Eleonora Pedron

Eleonora Pedron
	;
Biografia
Nasimènto	13 de lujo del 1982 (42 ani); Pàdoa (Itàlia)
Dati personałi
Altura	172 cm
Atività
Laóro	ator, prexentador de tełevixion, partesipante de concorsi de bełesa, modeło, showgirl (it)
Atività	2002 –
Fameja
Convivente	Max Biaggi (it)

Eleonora Pedron (Canpo San Piero, 13 de lujo 1982) xe na showgirl e atora itałiana.

Biografia

Dopo aver partisipà na prima volta inte'l 1999, ła vien ełeta Miss Itałia 2002 co'l nùmaro 039. Da'l setenbre de'l 2003 ła ze sernìa come prima "meteorina" de'l Meteo 4 da'l diretor Emilio Fede. Drioman ła ga el roło de prezentadora de Sipario del Tg4 inte ła stajon 2004-2005 par po' tornàr inte'l 2007.

Inte ła stazon 2005-2006 ła afianca el zornałista Sandro Piccinini inte'l programa sportivo Controcampo, in onda so Italia 1. Inte'l 2006 ła ze una de łe tre protagoniste de'l film Vita Smeralda, de Jerry Calà. L'ano drìo ła ze stà tra i concorenti de'l reality show Notti sul ghiaccio 2, prezentà da Milly Carlucci so Rai Uno.

Inte'l 2008 ła afianca Davide Mengacci inte i programi de cuzina itineranti, Fornelli in crociera e Fornelli in piazza in onda so Rete 4, ła ze tra i interpreti de ła sit-com de Italia 1 Medici miei, 'rente de Enzo Iacchetti e Giobbe Covatta. Inazonta ła ze inte'l cast de'l film Il seme della discordia, par ła rezìa de Pappi Corsicato, in concorso a ła Mostra de'l Sinema de Venesia.

Inte'l 2009 l'è tra i parsonaji de ła sit-com de Italia 1 Così fan tutte, co Alessia Marcuzzi e Debora Villa. Inte'l 2010 ła interpreta el roło de Alessandra inte ła fiction Donna detective.

Inte'l 2012 ła ze protagonista inte'l video de Umberto Tozzi Se tu non fossi qui, zirà inte'l casteło de Torrechiara, visin a Parma.

El 13 febraro 2013, co'l conpanjo Max Biaggi, ła ze infrà i cusìditi "proclamadori" de'l Festival de Sanremo, prezentà da Fabio Fazio par proclamar i Modà.

Vita privà

Novisa co'l canpion de motosiclizmo Max Biaggi, ła do putèłi: Inés Angelica nasùa el 22 setenbre 2009 e Leon Alexander nasùo el 16 desenbre 2010, entranbi a l'Princess Grace de Montecarlo.