Mołeca

	Mołeca
Sorte	Segondi piati
Stato de orìzene	Itàłia
Rejon d'orìzene	Veneto
Difuxion	laguna de Venèsia (43 pescadori unii inte ła Cooperativa San Marco' de Buran)
Reconosimento	PAT
Invension	}

Ła mołeca ła xe el mas-cio del granso verdo (nome sientìfego Carcinus mediterraneus), co el xe in faxe de muta e el xe drio pèrdare ła so scorsa, dita carapaxe. Łe mołeche, in sto momento, łe xe tènare e mołe, tanto che se połe magnarle intiere.

Anbiente

Łe mołeche łe se tira sù da łe àcue de ła laguna de Venesia, in partegołar a Buran, Xueca, Cioxa, e Maran).

Come che łe se cuxina

Łe mołeche łe xe na specialità venesiana. Dopo verle lavae e sugà, se połe métarle co l'ojo in na farsora e desfrìxarle diretamente o dopo verle infarinà.

Łe mołeche łe połe èsar doparae anca inte łe fortaje.

Łe mołeche presidio Slow Food

Łe mołeche, par ła so storia, ła so cuałità e el perìcoło che łe vaga perdeste, łe xe protexeste cofà Presidio Slow Food.

Modi de dir

El leon de San Marco in mołeca: Se dixe cusita cuando che el sìnboło de Venesia e del Veneto el vien dixegnà vedesto da davanti e incucià, ciapando na forma tonda come cheła de on granso.

Linganbi foresti

(IT) Mołeche so chioggiapesca.it
(IT) Mołeche so 24.fish