Partito Nasional Veneto

Da Wikipedia, l'ençiclopedia libara.

El Partio Nasional Veneto (PNV) el xe stà un partio połitego independentista veneto co tendense łibartarie fondà inte el majo del 2008. Inte el setenbre 2010 łe atività del partio łe xe stà sospexe par crear, insieme col Partio dei Veneti, un novo partio ciamà Veneto Stato. Inte el majo 2012 na bona parte de i veci leader del PNV ła xe usia da Veneto Stato e ła ga fondà Independensa Vèneta.

Inte el sinboło del PNV ghe xera na foja de tìłio che el jera un albaro sacro par i paleovèneti. Al inìsio inte el sinboło ghe jera anca el leòn de San Marco in moèca, de fianco a ła foja de tìłio, ma prima de łe rejonałi 2010 el xe sta cavà.

Rixultati eletorałi[canbia | canbia el còdaxe]

Inte el zugno 2009 el ga parteçipà a łe elesion provinciałi inte łe province de Padova e de Venesia otignendo el 0,2% dei voti.

Inte el marso 2010 el ga parteçipà a łe elesion regionałi in Veneto candidando a presidente Gianluca Panto otignendo el 0,4% dei voti.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Partito_Nasional_Veneto&oldid=1070738"