Novo Mondo

Novo Mondo

Sorte	Rejon zeogràfega

Novo Mondo o Continente Novo łe ze espresion doparae par denomenar l'Amèrica e łe ìzołe arenti, in dòparo finmente dal XVI secoło. El continente el zera novo par i Eoropei, par i cuałi el mondo ła constava solché del denomenà Vècio Mondo (o "Continente Antigo"), costituio da Àfrica, Àzia e Eoropa e gnente altro.

Fintantoché łe Amèriche łe ze senpre descriveste cofà el "Novo Mondo", l'Oseània e l'Antàrtide no łe vien definie cofà Vècio Mondo ma gnanca cofà Novo Mondo, ponesto-ché sti tèrmani i ze anteriori a ła so descuerta da parte dei eoropei. Talvolta par l'Oseània se dòpara el tèrmano "Continente Novisimo" o "Continente stra-novo".

Dòpara del tèrmano

Uncó el tèrmano el vien doparà in zènare:

• inte un contesto stòrego co se parla de ła descuerta eoropea de łe Amèriche, cofà par ezénpio inte el discórar su łe esplorasion spagnołe, su Cristòforo Cołonbo, etc.
• inte ła descrision de grupi de animałi inte l'interior de ła biołozia: i organismi del Vècio Mondo i ze cuełi che i ze in Àfrica, Euràzia e Austrałàzia, chełi del Novo Mondo i ze chełi de łe Amèriche.
• in rełasion al vin:
  • par descrìvar i vini produzesti che i ze de fora de łe tradisionałi zone de cresimento de ła vigne de Eoropa e Nordàfrica, inte el particułare par el vin de Nord e Sud Amèrica, Sudàfrica, e Oseània;
  • par descrìvar un tipo de vin popołarizà dai produtori del Novo Mondo.