Richard Kruspe

Da Wikipedia, l'ençiclopedia libara.


Richard Kruspe

Richard Zven "Scholle" Kruspe (Wittenberg, 24 zugno 1967) l'è un musicista, chitarista e cantante tedesco.

L'è anca conosùo come el fondatore de ła band industrial metal tedesca Rammstein e dei Emigrate.

Biografia[canbia | canbia el còdaxe]

Richard l'è nato a Wittenberg, inte ła Germania del' Est. El gà do sorele e un fradelo pì veci. I so genitori i gà divorsià quando el gaveva 18 anni. So mare la se gà risposà, ma lu non l'è mia restà a lungo col so patrigno. I se gà trasferii a Weisen quando l'era xovane.

Conosuo anca come Richard Kruspe - Bernstein, cognome de ła so ex-moiere Caron Bernstein. Dopo la separasion inte el 2004 (cinque anni dopo matrimonio) e el divorzio inte el 2006 el so cognome l'è ritornà Kruspe. Inte el 1992 xe nata so fiola Khira, che come mare la ga la ex-moiere de Till Lindemann. Dal 2001 el se gà trasferio da Berlin a New York, dò l'abita anca oncò par vivare pì tacà a ła so ex-moiere Caron e a so fiola.

Da bocia, Richard el xera un fan dei Kiss. I tosi i scriveva Kiss sui so diari, e se i insegnanti łi vedeva, i gavarìa podudo butarli fora da scola. Quando el gaveva dodexe anni, el gaveva un poster tacà in camera sua, ma el so patrigno geło gà strapà; Richard xe restà alsà tuta ła notte par rimetarlo insieme.

A sedexe anni, Richard el ga comprà na chitara in Cecoslovachia, co l'intension de rivendarla par far schei. Un dì, in un campo estivo, na tosa el ghe gà domandà de sonarla, dixendo “Sona calcossa! Sona calcossa!” anca se lu a ghe dixeva de non essar bon. Un dì el gà ciapà queła chitara e el ga tacà a strimpelare, e a ła tosa ghe gà piaxudo un mucio. Questo el ghe gà fato pensare co che el podeva fare coła chitara.

El 10 de Otobre 1989, el se gà catà sensa saverlo in mexo a na dimostrasion pułìtega. L'è sta colpìo a ła testa e arrestà soło par essar stà presente, e el gà dovudo restare in prexon par sie dì. Na volta fora, el gà deciso de nar via da ła Germania del'Est. In quel periodo non se podeva abandonare la Germania Orientale, alora l'è nà inte ła Germania del'Ovest passando par la Cecoslovacchia. Quando xe nà xo el Muro di Berlin, l'è tornà inte ła Germania Est.

Cariera musicale[canbia | canbia el còdaxe]

Inte el 1991, Richard l'è entrà inte i Orgasm Death Gimmicks, grupo che el sonava musica co forti influense anglo/americane. Dopo el ga fato el tessitore de sésti de vimini co Till Lindemann (che in quel momento el xera baterista inte i First Arsch), el ga vissuo co Oliver Riedel (bassista dei Inchtabokatables) e el gà incontrà Christoph Schneider (baterista dei Die Firma). Inte el 1992, Richard , dopo aver fato el so primo giro inte i U.S.A. co Till Lindemann e Oliver Riedel el se ga reso conto che ła musica che el gaveva fato prima noa faxeva par lu: i gaveva previsto insieme calcossa cołe percussion e łe chitare rabiose. I quatro i gà tacà a lavorare insieme so on nuovo proxeto. Richard presto el gà catà difisiłe scrivare musica e testi insieme. Un concorso par band l'era stà annuncià in Germania e el premio xera de łe session in uno studio de registrasion. I quattro i gà registrà el primo demo (Schwarzes Glass) e i gà vinto. Dopo Paul Landers li gà conosui e el gà mostrà interesse par la band, e col tastierista Christian Lorenz (so compare inte i Feeling B.) i ga completà l'organico del grupo. Inte el 2005 Richard el gà dichiarà de voler fare un progeto solista, ciamà Emigrate. L’album, col stesso nome, l'è vegnù fora neł'agosto del 2007.

La scelta del nome[canbia | canbia el còdaxe]

Richard el gà scelto el nome Rammstein par la so band, comentandolo cussita: "Ramstein xe on disastro e el mondo l'è un acumulo de disastri. Par mi questo ga un senso. Lo go sempre visto in modo produtivo, inte el senso che qualcheduno xe pronto ad afrontare veri disastri. Xe un fenomeno normale che intel mondo suceda disastri. Se pol mia dir de no. No importa se xe un uragan o na guera. Ecco parché Rammstein xe na rivendicasion, n'attitudine, un modo de vivare".

Emigrate[canbia | canbia el còdaxe]

Intel 2005 Richard el gà dichiarà de voler fare un progeto sołista. Nesun altro membro dei Rammstein xe coinvolto. Intel 2007 xe vignù fora el primo album "Emigrate".

Strumentasion[canbia | canbia el còdaxe]

Richard el ga na chitara personalixà ciamà

  • ESP - LTD RZK-600, e l'è stà el primo chitarista europeo a usare na chitara personalixà.

Altre chitare:

  • ESP Deluxe EC-1000
  • ESP KH-2 signature Kirk Hammett
  • ESP KH-4 Kirk Hammett limited edition
  • ESP Eclipse-II VTB
  • TAKAMINE EF341SC

Amplificatori:

  • SansAmp PSA-1
  • Mesa/Boogie Dual Rectifier
  • Rath Amplification

Voxi corełae[canbia | canbia el còdaxe]

Controło de autoritàVIAF (EN43055946 · ISNI (EN0000 0000 7880 3007 · Europeana agent/base/66979 · LCCN (ENno2021050773 · GND (DE135479258 · WorldCat Identities (ENno2021-050773
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Richard_Kruspe&oldid=1160202"