Ritmo Belumat

Da Wikipedia, l'ençiclopedia libara.

El Ritmo Belumat o Belunéxe (it. Ritmo Bellunese) el xe na vecia rima del 1198 d.c. xeneralmente clasificà come documénto volgar itałian inte i łibri de leteradura itałiana. Seben che el sia itałian geograficamente, esendo stà fato inte na parte de ła Penìxoła Itałiana, el xe lenguisticamente vèneto.

Defati da un pónto de vista gramaticałe ghe xe xa el plural verbałe col clìtico i («i lo getà» , moderno «i lo gà/à getà») che anca al dì de ancûo' el xe tìpico de tuta ła łéngua vèneta mentre in altre łéngue vien doparà na final: ven. i parla, it. parl-ano, mil. parl-en.

« De Castel d'Ard av li nost bona part.
I lo getà tut intro lo flum d'Ard.
Sex cavaler de Tarvis li pui fer.
Con sé dusé li nostre cavaler. »


Fin dal primo cólpo d'ocio se véde po che xe sparìe un saco de vocałi finałi (Ard, cavaler, tut) caratarìstica tìpica acor deso del vèneto belumat e trevixan.

Pare che el sipia stà scrito in ocaxion de na guera intrà Belun e Trevixo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ritmo_Belumat&oldid=1009756"