno[canbia | canbia el còdexe]

Legno de saresaro

El saresaro xe un òtimo legno par far mobiłi (tołe, careghe, credense) e pavimenti (Parquet).

Distiładi e liquori fati cołe sarese[canbia | canbia el còdexe]

In Germania i distiła łe sarese par farghine na graspa dal bocado seco: in Foresta Nera i ła ciama aqua de sarese (Kirschwasser). El cherry invese xe un liquore dolse fato in Inghiltera.