Gràfia Vèneta Clàsega

Da Wikipedia, l'ençiclopedia libara.
Jump to navigation Jump to search

La grafia veneta classega la xe la grafia istorega, doparada par scrivar en veneto, en particolar en la varianza veneziana. La xe comunque adatabile a tute le varianze de la lengua, senza cambi de grafia, ma solo de pronunza.

La xe la prima grafia veneta a essar stada normalizada, 'ntel 1829 da Giuseppe Boerio, nel so Dizionario del Dialeto Venezian.

Unquò la xe stada parzialmente sbandonada, en favor de grafie che le se adata megio al italian. La xe oncora doparada par la toponomastega de la cità de Venezia e de altre località de la laguna.

Grafia[canbia | canbia el còdaxe]

Alfabeto[canbia | canbia el còdaxe]

El alfabeto classego normalizà dal Boerio el se compone de vinti e un carateri:

A B C D E F G H I L M N O P Q R S T U V X Z

Qualche autor el doparava anca la letara Ç. Le letare J, K, W, le xe stae zontae par grafie difarenti o par parole foreste.

Pronunza de le vocali[canbia | canbia el còdaxe]

El veneto el ga mantegnuo le sete vocale del latin volgar, come el italian e el furlan.

  • a el ga el valor de [a]
  • e el ga el dopio valor de [ɛ] (es. belo ['bɛo]) e de [e] (es. pévare ['pevaɾe])
  • i el ga el valor de vocal [i] e de consonante [j]
  • o el ga el dopio valor de [ɔ] (es. òstrega ['ɔstrega]) e de [o] (es. ortiga [or'tiga])
  • u el ga el valor de [u] e de consonante [w]
anterior central posterior
alte i u
medioalte e o
mediobasse ɛ ɔ
basse a

Pronunza de le consonanti[canbia | canbia el còdaxe]

El veneto el ga un numaro de fonemi consonànteghi che el va, a segonda de le variante, intra i vinti e i vinti tre, en un nùmaro complessivo stimà de vinti nove, che tutavia no li pole coesìstar tuti quanti inte la istessa variante.

  • b el ga valor de [b].
  • c el ga valor de [s], [ts], [θ], [t] (a segonda de le variante), co che el xe davanti a e o i. El ga valor de [k] co che el xe davanti a 'na consonante o a a, e, u. A esempio: ceola ['seoɰa], cinque ['siŋkwe], cristian [kris'tjaŋ], cuculo ['kukuɰo].
  • d el ga valor [d], qualche variante la ga 'na pronunza dental [ð] infra vocale. A esempio: fredo ['fredo] (ma anca ['freðo])
  • f el ga valor [f], qualche rara variante la ga na pronunza pi spirada [ɸ]. A esempio: femana ['femana] (ma anca ['ɸemana])
  • g el ga valor de [j], [dʒ] a segonda de le variante, co che el xe davanti a e o i. El ga valor de [g] co che el xe davanti a 'na consonante o a a, o e u. A esempio: geri ['jɛɾi] (o [dʒɛɾi]), giasso ['jaso] (o ['dʒaso]), gamba ['gaŋba].
  • h no el ga valor fonetego, el se usa inte digrafi e trigrafi.
  • l el ga sempre valor [l] solo en poche variante. En la magior perte de le variante el ga el valor:
    • [l], vicin 'na consonante (compreso i co che el val [j]) o a fin de parola. A esempio: malta ['malta], Italia [i'talja], ninziol [niŋ'sjol].
    • [ɰ], intra do consonante oclusive (a, o, u). A esempio: tola ['tɔɰa], balon [ba'ɰoŋ], luse ['ɰuze] (ma anca ['ɰuze]).
    • nissun, co che la xe inframezo a do vocali de le qual al manco una e o i. A esempio: celegheta [see'geta], caligo [ka'igo], limega [i'mɛga] (ma anca [li'mɛga]).

Altri alofoni de [l] li xe [j], [e̯], [r] e [ʎ].

  • m el ga valor [m], trane co che el xe davanti p o b, che el se pronunza [ŋ]. A esempio: magion [ma'joŋ], amor [a'mor], tempo ['teŋpo].
  • n el ga valor [n], trane co che el xe a fin silaba, che el se pronunza [ŋ]. A esempio: nosa ['noza], intanto [iŋ'taŋto], can ['kaŋ].
  • p el ga valor [p].
  • q el ga valor [k].
  • r el ga valor [ɾ], qualche variante la ga na pronunza retroflessa [ɽ] o anca vibrante [r]. A esempio: naranza [naɾaŋsa] (ma anca [naɽansa]).
  • s el ga valor [s] co che el xe prima de 'na vocal a inizio de parola, o co 'l xe vicin 'na consonante sorda. El ga valor [z] co che el xe infra do vocale, o co 'l xe vicin 'na consonante sonora. A esempio: suto ['suto], aspro ['aspro], rosa ['roza], sbarufar [zbaru'far].
  • t el ga valor [t].
  • x, che el se dopara solo par la vose verbal xe e par i so derivai, el ga valor [z].
  • z el ga valor sordo [s], [ts], [θ], [t] (a segonda de le variante), o sonor [z], [dz], [ð], [d] (a segonda de le variante). Infra do vocale el ga sempre valor sonor. A esempio: nazion [na'sjoŋ] (ma anca [na'tsjoŋ], [na'θjoŋ], [na'tjoŋ]), ànzolo ['aŋzoɰo] (ma anca ['aŋdzoɰo], ['aŋðoɰo], ['aŋdoɰo]).

Pronunza dei digrafi e dei trigrafi[canbia | canbia el còdaxe]

Un certo numaro de fonemi el xe indicà da digrafi e trigrafi.

  • gn el ga valor [ɲ]. A esempio: sgnacar [zɲa’kar], gnente [‘ɲeŋte], magnar [ma’ɲar].
  • ss el ga valor [s]. A esempio: massa [‘masa], sassin [sa’siŋ], pesse [‘pese].
  • zz el ga valor [s], [ts], [θ], [t] (a segonda de le variante). A esempio: scoazze [sko'ase], tazza ['tasa], pezza ['pɛsa].
  • ch el ga valor [k] davanti a e e, al manco che no se crei el trigrafo chi, anca davanti a i. A esepio: cheba [‘kεba], zochèra [so’kεra], schiribizo [skiri’biso].
  • gh el ga valor [g]. A esempio: gheto [‘geto], amighi [a’migi], celegheta [see’geta].
  • chi el ga valor [tʃ] o [tʃi]. A esempio: chiave [‘t͡ʃave], schiopo [‘st͡ʃɔpo], chiocolata [t͡ʃoko’ɰata]. En una minoranza de casi el se pronunza [ki].
  • qu solo en poche ecezioni se pronunza [k]. A esempio: quel [‘kel], qualchedun [kalke’duŋ], quieto [‘kjeto], quatordese [ka'tɔrdeze]. De solito se pronunza [kw].

Segni diacriteghi[canbia | canbia el còdaxe]

La grafia classega la dopara tre segni diacriteghi:

  • 'l acento grave (`) el se mete sora tute le vocale. Sora e e o, el indica 'na vocal verta [ɛ], [ɔ].
  • 'l acento guo (´) el se mete solo sora e e o. El indica 'na vocal serada [e], [o].

Tuti e do li acenti li se mete solo co li casca so l'ultima letara, o par evitar omografi. Quindi se gavarà magnar (mia magnàr), ma cità, pescà, schiopà, ecetera. Resta a discrezion del autor la decision de metar altri acenti par rendar el testo pi chiaro.

  • 'l apostrofo (') el se dopara co le scompar da 'na parola una o de pi letare. A esempio, el el se pol troncar en 'l, una el se pol troncar en 'na.

Difarenze infra le varianze[canbia | canbia el còdaxe]

La grafia classega la se adata a tute le principali varianze, par la so flessibilità de pronunza. A ogni simbolo el pol corispondar un solo sono par tute le varianze opur un grupo de soni omografi che li cambia a segonda de la varietà de la lengua.

Alofoni del fonema [l][canbia | canbia el còdaxe]

La letara l la xe una de le pi carateristeghe de la lengua. El fono el pol dipendar da la vicinanza de la letara a 'na vocal o a 'na consonante. Uno dei fenomeni pi comuni el xe la "ele velar", par cui [l] el muta en 'na aprossimante velar che la tende molto a [e], pronunzada [e̯] o [ɰ], o anca palatal [j]. Spesso la sparisse anca completamente. Nei dialeti coloniali (come el udinese e el triestin) e nel chiozoto, sto fenomeno no 'l ghe xe mia e, anzi, la pronunza la vien acentuada qualche volta en [ʎ]. Xe pi limità el rotacismo, par cui l el se pronunza [r] prima de 'na consonante.

Esempio Pronunza co [l] Possibili pronunze alofone
tola ['tɔla] ['tɔɰa], ['tɔe̯a], ['tɔʎa]
lori ['loɾi] ['ɰoɾi], ['e̯oɾi], ['joɾi], ['ʎoɾi]
saltar [sal'tar] [sar'tar]
cavelo [ka'velo] [ka'veo], [ka'veʎo]

Flutuazioni [ts],[t̪],[θ],[s] e [dz],[d̪],[ð],[z][canbia | canbia el còdaxe]

En alcune parole, el xe possibile predir le variazioni de pronunza infra 'na parlada e quelaltra parché la esiste 'na certa regolarità determinada dal fenomeno de le flutuazioni. Le flutuazioni le reguarda le letare c e z.

Esempio Pronunza flutuante
zente [‘zeŋte], [‘d̪eŋte], [‘dzeŋte], [‘ðeŋte]
pacienza [pa’sjeŋsa], [pa’t̪jeŋt̪a], [pa’tsjeŋtsa], [pa’θjeŋθa]
cesto [‘sesto], [‘t̪esto], [‘tsesto], [‘θesto]

Coligamenti foresti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Gràfia_Vèneta_Clàsega&oldid=855770"