Valdagno

Da Wikipedia, l'ençiclopedia libara.
Va a: navigasion, serca
Valdagno
comun
Valdagno – Stema
Valdagno – Veduta
Dati aministrativi
Stato bandiera Itałia
Rejon Vèneto – stema Vèneto
Provincia Vicensa – stema Vicensa
Sìndico Giancarlo Acerbi (sentro-sanca) dal 26/05/2014
Teritorio
Coordinae 45°39′N 11°18′E / 45.65, 11.3Coordinate: 45°39′N 11°18′E / 45.65, 11.3
Altitudine 260 m s.l.m.
Superfise 50,22 km²
Abitanti 26 640[1] (31/03/2013)
Densità 530,47 ab./km²
Frasion Campotamaso, Castelvecchio, Cerealto, Maglio, Massignani, Novale, Piana, San Quirico[2][3][4]
Comuni confinanti Altisimo, Brojan, Cornedo Vixentin, Crespadoro, Monte di Malo, Recoaro Terme, Schio, Torebelvisin
Altre informasion
Còd. postałe 36078, 36074
Prefiso 0445
Fuxo orario UTC+1
Còdexe ISTAT 024111
Còd. catasticałe L551
Targa VI
Cl. sismega 3
Nome abitanti valdagnesi
Patrono san Clemente
Dì de festa 23 de novenbre
Locałixasion
Italy location map.svg
Valdagno
Italy relief location map.jpg
Valdagno
Poxision de el comun de Valdagno inte ła provincia de Vicensa
Poxision de el comun de Valdagno inte ła provincia de Vicensa
Sito istitusionałe

Valdagno el xe un comun de sirca 27 000 abitanti inte la provincia de Vicensa. In stà sità xe nata la fabrica tesile de la Marxoto. Le do cexe de la sità le xe intitolae a San Gaetan e a San Clemente.

Ogni ano in autun ghe xe l'omonima Festa d'autun, co' atività didateghe e spetacoli folkloristisi.

Evolusion demografega[canbia | canbia el còdexe]

Abitanti censii


Novale[canbia | canbia el còdexe]

Novale la xera na frasion de Valdagno de sirca 5000 abitanti. El sò canpanile, uno de i pì alti e veci del vixentin, l'è sta costruio inte'l 1904. Dal inisio del '900 Novale la se xè però tacà a Valdagno, insieme al Majo e al Ponte dei Nori. Ai xorni de oncò se poe parlare de na unica sità che la se estende da la xona industriale de Valdagno a Novale. Novale no la se poe pì considerare na frasion, ma na xona periferega a nord de Valdagno.

Storia[canbia | canbia el còdexe]

Periodo prima del XX secolo[canbia | canbia el còdexe]

Un documento del 1184 el nomina par la prima volta Valdagno, in relasion co i Trisino (fameja de orixene todesca), feudatari de la vale, che i gà costrujo dò casteli , el primo sora a la colina del sentro storego, chealtro so'l cole de Panisaco: el primo el xe stà desfà , del secondo invese rimane tracia inte'l atuale santuario de Santa Maria, rifato pì volte in pochi secoli; in orixene l'era n'antica capela costruia inte'l 1212. Dopo la dominasion scaligera e viscontea, Valdagno l'e pasà inte'l 1404 soto el goerno de la Republica de Venesia. In stà epoca inisia un periodo de rigoioxo svilupo artexanale (lavorasion del fero e de la lana), che el gà contribuio a render pì forte la fraxile economia tacà a l'atività agro-silvo-pastorale. Inte'l 1700 nase le prime filande par la lavorasion de la lana e de la seta. Dopo la cadua de la Republica, avien l'agregasion a l'Inpero austro-ungarego e inte'l 1866 al Regno d'Italia. La fameja Marxoto la taca inte'l 1836 l'industria de la lana, portandola da liveli artexanali a le dimensioni de na moderna e gran inpresa. Da ricordarse in particolare l'opara de Gaetano Marxoto (1894-1972) che oltre a 'ver fondà l'atività industriale, el ga promoso vari interventi sul setor sociale (abitasioni pa' i operai, inpianti sportivi e ricreativi, el "Stadio de i Fiori" dove che gà xugà el Marxoto (che deso el se ciama Nova Valdagno) in Serie B, axilo par l'infansia, caxa de ripoxo pa' i veci, scole, interventi ispirà a criteri architetonisi e funsionali.

XX secolo[canbia | canbia el còdexe]

Valdagno la xe na sità decorà al Valor Militare par la Guera de Liberasion, anca parchè l'è stà premià co la Medaja d'Arxento al Valor Militare pa' i sacrifisi de i sò abitanti e par la sò atività inte ła lota partexana durante ła seconda guera mondiale.

Poco dopo i traxisi fati de la Seconda Guera Mondiale la xona la gà registrà un significativo svilupo economego e sociale, soratuto te ła metà de i ani sesanta. El contesto anbientale naturale, la nova viabilità de colegamento verso est (el traforo co' Schio) e verso sud (la sirconvalasion de Cornedo e la strada verso 'l Agno) i gà creà le premese pa' un novo rilancio de ła xona, sia dal punto de vista abitativo sia da queo de insediamento de łe atività produtive ad alto contegnùo tenoloxego e del tersiario avansà.

Spor[canbia | canbia el còdexe]

Balon[canbia | canbia el còdexe]

L'Asociasion Calcio Marxoto Valdagno la xe stà fondà inte'l 1926 e presto la xe stà sostegnua da la Marxoto. La gà conosesto el sò periodo mejore inte i ani '50, raxunxendo la Serie B e sfiorando anca la promosion in A. Inte i ani '90, la xe tornà a disputare el campionato de Serie C2, la se gà meso insieme col Thiene, sedendo infine el titolo sportivo a la squadra thienexe, co ła fondasion de na nova società che oncò la xuga in promosiòn. Da la stagion 2012-2013 nasse 'na nova società, el Trissino-Valdagno, che xè u smisioto dele do vecie società.

Hockey so pista[canbia | canbia el còdexe]

Come tanti altri sentri de Vicensa, Valdagno el vanta na gran tradision de hockey so pista, co nùmaroxi canpionati de Serie A1 disputai. Stò ki l'è el sito de l'Hockey: www.hockeyvaldagno.it

Inpianti sportivi[canbia | canbia el còdexe]

Valdagno el gà un palaseto del spor co' anca la pista de atletega, nà pisina coerta (e anca n'altra scuerta che non la se uxa da ani), canpi da tenis e da calceto. Ghe xe anca na squadra de siclismo oltre che na strutura coerta par ranpegarse tra le pì grandi in Italia. L'ultima novità xe un campo da beach volley, visin al ponte dei nori.

Note[canbia | canbia el còdexe]

  1. Dato Istat - Popołasion rexidente a el 31 de marso 2013.
  2. Comun de Valdagno - Statuo.
  3. Castello, Maglio di Sopra, Maglio di Sotto, Masignani alti, Ponte dei nori.
  4. ghe xe anca de łe contrade: Rossati, Massegnan, Cappelletti, Novella, Vegri, Giorini, Crestani, Mucchione, Bernardi, Cecchetti, Lovo, Priara, Valle Rialbo, Lure, Lucca, Pregrassi, Lasta, Menovre

Cołegamenti foresti[canbia | canbia el còdexe]