Pałaso Barbarigo Nani Mocenigo

Da Wikipedia, l'ençiclopedia libara.
El Pałasso Barbarigo Nani Mocenigo

Pałaso Barbarigo Nani Mocenigo xe un pałaso de Venesia situà inte el sestièr de Dorsoduro, longo ła fondamenta Nani su'l rio de San Trovaso, 'rente el canpo omonemo.

Storia[canbia | canbia el còdaxe]

El pałaso risałe al Quatrosento, rexidensa de ła famegia Barbarigo. Da Elena Barbarigo, so fìa del doxe Agostino, ghe xe pasà par redità a ła famegia Nani, dove sol scominsio del XIX secoło gà confluìo un ramo de ła famegia Mocenigo. Ai disendenti dei Nani Mocenigo, Bentivoglio d'Aragona, apartien oncora ancùo parte de ła dimora. Inte el Novesento el xe stà conprà da l'Università de Ca'Foscari che ghe n'a fato sede del Dipartimento di Italianistica, co biblioteca xontàda, fìn al 2007 ano inte el cuało el pałaso xe stà dà in concesion, in seguito al corpamento inte el Pałaso Malcanton Marcorà del pòło umanistico de ła Facoltà de Łetare e Fiłoxofia.

Descrision[canbia | canbia el còdaxe]

El Pałaso xe un parfeto exenpio de edificio in stìl gotico venesian tre-quatrosentesco, segondo na inpostasion che gà el so pico in Ca' Bernardo. Ła fasàda, so tre livèłi co mexadìn, al pian tèra se verxe traverso do portałi gotici, uno sentràl e uno, più menùo, a sànca. I do piani nobiłi gà, sentràe infra do cùbie de monofore ogivałi, do quadrifore soramontàe bałustràe.

So'ła parte drèta del covèrto xe prexente na teràsa, che varda so' San Trovaso e l'area del Canal de ła Zueca.

Bigliografia[canbia | canbia el còdaxe]

Voxe łigàe[canbia | canbia el còdaxe]

Altri progeti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pałaso_Barbarigo_Nani_Mocenigo&oldid=1025781"