Eiichirō Oda

Da Wikipedia, l'ençiclopedia libara.
Va a: navigasion, serca
Sto articolo 'l 'é scrito uxando ła grafìa dita DECA
Sta pajina xè da wikifegare
Sta pajina o sesion nó ła xè gnancora formatà secondo i standard.
Contribuisi a mijorarla seguendo łe convension de Wikipedia.

Eiichirō Oda (尾田 栄一郎 Oda Ei'ichirō; Kumamoto, 1º zenaro 1975) el ze un mangaka, a dir in lengua japoneze “autor de fumeti”, tra i pì popołari e sełebrài in tuto el mondo grasie, prinsipalmente, a’l suceso che'l ga vuo e che’l ze drio ver ancura deso co’l manga One Piece.

Cuande che’l jera bocia el ze stà ispirà da’l manga Dragonball (dizenjà da’l mistro Akira Toriyama), da’l manga Hokuto no Ken (in itałian conosesto co’l nome Ken il Guerriero), mentre ła pasion pa’ i pirati ła ghe ze nasesta vardando ła serie animada tełeviziva de Vichi el vikingo [1].

Oda el ga scumisìa a dizenjar i manga a partir da’l 1992, donca co’l jera ancura un tozatel, e ła só prima òpara ła se ciamava Wanted. Inte łe òpare Monsters (1993) e Romance Dawn (1996) i fa ła só conparsa parsonaji e temàteghe che daspó i venjarà zviłupài purpio su One Piece. Tute łe òpare autoconcluzive che’l vea prodoto vanti de One Piece łe ze stàe pubregàe inte’l 1998 inte ła racolta intitołada One Piece Wanted!.

A partir da’l 1997 Oda el scumisia a pubregar el manga One Piece, na òpara ancura deso in via de pubregasion e che da vinti ani a ‘sta parte ła ze deventà l’obietivo de ła só vita. De fati i capìtułi de One Piece i vien pubregài in Japon onji setimana costantemente da vinti ani e donca, par starghe drio a ‘sti ritmi de pubregasion, a Oda ghe toca łaorar scuazi 20 ore al dì, sete dì su sete, in baze a cuanto che’l ga declarà su varie intarviste a i jornałi japonezi [1]. Par de pì, anca se’l ga a despozision na scuadra de asistenti, el groso de’l łaoro de inpostasion e dizenjio de łe vinjete ło fa łu in parsona parché el vol aver el controło totałe de ła só òpara.

Curiozità[canbia | canbia el còdexe]

So ła parsona de Oda A se sa tanto poco parché el ze un omo asè schivo e reservà, donca asè ràdeghe łe ze łe só intarviste e łe aparision pùbreghe spesialmente in tełevizion. A onji modo, so ła baze de calche intarvista che i ghe ga fato a łu, o a i só editori, A ze venjesto fora che’l ze un gran apasionà de łe graełade de carne co i amighi e che purpio ła carne ła ze el só manjar prefarìo [2], cofà che ze pa’ Monkey D. Luffy, a dir el protagonista de One Piece.

Note[canbia | canbia el còdexe]

  1. 1,0 1,1 10 cose curiose su Eiichiro Oda che probabilmente non conoscevi.[1]
  2. Intervista all’editor Suguru Sugita.[2]