Dedan Kimathi

Da Wikipedia, l'ençiclopedia libara.
Jump to navigation Jump to search

Dedan Kimathi wa Waciuri (31 otobre 1920 – 18 fevrar 1957) el xera ono de i capi de i Mau Mau, guerieri che i se sa oposto al governo colonialista en Kenya. Caturà da i inglexi, el xe stà impicà. I inglexi i le consideraa on terorista, i kenyani i lo considera on campion de la libartà.

Vita[canbia | canbia el còdaxe]

Kimathi el xe nato a Thenge, rente de Nyeri. El xe andà a scola a Kanrunaini e le secondarie de i misionari de la Consolata a Tumutumu. Dopo on periodo en te l’esercito, el xe tornà a Tumutumo par insegnar (1949-51). En tel 1951 el gha fato el giuramento co i Mau Mau en tel Grupo de i Quaranta. El xe stà eleto segretario de l’Union Africana del Kenya (KAU) ne le sesioni de Ol Kalau e Thompson Falls (ancò Nyahururu) en te la region de el Nyandarua en tel 1952. I inglexi i lo gha arestà, ma lu el xe scapà e el gha fondà el Consilio de Difesa del Kenya par coordinar el laoro de i Mau Mau. En tel 1956 el xe stà aresta co so mojer Wamboi e el xe stà condanà a morte. El 18 de fevrar 1957 el xe stà impicà en te la prison de Kamiti, Nairobi. El xe stà sepolto en tel cimitero de Lang’ata ma nisun sa el posto giusto.


Controło de autoritàVIAF (EN54186300 · ISNI (EN0000 0000 8383 2574 · LCCN (ENn88643355 · GND (DE1143707486 · BNF (FRcb12152891g (data) · WorldCat Identities (ENn88-643355

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Dedan_Kimathi&oldid=854707"