Nyeri

**Nyeri**
	; ;
Pozision
	0°25′S 36°57′E
Province del Kenya (it)	provincia centrale (it)
Cavedałe de	provincia centrale (it) ; contea di Nyeri (it)
Popołasion
Totałe	98 908

Nyeri la xe na sità del Kenya a 180 km a nord de la cavedal e soto el Monte Kenya. El primo nucleo de la sità el xe costruio su na colina a i pié de la catena de i Aberdare en te la vale che la divide da el Monte Kenya. Nyeri la xe la cavedal de la Provincia Sentrale e del Distreto de Nyeri. La ga na popolasion de 135 000 abitanti.

Storia

En tel novembre 1902, el militare inglexe Richard Meinertzhagen el ga marcià a nord de Nairobi par conosar el interno del Kenya. El sa scontrà co i guerieri kikuyu del cao Wang’ombe wa Ihura ma el ga vinto visto che i kikuyu i gavea solo che lanse e frece, mentre i inglexi i gavea i fusili. El 18 dicembre 1902, Meinertzhagen el ga fondà on fortin su la colina de Kia Nyiri, en te la vale tra i Aberdare e el Monte Kenya. Dopo de i militari, i marcanti indiani i xe rivà e i sa meso ntorno al forte. Dopo de lori, i misionari de la Consolata de Torino i ga costruio la mision, co scole e ospedal. I coloni bianchi i ga svilupà le fatorie de cafe, te, e de alevamento de le bestie. I se rifornia en te i empori de Nyeri. Durante el periodo de l’emergensa, Nieri la se sa catà al sentro de le operasion beliche contro i Mau Mau. La principesa Elisabeta de Inghiltera la xe diventà regina co la stava al albergo Treetops, rente de Nyeri. Ancò la sità la xe on sentro comerciale e on ponto de incontro de la popolasion. El xe anca on sentro de smistamento de i turisti.

Economia

Nyeri la xe on marcà importante par el café – qualità arabica, tra le mejori del mondo – e el te. Patate, fromenton verde e gialo, cavoli e pomodori i vien vedui qi par el marcà de Nairobi. Da i altipiani a nord de la sità vien la bestie par el macelo.

Zente ligà a Nyeri

Dedan Kimathi leader de i Mau Mau
Wangare Maathai prima dona laureata del Kenya, premio Nobel par la pace e ativista de i diriti umani
Catehrine Ndereba atleta
Mwai Kibaki presidente del Kenya
Robert Baden Powell fondator de i Scout, el ga visù e el xe sepolto a Nyeri

Wikimedia Commons el detien imàjini o altri file so Nyeri
Scholia el detien schemi gràfeghi so Nyeri

Controło de autorità	VIAF (EN) 152527010 · LCCN (EN) n86057059 · GND (DE) 4365533-6 · WorldCat Identities (EN) n86-057059