Jerry Calà

Jerry Calà

Biografia
Nasimènto	(it) Calogero Calà 28 de zugno del 1951 (73 ani) Catania (Sicìlia)
Atività
Ocupasion	ator, cantante, ator, senezador, diretor de cine, ator de tełevixion
Atività	1971  –
Menbro de	I Gatti di Vicolo Miracoli (it)
Instrumento muzicałe	Voze
Fameja
Cògnuze	Mara Venier (it) (1984–1985)
Segno
Sito web	jerrycala.com

Jerry Calà nome d'arte de Calogero Calà (Catania, 28 zunjo, 1951), el ze un cabaratista, ator sinematografego e rezista itałian. El só nome el ze łigà senpre anca a ła cariera co i Gatti di Vicolo Miracoli, e ad alguni tormentoni creà propio da łu inte i ani setanta.

Biografia

Jerrry Calà el ze nasùo el 28 zunjo a Catania, ma l'è cresùdo a Verona indove el ga frequentà el łiceo clàsego Scipione Maffei, da zenitori che rivava da San Cataldo (in provinsia de Caltaniseta. Ła cariera de cabaretista par eło ła taca in Veneto, in conpanjìa de Umberto Smaila, co'l cual el ga formà (anca co ła prezensa de Nini Salerno e altri du conponenti, aponto el grupo dei Gatti, a cui presto A se ga zontà anca Franco Oppini. El grupo el sarìa zonto anca a'l locałe famozo de Miłan el Derby, e el suceso tełevizivo el ghe riva co ła partesipasion a'l programa Non Stop par la rezìa de Enzo Trapani.

Da 'sta trazmision a altre che ze venjùe drioman, i gà insizo anca do dischi singołi Prova e Capito, (sigla de Domenica in, che łe jera rivà ai primi posti de łe clasifeghe de vendita nasionałi.

I Gatti a cuel'època i spopołava in Itałia; i gaveva debutà anca a'l sinema co un paro de film de Carlo Vanzina (Arrivano i Gatti e Una vacanza bestiale, tuti do de'l 1980. Cazon prinsipałe el zlanso de ła só cariera sołista inte'l sinema, inte'l 1981 Jerry Calà el moła parò el grupo, che'l seita co na formasion a tre. Da ałora el ga interpretà numarozi film comici de suceso, masime infra i primi ani otanta e i primi novanta, parmétendose parò anca un roło dramàdego inte'l grotesco Diario di un vizio 1993 de Marco Ferreri.

A ła fìn el riva anca ad ocuparse de rezìa, autodirizendose in sincue film: Chicken Park, parodìa demensiałe de'l coevo film de Spielperg Jurassic Park, Ragazzi della Notte (1995) so'l mondo de łe discoteche; Gli inaffidabili (1997), int'l cual el gà riunìo i Gatti di Vicolo Miracoli fasendo el verso ad Amici miei (de cui non a cazo inte'l 2002 el grupo el interpretarà ła varsion teatrałe, co ła rezìa de'l steso Monicelli); Vita Smeralda (2006), ła cui anbientasion l'è stà reałizà inte'l jet set de Porto Cervo; Torno a vivere da solo (2008), sequel ideałe de Vado a vivere da solo de Marco Risi (1982), el primo film dove Jerry l'è stà proagonista, so'l cui set l'aveva conosùdo l'alora zòvane showgirl Mara Venier, spozà inte'l 1984 ma da cui el se separarà dopo che jera pasà sol che un ano da'l matrimonio, restando isteso in òtemi raporti (infati co Don Mazzi - entranbi inte i pani de só stesi el verze e sara Torno a vivere da solo, mentre in Vado a vivere da solo ła só aparision la zera stà tajà in faze de montajo). De Pipi Room (2011), che'l se recołega idealmente a Ragazzi della notte, invese el ze soło che rezista.

Inte'l 2009 el debuta inte'l dopiagio, inprestàndoghe ła voze a'l specio magico inte ła varsion itałiana de'l film d'animasion USA Biancaneve e gli 007 nani.

Inte'l fraténpo, pur sensa poderse ciamar cantante, Jerry el ze montà a ła rebalta anca cofà intratenidor co ła só voze e łe só ezibision muzegałe. El fior a l'àzoła dei só rendevù el ze seguramente łe seràde a ła Capannina de Forte dei Marmi, el stòrego łocałe de ła Versilia dove inte'l 1997 Jerry el ga tacà na cołaborasion co'l grupo "I Bravo", conposta da dieze ełementi: par festezar i 80 ani de'l łocałe, fati inte l'istà 2009, Calà el ga zlansà el singoło co ła só varsion "dance" de Marcaibo ła canson de Lu Colombo co cui de sòłito el sera łe sò ezibision. Inte'l só spetacoło Sapore di mare, onji mèrcore de łujo e onji mèrcore e vènare de agosto, Jerry el rancura sirca 2500 parsone onji sera, co un pùblego pì che altro zòvene infrà i 15 e i 35 ani: ła performance ła ze ispirà a l'omònemo film de Vanzina che'l ło vedeva intrà i protagonisti, zirà inte'l 1982 propio a ła Capannina del Forte.

Filmografia

Ła piastrèła de Ałasio autografà da Calà

Sinema

• Un ufficiale non si arrende mai nemmeno di fronte all'evidenza, firmato colonnello Buttiglione, regia de Mino Guerrini (1973)
• Una vacanza bestiale, regia de Carlo Vanzina (1980)
• Arrivano i gatti, regia de Carlo Vanzina (1980)
• I fichissimi, regia de Carlo Vanzina (1981)
• Vado a vivere da solo, regia di Marco Risi (1982)
• Bomber, regia de Michele Lupo (1982)
• Al bar dello sport, regia de Francesco Massaro (1983)
• Sapore di mare, regia de Carlo Vanzina (1983)
• Vacanze di Natale, regia di Carlo Vanzina (1983)
• Domani mi sposo, regia de Francesco Massaro (1984)
• Un ragazzo e una ragazza, regia de Marco Risi (1984)
• Colpo di fulmine, regia di Marco Risi (1985)
• Vacanze in America, regia de Carlo Vanzina (1985)
• Il ragazzo del Pony Express, regia de Franco Amurri (1986)
• Yuppies - I giovani di successo, regia de Carlo Vanzina (1986)
• Yuppies 2, regia de Enrico Oldoini (1986)
• Sottozero, regia de Gian Luigi Polidoro (1987)
• Sposi, regia de Antonio Avati, Pupi Avati, Cesare Bastelli, Felice Farina e Luciano Manuzzi (1987)
• Rimini Rimini, regia de Sergio Corbucci (1987)
• Delitti e profumi, regia de Vittorio De Sisti (1988)
• Fratelli d'Italia, regia de Neri Parenti (1989)
• Occhio alla perestrojka, regia de Castellano & Pipolo (1990)
• Abbronzatissimi, regia de Bruno Gaburro (1991)
• Saint Tropez - Saint Tropez, regia de Castellano & Pipolo (1992)
• Diario di un vizio, regia de Marco Ferreri (1993)
• Abbronzatissimi 2 - Un anno dopo, regia de Bruno Gaburro (1993)
• Chicken Park, regia de Jerry Calà (1994)
• Ragazzi della notte, regia de Jerry Calà (1995)
• Gli inaffidabili, regia de Jerry Calà (1997)
• Vita Smeralda, regia de Jerry Calà (2006)
• Torno a vivere da solo, regia de Jerry Calà (2008)
• Operazione vacanze, regia de Claudio Fragasso (2012)
• E io non pago - L'Italia dei furbetti, regia de Alessandro Capone (2012)

Tełevizion

• Non stop, serie TV, regia de Enzo Trapani (1977)
• Yesterday - Vacanze al mare, miniserie TV, regia de Claudio Risi (1985)
• Profession vacanze (6 epixodi, 1987)
• Non chiamatemi papà, film TV, regia de Nini Salerno (1997)
• Amici di ghiaccio, film TV, regia de Curt M. Faudon (1999)
• Anni '60, miniserie TV, regia de Carlo Vanzina (1999)

Rezista

• Chicken Park (1994)
• Ragazzi della notte (1995)
• Gli inaffidabili (1997)
• Vita Smeralda (2006)
• Torno a vivere da solo (2008)
• Pipì Room (2011)

Voze łigàe

• I Gatti di Vicolo Miracoli

Linganbi foresti

• Sito ufisałejerrycala.com.
• Jerry Calà Official (canale ufisałe)YouTube.
• Calà, JerryTreccani.it – Enciclopedie on line, Istituto de ła Ençiclopedia Italiana.
• (EN) Jerry CalàGoodreads.
• (EN) Jerry CalàAllMusic, All Media Network.
• (EN) Jerry CalàDiscogs, Zink Media.
• (EN) Jerry CalàMusicBrainz, MetaBrainz Foundation.
• (EN) Jerry Calàgenius.com.
• Jerry CalàCineDataBase, Rivista del cinematografo.
• Jerry CalàMovieplayer.it.
• Jerry CalàFilmTv.it, Arnoldo Mondadori Editore.
• (EN) Jerry CalàInternet Movie Database, IMDb.com.
• (EN) Jerry CalàAllMovie, All Media Network.
• (EN) Jerry CalàBFI Film & TV Database, British Film Institute.

• Sito ufficiale

Scheda su Jerry Calà de l'Internet Movie Database

Altri progetti

• Wikimedia Commons

• Wikimedia Commons el detien imàjini o altri file so Jerry Calà
• el detien schemi gràfeghi so