Rammstein

Da Wikipedia, l'ençiclopedia libara.

I Rammstein i xe un grupo industrial metal tedesco formà a Berlin inte el 1994.

Ła so musica ła xe un smisioto tra metal, shock rock, gothic rock e ełetronega, i vien de frecuente inserii inte ła sena Neue Deutsche Härte insieme a grupi come OOMPH! e Die Krupps.

El tastierista Christian "Doktor Flake" Lorenz el ga descrito in un'intervista el xenere musicałe dei Rammstein come Tanz Metall, propio a sotołineare el conubio tra sonorità metal e ełetroneghe. Fin a oncò i ga venduo çirca 12 miłioni de dischi in tuto el mondo.

El nome Ramstein - al cuałe a xe stà xontà na m par darghe el signifegà de Ramming stone (leteralmente schisasassi) - xe na base aerea situà in Germania che xe stà luogo de un incidente aereo inte el 1988, causà da łe frece tricolori italiane, dove oltre 70 persone le xe morte e circa 1000 ferìe, de łe quali 347 in modo grave.

Biografia[canbia | canbia el còdaxe]

I inisi (1993 - 1998)[canbia | canbia el còdaxe]

I Rammstein i xe stà fondà inte el 1993 su inisiativa de Richard Kruspe; Richard, che al tenpo el conviveva col basista Oliver Riedel e co el baterista Christoph Schneider, el ga decisto de partesipare al concorso Berlin Senate Metro, e el ga registrà un demo nea so caxa, co quatro piste e na drum machine. A ła voçe xe stà ciamà Till Lindemann, ex canpion de nuoto e amico de Richard, che ałora l' intreçava sestini de vimini in un picoło łaboratorio. El neonà grupo el ga vinto el concorso, chel gavea come premio ła posibiłità de rexistrare un album in studio; inte el 1994 i vien così ciamà a conpletar ła formasion el chitarista Paul Landers e el tastierista Christian Lorenz, inisialmente scètici riguardo el progeto.

Inte el marso 1995 ła band ła ga terminà de rexistrare Herzeleid, el primo album, inte i Polar Studios de Stocolma, album chel xe stà aconpagnà dai singołi Du riechst so gut e Seemann. Inte el 1996 el regista David Lynch, positivamente colpìo da ła musica dei sie, el decise de inserir alcune sò cansoni inte ła colona sonora del film Lost Highway (in Itałia conosùo come Strade perdute). El sesteto todesco el se ga esibìo anca in alcuni conserti in Germania drio conpagnar i Ramones durante el so ùltimo tour "Adios Amigos".

Intanto i Rammstein i scominsia i lavori pal secondo album, Sehnsucht. Sto album el vien preceùo dal fortunà singolo Engel, chel diventarà disco d'oro (250 000 copie vendùe) e ragiungerà el terzo posto in clasifica. L'altro singolo tirà fora da l'album l'è stà el celebre Du hast. El 22 agosto el secondo album de ła band l'è stà uficialmente publicà e dopo soło do setimane el ragiunse xà la prima posision in clasifica. Carateristica tanto particołare del disco xe stà le sie diverse copartine disponibiłi, una par ogni membro de ła band. In queła pì conosùa compare Till Lindemann co dei ogeti metalici sui oci che i ghe coerxe la vista. Inte el booklet del'album ghe xe anca tra i ringrasiamenti Jurgen Engler, cantante e fondatore del grupo Industrial metal tedesco Die Krupps; parché, dopo aver sentìo la canson Tier, el cantante el gavea avvià na procedura legale, dixendo che la canson fosse un plagio del brano The Dawning Of Doom del so grupo. Engler el ga vinto sucessivamente la causa e l'è sta quindi inserìo inte i ringrasiamenti del booklet. Dopo el cantante el ga commentà così l'epilogo della vicenda:

«I feel better about being the originator rather than a follower»

«Ritengo sia meglio essere il creatore piuttosto che un imitatore» (Jurgen Engler)

El 1998 el se ga verto co un tour primaverile in America, seguìo da uno in Europa. El 22 e el 23 agosto la band la ga sonà al Wuhlheide de Berlin davanti un publico de 17000 spetatori. Sti concerti i xe stà filmà e publicà in un album live, intitolà Live aus Berlin. I Rammstein inoltre i ga partesipà al Family Values Tour (insieme a Korn, Limp Bizkit, Orgy e Ice Cube) e come headliner al anuale Rockstock Festival a Chicago. Intanto Herzeleid e Sehnsucht i continuava a vendare un grande numero de copie, diventando rispetivamente dopio disco de platino e disco de oro.

El suceso (1999 - 2003)[canbia | canbia el còdaxe]

Inte el 1999 I Rammstein i ga otenù ła posibiłità de compagnare i Kiss inte el so tour drio el Nord e eł Sud America. Inte el febraro deł isteso anno i ga ricevù na nomina ai Grammy Awards nea categoria "Best Metal Performance", mentre el 3 aprile i ottenne un Echo Award come "Most Successful German Artist Internationally".

El 30 agosto xe vegnù fora el dopio album Live aus Berlin, seguìo inte i mesi sucesivi da łe edision VHS e DVD. Intanto scominsia łe rexistrasion del novo album. Inte el febraro 2001 la band la partecipa al Big Day Out in Australia, mentre Mutter (questo el titolo del novo disco) venne publicà el 2 aprile. I singoli estrati xe stà Ich will, Sonne, Links 2 3 4, Mutter e Feuer frei!, compagnà dai rełativi videoclip. Durante l'autuno el grupo el ga partecipà al Pledge of Allegiance Tour coi Slipknot, System of a Down, Mudvayne e American Head Charge, mentre in novembre fu publicà un libro fotografico de 160 paxene suła storia del grupo a opera de Gert Hof.

Tra el 2002 e el 2003 el grupo l'è risultà sempre manco ativo, anche par colpa de ła salmonela ciapà da Christian Lorenz poche setimane prima de ła tapa itałiana al Gods of Metal. Tutavia, alcune de łe so cansoni le xe stà incluse nełe colone sonore de alcuni film (Feuer Frei! in xXx; Halleluja in Resident Evil; Stripped (canzone dei Depeche Mode, ma rexistrà dai Rammstein pal film) in "Matrix" e "Rammstein" in "Lost Highway" de David Lynch), mentre a novembre xe uscìo Messer, libro de poesie scrito da Till Lindemann. Inte el dicembre 2003 xe sta anca publicà Lichtspielhaus, secondo DVD fato da ła band, coi video de alcune esibision live e vari videoclip.

Avegnimenti dei ùltemi ani (2004 - oncò)[canbia | canbia el còdaxe]

Al'inisio del 2004 i scuminsia le registrasion del quarto album in studio de ła band, Reise, Reise. L'album l'è sta precedùo dal'uscita del singolo Mein Teil e dal so video. I altri singoli publicà i xe stà Amerika, Ohne dich e Keine Lust. Reise, Reise l'è sta publicà el 27 setenbre ma, a diferensa del predecesore, el ga otenùo pareri contraddittori: alcuni lo considerava na svolta massa commerçiale, altri un album de alto livelo come tuti i altri. Nonostante ste critiche l'album el raxunse ugualmente la prima posision in clasifica, sia in Europa, sia in America.

In seguito a ła publicasion de Reise, Reise, a partire da febraro del 2005, i Rammstein i parte par un lungo tour in Europa, de cui serti filmati i ghe xe inte el DVD Völkerball (uscìo el 17 novembre 2006). L'unica tappa italiana la xe sta al Fila Forum di Assago (in provincia de Milano) el 24 febraro 2005 e el ga fato el tuto esaurìo. Le cansoni scartà par mancanza de spasio (i Rammstein i pubblica sempre 11 cansoni a incision) le xe sta successivamente racolte nel Rosenrot, disco dove el grupo el sperimenta un sound pì cupo rispeto ai lavori prima. Rosenrot el ragiunse la prima posision in Austria, oltre a ła çertificasion de tri dischi d'oro e uno de platino e argento.

El 21 majo 2007, co un comunicà dal sito uficiale, i Rammstein i dichiara de essere al lavoro pa' un novo album, in probàbiłe uscita inte el 2008. Inte el lujo 2007 ga circolà in rete ła voçe che Till gavaria molà i Rammstein e che sarìa stà sostituìo da En Esch, ex cantante dei KMFDM: la notizia xera parò del tuto infondatà. A smentire la notisia xe stà el isteso En Esch e el chitarista Richard Kruspe, che el ga smentìo la roba, dichiarando che "ogni membro del grupo lo ga sempre sostenùo, se uno el va via i Rammstein i se scioglie, nessuno el vignarà mai rimpiasà".

Discografia[canbia | canbia el còdaxe]

  • Herzeleid (1995)
  • Sehnsucht (1997)
  • Mutter (2001)
  • Reise, Reise (2004)
  • Rosenrot (2005)
  • Liebe ist für alle da (2009)
  • Untitled (2019)
  • Zeit (2022)


Controło de autoritàVIAF (EN139823889 · ISNI (EN0000 0001 1526 5640 · LCCN (ENno00017292 · GND (DE5507628-2 · BNF (FRcb14006978k (data) · WorldCat Identities (ENno00-017292
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Rammstein&oldid=1151406"