Il Giornale di Vicenza
| Il Giornale di Vicenza | |
.svg) | |
| Łéngua | łéngua italiana
|
|---|---|
| Periodisità | quotidian |
| Xenare | stanpa locałe |
| Fondasion | 30 de majo 1915 |
| Formà | tabloid |
| Sede | via Enrico Fermi 205 - 36100 Vicenza |
| Editore | Athesis S.p.A. |
| Difuxion | 41.649 (2005) |
| Diretor | Ario Gervasutti |
| Redator cao | Antonio Di Lorenzo |
| Sito ufisiałe | |
|
| |
Il Giornale di Vicenza, popołarmente conosùo come El Giornałe de Vicensa, xe un cuotidian de Vicensa.
El cuotidian el fa particołare atension a ła cronaca locałe del caologo berego e de tuta ła provincia, e el edita periodicamente publicasion de tipo divulgativo in difarenti anbiti.
Łe redasion łe se cata a Vicensa, Basan, Thiene, Schio, Valdagno e Arxignan.
El giornałe el ofre anca ła letura on line a maca del cuotidian a partire da łe ore 14.00, pa' i abonai el servisio el xe invese disponìbiłe a partire da łe ore 6,30.
Stòria
[canbia | canbia el còdaxe]El primo nùmaro de El Giornałe de Vicensa (che inisialmente el se ciamava "Ła Provinsa de Vicensa") el vien fora pa' ła prima 'olta el 30 de majo 1915 ma ła testada ła vien publicà fin a ła prima guera mondiałe.
Inte el periodo fasista l'eredità del giornałe ła vien racolta da ła Vedetta Fascista.
Tra lujo e setenbre del 1943, dopo ła fin del fascismo, soto ła diresion de Antonio Barolini, ła torna a èsar publicà, ma soło che dal 1945, soto ła guida del diretor Renato Ghiotto, ła torna in modo definitvo. A chel tenpo ła sede se catava in Contrà San Marco.
Dal 1958 el Giornałe de Vicensa el fa parte de ła Società Athesis de Verona.
Inte el 1968 ła redasion e ła tipografia łe se trasferise in viałe Verona, sol canton soto el cavalcavia dei Ferovieri. E ła restarà là fin a ła metà del '83. Inte el lujo 1983 secondo trasloco; in Viałe San Lazzaro 89, primo pian.
Inte el 1999 el cuotidian verxe el so sito internet ilgiornaledivicenza.it.
Inte el 2007 avien un inportante canbiamento ligà a ła strutura del cuotidian, che el adota el formato tabloid e el taca a divegnére un full color.
El 7 de genaro 2008 el Giornałe de Vicensa el se trasferise inte na nova e moderna sede. 'L edifiso el xe stà individuà inte ła xona diresionałe-comersałe ovest, in via Fermi 205. Ła vicinansa al caxeło autostradałe VicenzaOvest e ła poxision longo ła tangensiałe, oltre a l'anpiesa dei spasi e a ła posibiłità de parchejo ga contribuìo a ła sielta del logo. A ła fin del steso ano vien anca efetuà un radicałe restyling del sito internet.
El 2 de novenbre 2010 el sito del Giornałe de Vicensa el vien meso in rete in version alegerìa a cauxa del enorme nùmaro de navigadori che se jera cołegà par 'vére notisie rełative al aluvion che gaveva colpìo ła sità.
Diretori
[canbia | canbia el còdaxe]- Renato Ghiotto (1945 - 1950)
- Giuseppe Brugnoli (1976-1982)
- Sergio Gervasutti (1982 - 1983)
- Gilberto Formenti (1983 - 1984)
- Mino Allione (1984-1998)
- Luigi Bacialli (1998-2001)
- Gigi Riva (2001-2002)
- Giulio Antonacci (2002-2009)
- Ario Gervasutti (2010- )
Difuxion
[canbia | canbia el còdaxe]| Ano | Copie vendùe[1] |
|---|---|
| 2008 | 40.797 |
| 2007 | 41.108 |
| 2006 | 41.087 |
| 2005 | 41.642 |
| 2004 | 41.955 |
| 2003 | 41.158 |
| 2002 | 41.685 |
| 2001 | 44.117 |
| 2000 | 44.240 |
| 1999 | 44.957 |
| 1998 | 43.734 |
| 1997 | 43.830 |
| 1996 | 43.467 |
Note
[canbia | canbia el còdaxe]- ↑ Dati Accertamenti Diffusion Stampa
Łigadure foreste
[canbia | canbia el còdaxe]- Sito ufisałe
el detien schemi gràfeghi so
