Monfalcon

Da Wikipedia, l'ençiclopedia libara.
(Rimando da Mofalcon)
Jump to navigation Jump to search
Monfalcon
comun
Monfalcon – Panorama
Ła roca de Monfalcon
Locałixasion
StatoItałia Itałia
RejonFriułi-Venesia Julia – stema Friułi-Venesia Julia
ProvinciaNo prexente
Aministrasion
SìndicoAnna Maria Cisint
Teritorio
Coordinae45°48′00″N 13°32′00″E / 45.8°N 13.533333°E45.8; 13.533333 (Monfalcon)Coordinae: 45°48′00″N 13°32′00″E / 45.8°N 13.533333°E45.8; 13.533333 (Monfalcon)
Altitudinem s.l.m.
Superficie19,73km²
Abitanti28122
Densità1 425,34 ab./km²
FrasionArchi, Aris, Crosera, Lisert, Marina Julia, Marina Nova, Pansàn, Pierarossa, La Rocca, San Polo, S'ciaeti, Zima de Pierarossa, Bagni, Serajo, Via Romana-Solvay
Comuni confinantiDobardò, Duin-Nabresina (TS), Ronchi (GO), Staranzan
Altre informasion
Còd. postałe34074
Prefiso0481
Codice ISTAT031012
Còd. catasticałeF356
TargaGO
Cl. sismegaxona 3 (sismisità basa)
Cl. climàtega2213
Nome abitantimonfalconexi
PatronoMadona de ła sałute
Dì de festa21 de novenbre
Carte interative
Monfalcon – Mapa
Sito istitusionałe

Monfalcon (Monfalcòn in furlan, Tržič in sloveno) el xe un comun de 28.020 abitanti, el secondo per popolassion ta la provincia de Gorizia e el quinto de la rejon de la Furlania-Venessia Iulia. La se cata sul mar al sboco del fiume Lisonz, sul versante de zanca ai pie del'altipian del Carso e la vien considerà la capital de la Bisiacaria. Se cata a trenta km a nord-est da Trieste e a zirca vinti a sud de Gorissia.

La xe cognossesta per i cantieri ciamadi Fincantieri, a Pansan, dove xe tirade su grande nave da crosera, la ospita anca un porto importante. De Monfalcon xe anca la famosa cantante Elisa.

Storia[canbia | canbia el còdaxe]

La storia antiga de Monfalcon la xe stada condissionada da la vizinansa de Aquileia, zentro più importante de la rejon. Le roine de le terme le prova la presenza de zente che la abitava la zona za ai tempi de la dominassion romana, mentre la roca, costruesta tal X secolo, la testimonia el rol del teritorio monfalconese per la difesa de le possession del patriarca de Aquileia. L'abità de Monfalcon vien nominà per la prima volta ta'l 1289.

Tal 1420 i xe rivadi i Venessiani, che i ga disfrutà Monfalcon e potensià la roca sempre come protession da le invasion dai nemighi, che i ga assaltà la zità sai volte, almen tre volte i turchi, anca i strìassi e i franzesi ghe xe passadi. A la fin la zità xe passada al'Impero Strìaco tal 1797.

La storia più ressente de Monfalcon la ga un momento fondamental quando la fameia Cosulich, seradi i squeri de Trieste, la ga portà qua la Fincantieri, ta'l 1908, la mandopera rivada la ga fat cressar la popolassion e trasformà el zentro urban, co la nassita del quartier de Ponsan, discreà proprio per la nova industria. Monfalcon la xe stada tiatro de bataie de la Prima Guera Mondial (qui ghe xe morti Enrico Toti e Antonio Sant'Elia), ocupada prima dai italiani, ciolta indrio dai strìassi dopo Caporeto e infin vinta dai sti primi.

Tal corso de la Seconda Guera Mondial, Monfalcon la xe stada sai daneiada dai bombardamenti. I movimenti de Resistensa nassesti sul Carso i ga portà al'ocupassion dei slavi de Tito, per dopo vignir da indrio al'Italia. Tra le do guere, Monfalcon la faseva parte de la provincia de Trieste, des la xe passada soto Gorissia.

Robe da andar vedar[canbia | canbia el còdaxe]

La roca de Monfalcon la xe el monumento più cognossest de la zità: forsi in pie za soto Teodorico, la porta i segni de la dominassion venessiana come el leon de San Marco. Dopo i grandi dani causadi da le guere, xe sta restaurà.

El zentro storico xe bel co la piassa dela Republica, el palasseto veneto e el Duomo dedicà a Sant'Ambrosio, sto ultimo ricostruest dopo la Prima Guera Mondial.

Monfalcon la festeia per tradission el carneval, co la so mascara de Sior Anzoleto Postier.

La tradission dei squeri de la zità la ga portà a la fondassion del polo museale de la cantieristica, zentrà su quel che iera l'albergo operai de Pansan.

In mezo a un teritorio industrial, ghe xe anca spassio per la spiaja de Marina Julia, tra el porto e el sboco del Lisonz.

Abitanti[canbia | canbia el còdaxe]

Abitanti censii

Da la fin dei ani '90, Monfalcon la se ga impignida de zente foresta, soratuto del Bangladesh, tirada qui dai lavori a disposission in Ficantieri.

Zemelagi[canbia | canbia el còdaxe]


Note[canbia | canbia el còdaxe]



Controło de autoritàVIAF (EN122647107 · WorldCat Identities (EN122647107
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Monfalcon&oldid=772045"