Monte Carega

Da Wikipedia, l'ençiclopedia libara.
Jump to navigation Jump to search
Carega
Carega.jpg
ContinenteEoropa
Statibandiera Itałia
CaenaPrealpi Vènete
Coordinae45°45′57″N 11°08′17″E / 45.765833°N 11.138056°E45.765833; 11.138056 (Carega)Coordinae: 45°45′57″N 11°08′17″E / 45.765833°N 11.138056°E45.765833; 11.138056 (Carega)
Caena prinsipałeAlpe
Ponto pì altoSima Carega 2 259 m s.l.m.
Dati SOIUSA
Gran parteAlpi Orientałi
Gran setorAlpi Sud-orientałi
SesionPrealpi venete
SotosesionPrealpi Visentine
SupergrupoPicołe Dołomiti
GrupoGrupo del Carega
CòdexeII/C-32.I-B.6
Carta intrativa

El Monte Carega, o pi semplicemente el Carega, el xe un acròcoro postà fra el Veneto (province de Verona e Vicensa) e el Trentin. El xe subito sora i Lesini, in provincia de Verona, e el fa parte dełe Picołe Dołomiti (Prealpi Venete). El monte pi alto de tuto el grupo xe Sima Carega, 2259 metri. A nord - nordest el Carega el casca xo 'nteła Vałarsa, pi a est el Paso de Canpogroso ło divide dal Sengio Alto, a sud el Paso deła Lora ło staca dała Cadena dełe Tre Croxe, a sudovest ła Val de Ronchi ło taja neto dai Lesini, a nordovest el ga el Monte Zugna. Durante ła Prima Guera Mondiałe el grupo el xe sta teatro de conbatimenti fra l'esercito deł'Austria e queło deł'Italia.

Carateristeghe del grupo[canbia | canbia el còdaxe]

El Carega el xe na montagna calcarea, fata de dołomia, coi fianchi verso est e verso sud segnà da profondi canałoni ke da ste parti i ga un so nome: vajo. I pi famosi i xe el Vajo dei Cołori e el Vajo dei Camòsi a est e el Vajo Pełagata a sud.

I monti pi alti del grupo, vegnendo da sudest, xe: el Plische, 1991 metri, łe Guje deł Fumante, 1938 metri, ł'Obante, 2020 metri, Sima Carega, 2259 metri, el Cherlong, 2210 metri, Sima Posta, 2215 metri, Sima deła Neve, 2157 metri.

Vie par rivarghe e punti de pojo[canbia | canbia el còdaxe]

L'unica strada ke ghe riva quasi sora ła vien dała Val d'Iłasi (Verona), ma ła xe sarà al trafico e ła se ferma al Rifugio Scalorbi, 1767 m. Poco soto ła Sima Carega ghe xe el Rifugio Fraccaroli, 2230 m.. Pi in baxo ghe xe el Rifugio Battisti, 1265 m. e el Rifugio Canpogroso, 1460 m. (Recoaro).

Curiosità[canbia | canbia el còdaxe]

El nome Carega nol vol dir "carega" nel senso de sentarin. El vien da Kareg, int'el dialeto todesco che se parlaa su i Lesini e vol dir "bacineła". Se se guarda el grupo del Carega da la Val d'Iłaxi, el ga proprio la forma de na bacinela. Anca se la cima piassè alta l'è en provincia de Trento, i veronexi i ga sempre considerà el Carega na montagna veronexe.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Monte_Carega&oldid=750696"