Magazeni del Sàl

Da Wikipedia, l'ençiclopedia libara.
Jump to navigation Jump to search
Sto articoło el xe scrito in venesian
Vista dei Magazeni del Sàl. Dadrìo ła baxéłega de Santa Maria de ła Sałute

I Magazeni del Sàl o (Sałoni) xe un pałaso de Venesia, logà 'ntel sestièr de Dorsoduro, longo ła Fondamenta de łe Zàtare ai Sałoni, e fasà so'l Canal de ła Zueca.

Storia[canbia | canbia el còdexe]

Sto edificio de dimension ingenti xe stà fabricà sul scominsio del Quatrosento in un ponto strategico de ła sità: infati longo sta fondamenta se trovava uno dei prinçipałi loghi de ormixo de łe xatere e inbarcasión che portava a łe marcansìe a Venesia.

Qui gera stà sernìo de costruìr el liogo indove imagaxenàr el sàl, prodòto fondamentàl de l'economia de ła çità łagunàr.

Progetà da l'architeto Alvise Pigazzi (arlevo del pì conosùo Giannantonio Selva), el conpleso xe stà restorà pregevolmente a l'insìrca 'ntel 1830.

'Ntel XX secoło, drìo ła so inpiantàda, i Magazeni del Sàl gà subìo un periodo de decadensa, indrìoman xe stài riutiłixài par de łe espoxisión. Co' gà subìo l'ultimo restauro, parte de ła strutura ospita, lestìo da Renzo Piano, 'na mostra permanente de Emilio Vedova, ła cui inaugurasion xe capitàda 'ntel 2009 [1].

Descrisión[canbia | canbia el còdexe]

Ła fasàda de ła strutura xe de un pian ugnòło e sviłupàda in longhésa, co' nove grandi portàłi sorastà da artànte fenèstre a mèxałùna; sora łe vertaùre çentrałi ghe xe ła scrita Enpòrio dei Sałi. Indrénto se slonga nove spasi indove se imagaxenava el sàl e come xa dito ancùo se trova łe mostre.

Note[canbia | canbia el còdexe]

  1. Cfr. Venezia dedica a Emilio Vedova il primo «Museo in movimento», Il Sole 24 Ore, 5 giugno 2009

Altri progeti[canbia | canbia el còdexe]

  • Collabora a Commons Su Commons ghe xe dei file multimediałi su Magazeni del Sàl