Marexina

Da Wikipedia, l'ençiclopedia libara.
Maresina
Errore Lua in Modulo:Imajine_sinotego alla linea 37: Tried to read nil global catNonCompatibile.
Clasifegasion sientìfega
RegnoPlantae
ClaseMagnoliopsida
FamejaAsteraceae
SpeceT. parthenium
Nomenclatura binomenałe
Tanacetum parthenium
(L.) Sch.Bip., 1844
Sinònemi
Matricaria parthenium (L.)


La marexina ła xe na pianta (nome sientifego Tanacetum parthenium) de ła fameja de łe Compositae o Asteraceae. In inglese ła se ciama feverfew, in todesco Mutterkraut, in italian matricale o partenio. Ła xe na pianta erbàsea perene, on mucio aromàtega al strucarse, ga foje de contorno ełìtego, fin a 8 cm de łonghesa. Ła se uxa par redure fiebre (varda el nome inglese), tratar dołor de suca, artriti, problemi dijestivi. Na volta ła se doparava par i dolori de łe mestruasion (da qua el nome in todesco e in italian). Rexentemente ła se ga utilixà par ła cura de ła pełe.

Ła vive specie in alta cołina; conosuda e doparà in cuxina in Val Cianpo e Valdagno, inte el Vixentin, ma anca inte el Veronexe, sui Lesini e in pianura.

Doparasion gastronòmega[canbia | canbia el còdaxe]

Frìtołe co ła marexìna[canbia | canbia el còdaxe]

Preparare na pasteła de farina bianca, late, aqua, sałe e na s-cianta de sucaro. Fate łe fritołe, łe se fa desfrizare meténdoghe sora, tajà a toketi, una o do foje de maresìna su ogni fritoła xa inte el ojo de bojo. Se tira fora łe fritołe, łe se fa sgiosare e sugare su na carta asorbente. Se pol butarghe sora un poco de sucaro semołado e łe se magna subito finke łe xe calde.

Dolse a ła marexina[canbia | canbia el còdaxe]

Ghe vol: 120 g de sucaro semołà, 100 g de fecoła de patate, 10-12 foje freske trità de maresìna, 3 ovi intieri, 50 g de buro, 2 cuciari de graspa, ła scorsa xała gratà de 1 limon, 1 cuciarin de lievito in polvere par dolxi. Mis-ciar ben el sucaro col buro e i rosi dei ovi, xontarghe ła fecoła de patate, ła graspa, el limon e łe foje de maresìna trità. Sbatere łe 3 ciare de ovo e xontarle al paston; a ła fin meterghe anca el lievito e versare in na forma da forno e cuxinare a 200° par mexora.

Bìgoli co ła marexina[canbia | canbia el còdaxe]

Far infiapare pian pian in ojo de oliva veneto tanta séola e scałogno tajà a fetełe fin fine, xontarghe qualke giosa de axedo de vin bianco, un mestoło de brodo de połastro e bagnar col vin Dureło. Far bojere par mexora e dopo xontarghe raquante foje de maresìna e qualke toketo de sarda sałada, lasar cuxinar oncora par pochi minuti e dopo pasar tuto pal pasaverdure col disco pi fino. Se buta sta salsa sui bigoli e se ghe grata sora formajo Asiago d'ałevo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Marexina&oldid=1051835"