Parco ła Favorita
 Parco ła Favorita | ||
| ||
| Dati | ||
|---|---|---|
| Sorte | Parco sitadin  | |
| Caraterìsteghe | ||
| Àrea | 5 ha | |
| Pozision | ||
| Rejon aministrativa | Valdagno (Itàlia) | |
| Pozision | Viale Duca d'Aosta - Valdagno | |
| ||
| Ben culturałe d'Itàlia | ||
|
| ||
El parco ła Favorita el xe el prinçipałe parco par estension de Valdagno.
Projetà, come el resto de ła Sità sociałe, da ł'architeto Francesco Bonfanti inte ła fin dei ani 1920 pa conto de Gaetano Marzotto, el xe sta cronpà e ricuałifegà dal comun de Valdagno inte el 2000.
Rento se pol notare, pasando el viałe inalbarà traerso una de łe entrade monumentałi, ła granda scałinada che ła porta a ła parte pì alta e sentrałe del parco, i grandi pergołamenti dełimità da parapeti de piera, i fundaminti de cheła che gavea da eser na viła paronałe e parco romantego, caraterixà da ła biodifarensiasion de ła vexetasion.
In parte al parco, rènte a na fontana decorà, ghe xe de łe sere, dexiderae da ła comitensa, che indentifegava, in cheło che deso xe soło on parco, anca na funsion de sorte agricoła.
Restà privato pà tanti ani, el parco el xe sta çedù in tel 2000 a l'aministrasion comunałe, par scomisiare łe opare de recuałificasion (anbiente e architetura) durà fin al 2008, ano che el xe sta riverto al pubłego.
Deso ła Favorita ła xe sede de diverse manifestasion culturałi e muxegałi, e anca de atività deportive posìbiłi in tel novo percorso vita che el sta soto ła scałinada prinçipałe.
Flora
[canbia | canbia el còdaxe]El parco el xe carterixà par ła riłevante biodiversità, tanto risercà da ła fameja Marzotto, tanto da risercare anca in tei stati foresti dei exenpłari deso là prexenti. Deso łe piante rento el jardin łe gode de na bona sałute. Se segnała ła presensa de tante spece:
- Taxus baccata
- Cedrus atlantica
- Fagus
- Cedrus deodara
- Paulownia
- Tilia
- Platanus occidentalis
- Quercus
- Cryptomeria
- Aesculus hippocastanum
- Sequoiadendron giganteum
- Acer platanoides
- Acer pseudoplatanus
- Pinus nigra
- Magnolia grandiflora
- Ginkgo biloba
- Carpinus betulus
- Quercus ilex
Fauna
[canbia | canbia el còdaxe]Da łe piciołe dimension del parco, no se połe parłare de on patrimonio faunistego. Ma xe posìbiłe vedare difarenti exenpłari de schiratołi, e, dato che rènte ghe xe on torente, se połe catarghe oxełi come l'aghiron.
Altri projeti
[canbia | canbia el còdaxe]
Wikimedia Commons el detien imàjini o altri file so Parco ła Favorita
el detien schemi gràfeghi so
Linganbi foresti
[canbia | canbia el còdaxe]- (IT) Il Parco "la Fovorita"comune.valdagno.vi.it.