Nùmaro primo

Un nùmaro primo xe un nùmaro maxor de xero che el pol dividarse par lù e par uno. El pi picoło nùmaro primo xe el dò e, sibèn che se pòl demostràr che i numari primi i xe infinii, de numari primi pari non ghi n'è altri.

Tuti i numari maxori de uno i se pòl scrivar in na maniera ùgnoła cofà un prodoto de numari primi (e ł'ordine no conta parché ła moltiplicasion ła xe comutativa).

El tamixo de Eratostene

Eratostene el xe stà un studioso de ła Gresia antica che 'ł se gà inventà un sistema pa' catare fora i numari primi pì picołi de un serto numaro che se decide daprinsipio (e da qua ło ciamaremo n par comodità). Besogna fare diversi pasaji pa' rivare al rixultato:

1. Se scrive i numari da 1 fin n inte na tabeła (un numaro pa' ogni buxo). 'Sta tabeła ła se ciama el tamixo.
2. Se scomisia a scancełare i numari che se poł dividare par 2.
3. Dopo se scanceła i numari che se poł dividare par 3.
4. Deso el pasajo inportante xe che toca al 5 e no al 4: infati el 4 el xe stà scanceła prima, dato che el se poł dividare par 2. Praticamente, el sarìa un pasajo inutiłe, parché tuti i numari che se poł dividare par 4 i se poł dividare anca par 2; cuindi rajonemo che tuti i numari scancełai besogna saltarli.
5. Se va vanti finché a un serto punto no salta fora che no ghe xe altri numari da scancełare. I numari che xe rimante inte el tamixo i xe tuti i numari primi pì picołi de n.

El sistema se ciama tamixo parché besogna scrivare i numari da 1 fin n inte na tabeła, e dopo se taca a "tamixare": a ogni pasajo ghe demo na tamixada pì forte, e cusì a ła fin i numari primi i xe come i grani de formento che resta sora al tamixo, invese i numari che no xe primi i xe cascai baso come i tochi de tera o de buła.

Altri progetti

• Wikimedia Commons

• Wikimedia Commons el detien imàjini o altri file so Nùmaro primo