Pandoro

Pandoro
Sorte
Stato de orìzene	Itàłia
Ingredienti prinsipałi	farina, sùcaro e butiro
Invension	}

El Pandoro l'è el dolce tipico de Verona. Secondo xerti łe origini de ła ricetta le sarìa da xercar in Austria, dove na òlta se faséa el cosideto "Pan de Vienna", derivà proabilmente da ła "brioche" fransexe. Secondo altri, invexe, el podarìa derivar dal "pan de oro" che vegnéa servìo sułe tòle dei veneziani piesè sióri.

Insieme col panetón l'è uno dei dolci de Nadal piesè tipici. La pasta l'è tènara e de cołore dorato par ła presensa dei óvi, e la sà de vaniglia. El pandoro l'è fato a tronco de cono, con riłievi fati a stela, de sołito a oto ponte. Tra i ingredienti ghè: farina, zùcaro, óvi, buro, buro de cacao e łievito.

La tènica de laorasion l'è particołarmente complicà e l'è fata de tante fasi.

Come vienlo servìo

De sołito el pandoro nol vien mìa guarnìo par drento con creme o canditi come el paneton), anca se ormai łe case produtrici łe stà xercando de diferensiar ła só oferta inventando o riscoprendo certe ricéte. Se pol quindi magnàrse el pandoro in diverse versión, farcìo con crema o cuerto de un strato de ciocolata, ecc.

Quasi sempre el pandoro el vien vendùo in scatołe de cartón col zucaro a velo inte un sachetin par conto suo, che bisòn udàre inxìma al dolxe quando che el se verxe (questo anca par evitar che el zucaro a velo stando inxima al dolce durante tuto el periodo de confesionamento el perda łe só carateristiche).

Critica al confesionamento

Spéxo in teła produsion industriałe in serie dei prodoti da forno come sto chì, el fondo dei dolxi (che in tanti casi l'è l'unica parte che resta descuerta inte el forno) el vien brusà in teła cotùra. Par prodoti come el Pandoro purtropo ła contraposision tra el dolxe de ła pasta tènara e el brusà del fondo el pol dar pitosto fastidio. (Ma schersemo! El culeto l'è la parte piesè bona)