Gretsch
|
|||||
  | |||||
| Dati | |||||
|---|---|---|---|---|---|
| Sorte | marca musical instrument manufacturing company (en)  | ||||
| Istòria | |||||
| Creasion | 1883 | ||||
| Fondador | Friedrich Gretsch (it) | ||||
| Atività | |||||
| Prodoto | chitara | ||||
| Governo d'impresa | |||||
| Filiałi | |||||
| Sito web | gretschguitars.com | ||||
   | |||||
Gretsch ła ze na dita statunitense spesiałizà inte ła reałizasion de baterie e chitare fin dai ani cuaranta. I so modełi, speso de prezio e costozi asé, i zera stà i strumenti de ełesion de ła mùzega rock and roll e rockabilly, country: i jera stà uzà da chitaristi cofà George Harrison, Chet Atkins, Eddie Cochran, Brian Setzer e Malcolm Young. Partegołarmente rinomà ła produsion de chitare archtop.
Storia
[canbia | canbia el còdaxe]L'azienda ła ze nasesta inte'l 1883 a Brooklyn, cuando Friedrich Gretsch, imigrà todesco, ga verzesto un picoło negosio indove el ga tacà costruir banjo, baterie e tanburełi. Dòdeze ani daspò Friedrich ze moristo, łasando l'azienda a so fioło Fred. I scominsi zera stà difisiłi, ma za inte'l 1916 ła Gretsch ła jera deventà una de łe aziende piasè inportanti inte l'inportasion e ła fabricasion de strumenti muzegałi. Fred capiva cosa che ła zente vołeva: chitare, cuindi ła Gretsch ga tacà produzarle. Al prinsìpio ła Gretsch ła ofriva chitare Archtop a muzicisti jazz e chitare flat-top par i muzicisti country.
Fred Gretsch se ga ritirà inte'l 1942 łasandoghe ła sosietà ai fiòłi Fred Jr. e Bill Gretsch. Fred Jr. ga tegnest el comando de l'azienda, ma el ze stà ciamà in guera inte ła marina miłitar, cusì el comando ze pasà a Bill fin cuando che'l ze moresto inte'l 1948. Ła dita ła zera pasà da novo a Fred Jr., tornà in patria.
Inte i ani sincuanta ła Gretsch forniva na anpia gama de chitare che gaveva batesto in cuałità e vendite anca i modełi de Leo Fender. Grandi artisti cofà Chet Atkins e Duane Eddy gaveva scominsià a sonar so i strumenti Gretsch. El boom ze stà inte i ani sesanta cuando George Harrison ga inisià a sonar varie Gretsch. Verso el finir dei ani sesanta Fred Jr. se gaveva ritirà e ga vendesto ła sosietà a ła "Baldwin Manufacturing". Baldwin no gaveva capìo ben ła pozision inte'l marcà de ła Gretsch e ga fałìo inte'l pasajo tra i psichedèłeghi ani '60 e i hard rock ani setanta. I boce i se ispirava senpre de pì a Jimi Hendrix, Jeff Beck e Eric Clapton, tuti virtuozi de łe Fender.
Baldwin ga pezorà el problema trasferìndo ła produsion in Arkansas indove ła Gretsch ga patìo do dizastroze canpagne de łisensiamenti. El cało de łe vendite e el dizintarese de Baldwin ga fazesto sarar ła Gretsch a l'inisio dei ann otanta. Fin da cuando ła fameja ła gaveva sbandonà ła produsion, Fred Gretsch III gaveva dezidarà el ritorno so ła sena produtiva, e inte'l 1985 el so sogno ze deventà realtà: el ga conprà da novo ła Gretsch e co ła creasion de novi modełi, ła sosietà ła ze tornà ai abituałi vertisi cuałitadivi.
Artisti
[canbia | canbia el còdaxe]Altri projeti
[canbia | canbia el còdaxe]
Wikimedia Commons el detien imàjini o altri file so Gretsch
el detien schemi gràfeghi so
Linganbi foresti
[canbia | canbia el còdaxe]- Sito ufisałegretschguitars.com.
- Sito ufisałegretsch.com.
