Lattebusche

Da Wikipedia, l'ençiclopedia libara.
Jump to navigation Jump to search
Sto articol al é scrit in belumat

Lattebusche la è na lateria de la Provincia de Belun La è nassesta de i ani 50 co 'l nome de "LATTERIA COOPERATIVA VALLATA FELTRINA-BUSCHE" a Busche, na fražion inte 'l comun de Žess. La è stata la prima a no esser turnaria e a poder fornir na produžion da querder al marcà anca fora de i comuni arent, tanta che dess la è la pi granda de 'l nord de 'l Veneto. Le esigenže de vender fora de la provincia e de er an marchio par farse recognosser subito le à pendest a la invenžion de 'l nome "Lattebusche", comet da dir e curt da cenerse a mente. Co 'l tenp la à assorbì tuta na serie de laterie pi pižole e la à scominžià la produžion de gelati inte 'l stabilimento de Ciosa. De i ani 90 la à abu na gran trasformažion: è stat fat na part nova de stabilimento co 'l inpianto automatico e controlà da 'l computer, è stat fat tut al magasin novo, canbià i bussolot de 'l yoghurt, quatà žerrti tipi de formai co 'n film de material organico inveže che co 'l ojo de lin... Sto inpianto novo al à consentì a 'l adeguamento de la produžion a le norme europee su la igiene e a na produžion pi conpagna inte 'l tenp. De sti ultimi ani a la serie de prodoti soliti se à dontà i yoghurt e 'l botiro biologici, e la area de marcà de la lateria la è ruada a ciapar nice te i altri Stati, come te i USA aonde che gnen esportà al formai Piave.

Prodoti[canbia | canbia el còdexe]

  • formai Piave
  • formai Cesio
  • formai Dolomiti
  • formai Zumelle
  • formai Asiago
  • formai Grana
  • Mossarela
  • Strachin
  • Spàlmolo
  • Cressenža
  • Poina
  • Schiž
  • Botiro
  • Botiro biologico
  • Mascarpone
  • Pana
  • Yoghurt
  • Yoghurt biologico
  • Lat fresch
  • Lat fresch de alta qualità
  • Lat UHT
  • Gelati:coni, ricoperti, marende,...

Ligami da fora[canbia | canbia el còdexe]