Jeografìa de One Piece

Da Wikipedia, l'ençiclopedia libara.
Jump to navigation Jump to search
'Sto artìcoło el 'é scrito doparando ła grafìa dita DECA

1leftarrow.pngVoxe prinsipałe: One Piece.

'Sta voze ła descrive el mondo de'l manga One Piece cusì come che'l ze stà pensà e struturà da'l autor Eiichirō Oda. A ghe ze anca de i łoghi che i conpare solche inte'l anime tełevizivo, inte łi OAV e inte łi film sinematogràfeghi.

Jeografìa de'l mondo de One Piece[canbia | canbia el còdexe]

El mondo de One Piece el ze asè diverso da'l mondo reałe anca da'l ponto de vista jeogràfego e morfołózego. A ghe ze senpre un globo terestre ma ła dispozision de i continenti e de łe acue ła ze conpletamente reinventada da'l autor Oda. Anca ła cosmołozìa de'l mondo ła ze tuta diversa da coeła reałe de fati, inte'l Àlbaro de ła Conosensa de l'ìzoła de Ohara, l'autor el ga dizenjà un mapamondo co un pianeta somejante a ła Tera e che'l ga sie łune che ghe orbita intorno, e onjuna de 'ste sie łune ła ga un só satèłite orbitante. El globo terestre de One Piece el se prezenta tuto recoverto de acua co un stramaro de ìzołe e arsipèłaghi sparpanjài so tuta ła suparfisie. L'ùnega tera emersa che ła se configura cofà un continente ła ze ła cusidita Łinea Rosa che ła traversa el globo inte'l senso łonzitudinałe "tajàndoło" in du parti cofà el Meridian de Greenwich. In corespondensa de ła łinea de l'ecuatore A se cata na fasa de mar anca dita ła Łinea Granda. 'Sta chive ła ze dividesta in du parti par via che ła se incroza co ła Łinea Rosa: ła prima metà ła ze ciamà el Paradizo, tamentre ła segonda ła ze ciamà el Mondo Novo. Se considaremo ła Łinea Rosa e ła Łinea Granda cofà de i ełeminti de confin e łora vien fora che'l resto de’l spasio de'l pianeta el ze costituìo da cuatro triàngułi sfèreghi che i coresponde a i Cuatro Mari: el Mar Orientałe (East Blu), el Mar Osidentałe (West Blu), el Mar Meridionałe (South Blu) e'l Mar Setentrionałe (North Blu). Łe ciurme de i pirati de i Cuatro Mari łe ze manco perigołoze e potenti de coełe de ła Łinea Granda. Ła narasion de'l manga ła scumisia da na ìzoła de'l Mar Orientałe e ła va vanti seitando l'ùnego senso de percorensa che, almanco pa' i protagonisti, el ze posibiłe: da'l Mar Orientałe i ga ciapà ła Reverse Mountain (inte ła Łinea Rosa) e traverso de 'sta chive i ze entrài inte'l Paradizo. Daspò de verlo traversà tuto i è entrài inte'l Mondo Novo pasando par l'ìzoła de i Òmeni Pese che ła ze sote acua in corespondensa de ła Łinea Rosa.

Globo de'l mondo de One Piece
Planisfero de'l mondo de One Piece

De sèito ze reportà la łista de i łoghi che i coresponde co ła cronołozìa naradiva de'l viajo de ła Ciurma de'l Capel de Paja, cusì come che'l ze contà so'l manga.

Mar Orientałe[canbia | canbia el còdexe]

Ìzoła Dawn[canbia | canbia el còdexe]

Łinea Rosa[canbia | canbia el còdexe]

Ła Łinea Rosa (赤い土の大陸 Reddo Rain, Red Line in łengua angleze) ła ze l'ùnega tera emersa che ła se configura cofà un continente inte'l mondo de One Piece. 'Sta sotiłe strica de tera de rocio ła traversa el globo inte'l senso łonzitudinałe "tajàndoło" in du parti cofà el Meridian de Greenwich. Ła ze un posto asè misteriozo e pararìa che la fuse dezołada e poco ospitałe, de fati el mistro Eiichirō Oda no'l ze mai stà tanto jenerozo a mostrar de i detaji de 'sta zona. Ła prima 'olta che ła ze stà mostrada jera durando l'ingreso de i Mugiwara inte ła Łinea Granda traverso de ła Reverse Mountain. Ła segonda 'olta ła ze stà dizenjada in corespondensa de ła metà oposta, a dir cuande che i Mugiwara i gheva finìo de navigar par tuta ła łonghesa de'l Paradizo: in che'l ponto i se ga catà deanti de na costiera rocioza stra alta che de coeła no se ghe vedéa njanca la parte sora e, donca, A se ga l'inpresion che ła sipia inposìbiłe da scałar e traversar. Via de tut A ghe ze stà du momenti che in coełi A se ga podùo védar calcun che ła scałava: el primo el ze stà durando el flashback de ła storia de ła ciurma de i Pirati de'l Sołe, cuande che el capitano Fisher Tiger el ze stà bon de scałar co łe man ła parete de rocia pa' nar a łibarar i sciavi de i Draghi Sełesti che i jera tenjesti prizonieri a Marijoa. Ła segonda 'olta ze stà durando el flashback de ła storia de Sanji cuande che se ga visto ła flota de i Germa 66 che ła scałava ła Łinea Rosa co łe só navi costituìe da sciozi ziganti, par pasar da'l Mar Setentrionałe a coeło Orientałe. A motivo de l'estrema dificoltà de scałar e traversar ła Łinea Rosa se capise che 'sta chive ła ze un ostàcoło grando par chi che'l vol parcorar ła navigasion de ła Łinea Granda na 'olta che'l ga conpletà tuta ła prima parte: rivài a 'sto ponto A se pol continuar dimandando un parmeso de transito spesiałe a'l Goerno Mondiałe, ma ze ciaro che 'sto parmeso el ze negà a i pirati che donca, pa' nar vanti, i pol solche doparar el pasajo sotomarin in corespondensa de l'ìzoła de i Òmeni Pese.

Reverse Mountain[canbia | canbia el còdexe]

Ła Reverse Mountain (リヴァース・マウンテン Ribāsu Maunten, let. ła "Montanja Roversa" in łengua angleze) ła ze na montanja granda sita in pozision mezana inte ła Łinea Rosa. Ła rapresenta una de łe do entrade pa' ła Łinea Granda. El tèrmene "Roversa" el deriva da łe corenti de i só canałi che łe va par suzo, de raverso respeto a'l conportamento normałe de l'acua che ła sèita ła forsa de gravidà. Ła ze caraterizada, de fati, da sincue canałi che i ła parcore inte'l senso de la pendensa: de 'sti canałi A ghin'è cuatro che i coresponde, ciascun, a na corente che ła vien da onjun de i cuatro mari, tamentre el cuinto el ze un canałe cołetor che'l ciapa rento łe altre cuatro corenti par zburtar diretamente inte ła Łinea Granda. Se capise donca che, doparando ła Reverse Mountain, A se pol nar rento inte ła Łinea Granda solche da un ponto presizo e seitando un verso ben presizo, a dir da ovest verso est, co'l Paradizo che donca e'l ze senpre ła prima metà de'l parcorso. 'Sta prosedura ła ze asè parigołosa parché łe corenti in sałita łe ze straforti e łe riscia de spacar łe navi su pa' łe rocie, donca A ghe vol na serta braura da parte de i navigadori.

Ponta de i Zemełi[canbia | canbia el còdexe]

Ła Ponta de i Zemełi (双子岬 Futago Misaki, in łengua japoneze futago sinjìfega purpio "zemełi") ła ze na ponta de rocia che ła se cata sùito zo de ła Reverse Mountain pena che se riva inte ła Łinea Granda. A ze chive che i Mugiwara i fa ła conosensa de'l vardian Crocus, che tenpo indrìo el jera 'sta mèdego de bordo de ła ciurma de Gol D. Roger, e che'l ghe spiega a Nami el funsionamento de'l log pose. Par de pì i conose anca la bałena zigantesca ciamà Lovoon che ła jera stà łasada łive, 50 ani indrìo, da i pirati Rumbar che co łuri A ghe jera anca Brook.

Marijoa[canbia | canbia el còdexe]

Ła Tera Sacra de Marijoa (聖地マリージョア Seichi Marījoa), el ze un łogo bastansa misteriozo che'l ze sito inte ła Łinea Rosa in pozision oposta a coeła de ła Reverse Mountain. Se 'sta ùltema ła ze considarada l'entrada pa' ła Łinea Granda e łora Marijoa ła ze considerada l'entrada pa'l Mondo Novo siben che no ze mìa de'l tuto ciaro el modo che co coeło funsionarìa 'sto pasajo. A se sa co sertesa che ghe vol un parmeso de'l Goerno par venjar chive e sfrutar l'atraversamento, donca pa' i pirati e i Revołusionari ła resta na zona vietada. El Goerno Mondiałe el ga ła só baze chive e i Draghi Sełesti i ga ła só rezidensa. Sia intel'l manga che inte'l anime A se ga visto veramente puchi dizenji de Marijoa, in partigołare ze stà mostrà: na vista de'l pałaso sede de'l Cuartier Zenarałe de'l Goerno, ła sała indóe che i se reunise i Sincue Astri de Saviesa, e l'ofisio de Kong, a dir el Comandante Zenarałe de łe Forse Armade de'l Goerno. El pałaso de'l Goerno el vien senpre mostrà un fià sconto da'l całigo, a onji modo ła só architetura ła par ispirada a coeła de'l sełebre casteło franseze de Chambord. Segondo el pirata Do Flamingo, ex Drago Sełeste, a Marijoa ghin sarìa un "tezoro nasionałe" sconto da calche banda e solche i Nòbilłi Mondiałi i ło conose: se ła só ezistensa ła fuse revełada a tuti e łora el mondo el cascarìa inte'l caos.

Ìzoła de i Òmeni Pese[canbia | canbia el còdexe]

Quill-Nuvola.svg
Sta sezion ła xè ancora voda. Jùtene a scrivarla!

Łinea Granda[canbia | canbia el còdexe]

Ła Łinea Granda (偉大なる航路 Gurando Rain) ła ze na strica de mar che inte'l mondo de One Piece ła se cata in corespondensa de’l aneło ecuatoriałe, donca perpendigołare a ła Łinea Rosa. Inte l'edision itałiana de'l manga ła ze ciamà Rotta Maggiore, invese inte l'edision itałiana de'l anime ła ze ciamà Grande Blu. Ła Łinea Granda ła ze el łogo che in coeło A se zvolze ła major parte de łe visende de One Piece e ła ze diviza in du parti par via che ła se incroza co ła Łinea Rosa: ła prima metà ła ze ciamà Paradizo parché, a confronto de chełaltra metà, ła ze manco parigołoza. Ła segonda metà ła ze ciamà Mondo Novo e ła ze dominada da i Cuatro Inperadori. Pa' nar rento ła Łinea Granda A ghe ze solche du modi: el primo el ze coeło de pasar par ła Reverse Mountain, el segondo el ze coeło de traversar łe Fase de Bonasa che łe sirconda ła Łinea Granda. Se A se dòpara ła Reverse Mountain cofà ponto de aceso A se ze obrigài a parcorar la Łinea Granda solche in diresion da ovest verso est (a motivo de'l zogo de łe corenti e de ła conformasion de ła montanja) e se spiega anca parché ła prima metà de ła Łinea Granda ła sipia senpre el Paradizo tamentre el Mondo Novo (par chi che'l ghe riva) el vien senpre par segondo. Ła Łinea Granda ła ga alcune partigolaridà che par coełe ła se prezenta cofà un posto asè difìsile da navigar e anca da vìvarghe: A ghe ze na marcada instabiłità metereołòzega insenbrada a na incredìbiłe anomałìa manjètega. Łe condision meteo łe se prezenta asè variàbiłi e estreme durando ła navigasion e, de raverso, łe se stabiłiza in corispondensa de łe ìzołe indóe che ła stajon ła se mantien pereni: ghemo donca ìzołe eternamente primaveriłi, estive, autunałi o invernałi. L'anomałìa manjètega invese ła ze provocada da l'enorme cuantità de minerałi prezenti inte łe ìzołe, e par 'sto motivo, vien fora che onji ìzoła ła ga un só presizo canpo manjètego. Donca par navigar inte ła Łinea Granda ła bùsoła normałe no ła funsiona mìa, ansi ze obrigatorio doparar un strumento ciamà log pose che'l parmete de inpostar un parcorso de navigasion che'l seita i vari manjetizmi che i se rencore da na ìzoła a chełaltra. Tute 'sti problemi se pol catarli dezà da'l scumisio de'l Paradizo e inte'l Mondo Novo i ze ancura pì ezasperài.

Fase de Bonasa[canbia | canbia el còdexe]

Łe Fase de Bonasa (カームベルト Kāmuberuto, Calm Belt in łengua angleze) łe ze du zone de mar che łe senja el confin suparior e inferior de ła Łinea Granda. Łe se ciama cusì parché A ghe ze asensa de vento e de corenti tamentre łe acue łe ze inpestàe da bestie de mar asè tremende, donca ła navigasion ła ze asè difìsiłe e parigołoza. Łe Fase de Bonasa łe raprezenta un de i du pasaji che i parmete de entrar inte ła Łinea Granda ma, diversamente da ła Reverse Mountain, A ghe ze solche poca zente che ła ze in grado de efetuar 'sto atraversamento. Łe navi de la Marina, par ezenpio, łe ze bone de pasar pa łe fase doparando de łe piastre de Pria de Mar montàe so'l fondo de i scafi: in 'sto modo cuà vien fora che l'enerzìa springada da'l metało ła tien chiete par un serto tenpo łe tremende bestie de mar, siben che A ghe ze un łìmite che oltra de coeło A se vien atacài.

Impel Down[canbia | canbia el còdexe]

Quill-Nuvola.svg
Sta sezion ła xè ancora voda. Jùtene a scrivarla!

Amazon Lily[canbia | canbia el còdexe]

Quill-Nuvola.svg
Sta sezion ła xè ancora voda. Jùtene a scrivarla!

Paradizo[canbia | canbia el còdexe]

El Paradizo (楽園 Paradaisu) ła ze ła prima metà de ła Łinea Granda a èsar parcorsa par chi che'l vien rento traverso de ła Reverse Mountain. Ła vien ciamà cusita parché, a confronto de'l Mondo Novo, ła ze na parte de mar manco parigołoza e pì fàsile da navegar siben che, par chi che ghe riva pa' ła prima 'olta, ła ze un łogo che'l pol èsar asè risciozo pa' no dir mortałe. De fati, cuande che i Mugiwara i jera ancura inte'l Mar Orientałe, A se sintìa parlar altri pirati che i gavéa proà a aventurarse inte'l Paradizo ma che i ga dovesto tornar indrìo bełi zvelti vanti de risciar ła vita. I istesi Capel de Paja i se ga sùito catà in dificoltà pena rivài in chełe acue e ła navigadora de la ciurma Nami ła ga dovesto maurar na serta espariensa vanti de rivar a navegar guałiva. Ła ciurma de Luffy ła ghe ga inpiegà manco de un ano par parcorar ła rota da ła Reverse Mountain fin a chełaltra metà de ła Łinea Rosa. Inte'l Paradizo A se cata ìzołe o zone de mar che łe ze sote el controło de alcuni tra i menbri de i Sete Corsari e ze asè fàsiłe incrozar ofisiałi alti de ła Marina pa' no dir anca Capitani da Mar. Donca A se pol dir che'l Paradizo el ze un duro banco de próa par tuti i pirati che i vol risciar daspò inte'l Mondo Novo. E de fati pararìa njanca tanto par cazo che tuti i pirati che i fa parte de łe Ùndeze Suparnove, insenbre co łe só ciurme, i se gapia catà inte'l isteso momento inte'l arsipèłago Sabàody, l'ùltema meta de'l Paradizo, vanti de continuar l'aventura da chełaltra banda de ła Łinea Granda.

Mapa schemàtega de ła rota seitada da i Mugiwara inte'l Paradizo

Drum[canbia | canbia el còdexe]

Quill-Nuvola.svg
Sta sezion ła xè ancora voda. Jùtene a scrivarla!

Ałabasta[canbia | canbia el còdexe]

Quill-Nuvola.svg
Sta sezion ła xè ancora voda. Jùtene a scrivarla!

Water Seven[canbia | canbia el còdexe]

Quill-Nuvola.svg
Sta sezion ła xè ancora voda. Jùtene a scrivarla!

Enies Lobby[canbia | canbia el còdexe]

Quill-Nuvola.svg
Sta sezion ła xè ancora voda. Jùtene a scrivarla!

Triàngoło Florian[canbia | canbia el còdexe]

Quill-Nuvola.svg
Sta sezion ła xè ancora voda. Jùtene a scrivarla!

Sabàody[canbia | canbia el còdexe]

Quill-Nuvola.svg
Sta sezion ła xè ancora voda. Jùtene a scrivarla!

Marineford[canbia | canbia el còdexe]

Quill-Nuvola.svg
Sta sezion ła xè ancora voda. Jùtene a scrivarla!

Mondo Novo[canbia | canbia el còdexe]

El Mondo Novo (新世界 Shin Sekai) ze ła segonda metà de ła Łinea Granda a dir che'l se cata tra Marijoa e chełaltra banda de ła Reverse Mountain. Ła ze na zona de mar dominada da i Cuatro Inperadori, a dir łe cuatro ciurme de pirati pì forti in asołuto. Njanca ła Marina ła ze bona de ver el controło de’l Mondo Novo.

Dresroza[canbia | canbia el còdexe]

Quill-Nuvola.svg
Sta sezion ła xè ancora voda. Jùtene a scrivarla!

Totołandia[canbia | canbia el còdexe]

Totołandia ( 万国 Tottorando) el ze un arsipèłago de ìzołe soto la dominasion de Big Mom, una de i Cuatro Inperadori. L'arsipèłago el ciapa rento trentasincue ìzołe e onjuna de 'ste cuà ła ze dedegà a un partigołare dolse o manjar e ła ze goernada da un fiol de l'inperadora co'l roło de ministro. El scopo de Big Mom el ze coeło de crear inte 'sto arsipèłago un łogo de armonìa e paze, ciapando rento i esponenti de tute łe rase de'l mondo; l'ùnega rasa inposìbiłe da da catar cuà i ze i ziganti, che co 'sti cuà Big Mom ła ga vuo problemi in tenpi pasài. Inte'l sentro de l'arsipèłago A ghe ze Whole Cake Island (ホールケーキアイランド Horu Kēki Airando) a dir l'ìzoła pì granda che ła ze anca el covo operadivo de Big Mom. Ła capitałe de l'ìzoła ła ze Sweet City (スイートシティ Suīto Shiti), e chive A se cata el Whole Cake Château (ホールケーキ Hōru Kēki Shatō), a dir el casteło rezidensa de Big Mom e baze de ła só ciurma.

Raftel[canbia | canbia el còdexe]

Quill-Nuvola.svg
Sta sezion ła xè ancora voda. Jùtene a scrivarla!

Mar Meridionałe[canbia | canbia el còdexe]

Quill-Nuvola.svg
Sta sezion ła xè ancora voda. Jùtene a scrivarla!

Mar Osidentałe[canbia | canbia el còdexe]

Ohara[canbia | canbia el còdexe]

Quill-Nuvola.svg
Sta sezion ła xè ancora voda. Jùtene a scrivarla!

Mar Setentrionałe[canbia | canbia el còdexe]

Quill-Nuvola.svg
Sta sezion ła xè ancora voda. Jùtene a scrivarla!

Mari de'l Sieło[canbia | canbia el còdexe]

Skypiea[canbia | canbia el còdexe]

Quill-Nuvola.svg
Sta sezion ła xè ancora voda. Jùtene a scrivarla!

Varda anca[canbia | canbia el còdexe]