Duran Duran

Da Wikipedia, l'ençiclopedia libara.
Infotaula d'organitzacióDuran Duran
Duran duran pelo 1988.jpg
Cànbia el vałor in Wikidata

EpònemoDoctor Durand-Durand (en) Traduzi Cànbia el vałor in Wikidata
Dati
SorteEror Lua: callParserFunction: function " [[Categoria" was not found.
Creasion1978 Cànbia el vałor in WikidataBirmingham Cànbia el vałor in Wikidata
Atività
Atività1978 Cànbia el vałor in Wikidata –
Targheta discogràfegaEror Lua: callParserFunction: function " [[Categoria" was not found.
ZènareNew wave (it) Traduzi, new romantic (it) Traduzi e art pop (it) Traduzi Cànbia el vałor in Wikidata
Influense
Aeroporto de conesion
Filiałi
Formà da
Eror Lua: callParserFunction: function "

[[Categoria" was not found.

Altri
Nomenasion
Premi

Sito webduranduran.com Cànbia el vałor in Wikidata
IMDB: nm0243686 IBDB: 470384
Facebook place: duranduran Twitter: duranduran Instagram: duranduran MySpace: duranduran Youtube: UC3Pb3fztIUVLCisYZgygcjg duranduran Souncloud: duranduran Spotify: 0lZoBs4Pzo7R89JM9lxwoT iTunes: 487384 Last fm: Duran+Duran Musicbrainz: 1a1cd7f3-e5df-4eca-bae2-2757c9e656b5 Songkick: 427500 Discogs: 10262 Allmusic: mn0000128440

I Duran Duran i ze un grupo muzegałe new wave e synth pop britànego, che i se ga formà a Birmingham inte'l 1978.

I Duran Duran i ga vendesto pì de 100 miłion de dischi in tuto el mondo, intrà àlbun e singołi[1] e piasà pì de vinti sìngołi inte ła Billboard Hot 100 nonché na trentena inte ła Top 40 de'l Renjo Unìo. Un mucio conosùi ze i só brani cofà Hungry Like the Wolf, Save a Prayer e A View to a Kill. I zera stà anca pioneri inte l'uzo de video muzegałi a l'avanguardia a l'inisio dei ani otanta e vien de frecuente documentà i fenomeni de isteria cołetiva che i cauzava durante i concerti. I fazeva parte de ła sena muzegałe new romantic e i jera i prensipałi artefisi de ła cusìdita segonda british invasion, tèrmeno co cui A se se refarise a grupi e artisti britàneghi che, inte'l voltar de'l desenio, i ze entrài inte łe clasifeghe statunitensi, sołitamente saràe a ła mùzega provenjente da l'estero. I Duran Duran i zera stà tra i primi artisti pop a łaorar da so posta so'i pròpi brani co arangiamenti conplesi e multistrato prima de ła difuzion dei sintetizadori dizitałi e de'l canpionamento muzegałe, che'l ga rendesto 'sto zènare de arangiamenti pì senplisi da uzar.

El grupo el ze stà creà da John Taylor, insieme a Nick Rhodes [2]. Drioman, el grupo el vedarà l'avisendarse de altri menbri e l'ingreso in pianta stàbiłe de Roger Taylor, Andy Taylor, e, par ùltemo Simon Le Bon.[3][4]

Storia[canbia | canbia el còdaxe]

1978-1980: Łe orizene[canbia | canbia el còdaxe]

El grupo el vien fondà inte'l 1978 da John Taylor, Nick Rhodes e Stephen Duffy, conpanji de scòła pasionài de artisti glam e synth pop de'l parìodo cuałi Roxy Music, David Bowie e Ultravox. El nome de'l grupo, suzarìo da Taylor, el se isipira a cueło de Durand Durand, antagonista de'l film Barbarella. Co Taylor a ła ghitara, Rhodes al sintetizador, e Duffy a voze e baso, el grppo el se ezibise par ła prima volta in pùblego el 5 de avril 1979, cantando canson ispirae a Hemingway, Kerouac e Fitzgerald. Par ła segonda ezibision A se agregarà anca Simon Colley so clarineto e baso. Dopo el terso concerto, sia Duffy che Colley i łasa el grupo e Taylor el ze pasà definitivamente da ła ghitara al baso. Inte'l fratenpo, i se ga alternà altri mùzeghi inte l'orgànego prima de l'arivo del baterista Roger Taylor, de'l ghitarista Andy Taylor e de Simon Le Bon.

Drioman un paro de àlbun produzesti da Bob Lamb dei UB40 e vari conserti intrà i łocałi de Birmingham e Łondra, el grupo el ga tirà l'atension de łe caze discogràfeghe intrà cui ła EMI, ła prima da ła cuała i ze stà scriturà. Sin da l'inisio de ła só cariera, i Duran Duran i ga inisià a cołaborar co stiłisti cofà Perry Haines, Kahn & Bell e Anthony Price, in grao de darghe al grupo na imàjine rafinà e ełegante che ła recuparava i canoni dei conplesi neo romànteghi de l'èpoga. 'Sta atension par l'estètega ła ga intaresà numaroze reviste zovaniłe e muzegałe britàneghe e mericane che ga tacà tirar zo i só look istesaménte neti e agresivi.

1981-1982: i primi do àlbun[canbia | canbia el còdaxe]

Simon Le Bon inte'l 2012.

El primo àlbun omònemo de'l 1981 el ze stà antisipà da un singoło, Planet Earth che'l se jera piasà in dodezèzema pozision inte ła Top 20 ingleze. Ła canson ła ze devenjesta ła pì raprezentativa de'l "new romantic" in cuanto ła paroła ła vien sità da'l só testo che'l resita "some new romantic looking for the tv sound" ("alguni novi romantisi che i serca el son de ła tełevizion"). Siben el singoło drìo Careless Memories el se ga clasifegà solche al trentasetèzemo posto, el terso, Girls On Film, el ga sancìo definitivamente el só suceso piasandose a'l cuinto posto de ła clasifega ingleze, grasie anca a'l video par l'èpoga insołito e provogadorio che'l mostrava do done in topless (dezbafaràe) che łe łota intrà de łore. Ła rezìa de'l video ła ze stà reałizada inte'l meze de agosto da'l do Godley & Creme; soło do setemane pì tardi el ze stà zlansà inte i Stati Unii da l'emitente muzegałe MTV. Zudegà desconso da łe prensipałi redi tełevizive , el zera stà comuncue trasmetesto inte i nightclub dotài de schermi video. El suceso de'l brano e de'l rełativo videoclip ghe ga parmetesto a l'àlbun de torse ła tersa pozision inte ła Top 20 ingleze. El suceso de'l grupo el ga interesà el Japon e l'Austrałia, sensa dover acołarse pezanti tour, o promosion. In 'sta nasion el singoło Planet Earth el ze rivà su al primo posto, mentre l'àlbun el ga ciapà pozision de notevołe suceso. In Gran Bretanja, Adam Ant e i Spandau Ballet i rivałezava co łori, alternandose inte łe pozision alte de ła clasifega dei àlbun pì vendùi.

Verso ła fin de'l 1981 i ga inisià el primo tour statunitense, seguìo da artante tape in Zarmania e in Gran Bretanja. El segondo tour ingleze el ga coinsidesto co na ondada de dezordeni a cauza de łe tension rasiałe e da ła dezocupasion, includesti cuełi de Moss Side e Toxteth. El dì drìo ai dezordeni de Handsworth i ga sonà a Birmingham. Da'l 1982 in po', el suceso dei Duran Duran el gavarìa asumesto dimension globałe. Inte'l majo de'l steso ano, i ga publegà el só àlbun Rio che'l se gaveva piasà a'l segondo posto de łe clasifeghe britàneghe, suportà da cuatro singołi, che i ga ciapà ła Top-20: My Own Way (nùnaro 14), Hungry Like The Wolf (nùmaro 5), Save A Prayer (nùmaro 2) e Rio (nùmaro 9). Inte'l steso ano i zera partii par na serie tour, in Austrałia, in Japon, ed infin inte i Stati Unii cofà suporto ai Blondie. Diana, ła Prensipesa de'l Gàłes ła ga declarà che i Duran Duran i jera el só conpleso muzegałe prefarìo, e ła stanpa ingleza ła łi ga soranomenà The Fab Five, overosìpia i Favołozi Sincue, parafrazando i Beatles dedicàndoghe numarozisime coertine de reviste, tabloid e cotidiani che łi seguiva co atension. Inisialmente, Rio no'l ga susità tanto intarese inte i Stati Unii mentre in Gran Bretanja ła EMI ła promoveva i Duran Duran come conpleso da'l stiłe Neo Romàntego: un zènare poco popołar inte i Stati Unii. Ła Capitol ła ga promovesto el grupo inte'l sircuito dei club publegando Carnival (1982), na sorta de remix in ciave ance de l'àlbun Rio reałizà co ła cołaborasion de David Kershenbaum. Grasie a 'sta operasion, i Duran Duran i ze entrai alguni mesi pì tardi anca inte łe clasifeghe mericane. Intanto, Rio el gaveva ciapà el sesto posto inte łe clasifeghe mericane restàndoghe par 129 setemane. Inte'l 2003, Rio el ze stà clasifegà a ła sesantasincuèzema pozision dei pì grandi àlbun de tuti i tenpi, e el ze considarà oncora deso uno dei àlbun mazormente raprezentadivi de'l desenio dei ani otanta.

1983-1985: El suceso[canbia | canbia el còdaxe]

El 1983 el se ga verzesto par i Duran Duran co ła partesipasion a ła festa MTV New Year's Eve Rock'n'Roll Ball' de ła serada de cao d'ano, cantando Hungry Like The Wolf, che co na desiza e insiziva scałada a ła clasifega Statunitense ła rivava fin a ła #3, e ła riedision de'l singoło Rio (che'l sentrava ła top 20 de Billboard). El grupo el ze stà promovesto in America co l'usida, inte'l 1983, de na riedision de'l só primo àlbun che'l includeva ła nova Is There Something I Should Know?. In Inghiltera el brano el zera entrà diretamente a ła prima pozision e el ga ciapà ła cuarta inte i Stati Unii. Anca l'àlbun che ła contenjeva el ze entrà inte ła top ten statunitense otenjendo el disco de platino. Durante ła promosion de Duran Duran, Rhodes e Le Bon ga partesipaà come ospiti prinsipałi a MTV, durante el cuało i ga incontrà par caxo l'artista e amirador Andy Warhol. A Times Square i se ga fermà par firmar autografi, ma ła fraca xe stà tałe che ghe ga tocà intervegnir ła połisia par reportar l'ordene publego e par deconjestionar el tràfego blocà in stragrando ingòrgo: xe stà uno dei primi momenti de isteria cołetiva che el grupo cauxava durante łe aparisin in publego. Inte el 1983, el tastierista Nick Rhodes ga produxesto el brano Too Shy par el grupo inglexo Kajagoogoo, mentre, inte el steso ano, Andy Taylor xe stà el primo dei Duran Duran a spoxarse. El suceso xe vengnesto anca conpagnà da alcuni ecesi del grupo intrà cui discusi abuxi de stupefasenti e spexe incontrołae. de frecuente seguìi dai xornałisti, i vegneva mandai da ła so caxa discografega a reałixar el so terso album inte el sud de ła Fransa. Ła mancansa de ispirasion de l'ìxoła de Montserrat in cui i se trovava, łi ga spenxesti a canbiar sede a Sydney par rejistrar e mixare ła nova usìda discografega Seven and the Ragged Tiger conprendente i sucesi Union of the Snake, New Moon on Monday e The Reflex. Anca sto album, se ga piasà inte ła Top-20 mericana. El video de Union of the Snake, el primo sìngoło publegà, xe stà metesto in onda a ła tv ezatamente na setemana prima del so slanso a ła radio, creando un presedente che ga fazesto scalpor in un momento inte el cuało l'industria discografega temeva che, (parafrazando el titoło de na canson e rełativo videoclip), "i video gavarìa podesto copar l'ascolto de łe radio" (overo Video Killed the Radio Star el mazor suceso dei Buggles). Union of the Snake se ga piasà a'l terso posto so tute do łe rive de l'Oceno e l'è stà un suceso planetario de grande proporsion, cusì cofà l'àlbun, che'l ga ezordìo a ła nùmaro 1 in Inghiltera e inte łe top ten de tanti paezi.

Nick Rhodes inte'l 2012.

El conpleso el ga inisià el Sing Blue Silver Tour datorno al mondo, che'l ze termenà soło inte l'apriłe de'l 1984 e ga includesto pì de sincuanta date inte i Stati Unii. El grupo el ze stà atentamente seguìo da na troupe sinematografega direta da'l rejista Russell Mulcahy. El rezultado el ze stà el film-documentario Sing Blue Silver, asosià a'l film conserto Arena. I film i mostra tuti do stralzi de mùzega da'l vivo, i łaori de preparasion de un conserto, momenti drìo łe cuinte, conpreze łe dificoltà de'l viajo, i schersi e i ziri torìsteghi de'l conpleso.

Inte'l febraro de'l 1985 i ze conparìi so ła covertina de ła rivista Rolling Stone che łi ga definìo el grupo pì famozo de'l mondo e i ga vinsesto do Grammy Award inte łe nove categorie dedicàe ai video muzegałi: Grammy Award for Best Long Form Music Video e Grammy Award for Best Short Form Music Video. Durando el tour A ze stà rejistrà el video del sìngoło The Reflex che'l ze stà publegà inte ła vèrta (primavera) de'l 1984 in una varsion remix produzesta da Nile Rodgers, ła se ga piasà al nùmaro 1 sia in Inghiltera sia inte i USA restàndoghe par cuatro setemane.

A 'sto ponto, i menbri de'l grupo i se ga consedesto na pauza; restando tutavia a Łondra e sensa restar indifarenti ai oci de'l pùblego e dei zornałi soratuto co Roger Taylor contrase matrimonio a Napułi e co Nick Rhodes ga sełebrà el suo a Łondra.

L'àlbun da'l vivo Arena el ze stà rejistrà durando el tour, e ze stà zlansà a ła fin de'l 1984 insenbre a'l sìngoło inedito "Wild Boys", che'l ga raxonzesto ła 2ª pozision so entranbe łe rive de l'Atlantego; el sìngoło el zera conpanjà da un video futuristego che'l reciamava atmosfere a ła Mad Max e che'l ga fazesto storia deventando uno dei marchi de fabrica de'l grupo; el video el ze stà zirà da Russel Mulchahy inte l'anbito de'l film conserto Arena, un projeto un mucio sofistegà che no'l ga dazesto i rezultadi sperài. L'àlbun live Arena el ga scałà łe clasifeghe mondiałe, rivando a ła nùmaro 4 inte i USA indove el ze devenjesto suito dopio disco de platino. I ga publegà anca na riedision live de'l sìngoło Save a Prayer soło par el marcà merican, portando el sìngoło fin a ła nùmaro sèdeze in clasifega.

In coa de l'ano, 1984, i ga partesipà a'l projeto de beneficensa Band Aid insenbre ad altre sełebrità cofà Sting, George Michael, Boy George, Bono, Paul Young e Paul Weller.

1985: Ła sision[canbia | canbia el còdaxe]

Inte'l 1985 i Duran Duran i ga desidesto de torse na pauza. John e Andy Taylor i ga fondà co Robert Palmer e Tony Thompson i Power Station. El parìodo de zestasion de l'àlbun The Power Station el ze stà caratarizà da un stiłe de vita votà ai ecesi, co John Taylor profondamente dependente da ła cocaina; anca ła reałizasion de l'àlbun ła refleteva 'sto stiłe, in cuanto l'intièra oparasion l'è stà costà na stragranda cuantità de danaro dovùa ai caprici dei menbri de'l grupo. Inte'l steso parìodo Le Bon e Rhodes i formava i Arcadia, insenbre a Roger Taylor, manco comersiałi e pì rafinài dei Duran Duran. El so àlbun So red the rose el ze stà rejistrà prensipalmente a Parìze co grandi costi par ła só reałizasion. Ła stanpa ingleze ła meteva senpre pì in cativa łuze el stiłe de vita dei sincue. Nonostante ciò, sia i Power Station che i Arcadia i ga produzesto serti brani de suceso.

I Duran Duran i se riuniva momentaneamente par contribuir a ła cołona sonora del film de James Bond Agente 007 - Bersaglio mobile, A View To A Kill. El resta oncora ancò l'ùnego brano trazesto da łe cołone sonore de ła serie de 007 ad èsar deventà nùmaro uno inte łe clasifeghe statunitensi; el singoło el ze devenjesto na mega hit mondiałe e el ze rivà a ła nùmaro do inte łe clasifeghe ingleze. Par el brano A ze stà zirà un video in stiłe spionistego anbientà so ła Tour Eiffel. Le Bon el conclude el video parafrazando una de łe fraze de ła famoza spia: "Bon, Simon Le Bon" ("The name's Bond, James Bond").

Drìoman el grupo ga partesipà a l'inisiativa Live Aid, un conserto de beneficensa che'l se ga dezvolzesto contenporaneamente al stadio de Wembley, a Łondra, e al John F. Kennedy Stadium de Filadelfia el 13 de łujo 1985. Al conserto de'l JFK Stadium, indove se ga ezibìi i Duran, ga partesipà novantamiłe persone e el ze stà vesdesto, se stima, da un miłiardo e mezo de spetadori tełevizivi. 'Sta ezibision ła se rivełarà po' l'ùltema par i Fab Five, fin al łujo del 2003. No jera comuncue inte łe só intension considerarlo come un conserto d'adio.

Inte l'agosto de'l 1985, durando na gara de yachting, ła Fastnet race a cui Le Bon partesipava co'l só "Drum" in cui inte l'ecuipagio A zera conprendesti anca i manager de'l grupo, ła barca ła ga fato caołeva in mar e Simon Le Bon insieme ad altri menbri de l'ecuipagio i ze restà inprezonà sot'acua inte'l scafo par almanco un'ora atirando l'atension de tuta ła stanpa mondiałe. Drioman Le Bon el ga spozà ła modeła Yasmin Parvaneh.

1986-2000: ła nova faze[canbia | canbia el còdaxe]

A cauza dei ritmi sfrenài a cui se jera fin deso sotoponesto, el baterista Roger Taylor el se ga ritirà inte ła canpanja ingleze a tenpo indeterminà. A'l contenpo, el ghitarista Andy Taylor el gaveva desidesto de intaronper l'atività muzegałe co łori contribuindo soło che a reałizar calche brano par el àlbun drìo Notorious venjùo fora inte'l meze de novenbre de'l 1986. El venjarà sostituìo da Warren Cuccurullo, ex ghitarista dei Missing Persons. El brano Notorious el ga ciapà ła sètema e ła segonda pozision respetivamente so'l marcà britànego e statunitense, ma l'àlbun el ze stà el disco manco vendùo de'l grupo fin ad ałora. El segondo sìngoło estrazesto da Notorious, Skin Trade, el ze devenjesto co'l tenpo un clàsego tra i pì amài dai fan de'l grupo, ma al momento de ła publegasion inte'l 1987 el ze stà el primo sìngoło dei Duran a non razonzer ła top twenty ingleze e meregana drìo cuatro ani.

John Taylor inte'l 2015.

In chel parìodo i ga el reałizà un documentario in bianco e nero ciamà Three to Get Ready, in cui i tre menbri restài reparcoreva ła só carièra e i refleteva so'l só futuro, e pochi mezi drìoman i ga publegà ła VHS Working for the Skin Trade, che reciapava el concerto tenjùo a Rio de Janeiro durante l'ùltemo tour.

L'àlbun sucesivo Big Thing de'l 1988 el jera pì sperimentałe respeto a łe publegasion fin deso venjeste fora de'l grupo, co contaminasion da l'hip-hop e da ła acid house music. Ze stà el primo àbun de ła carièra dei Duran Duran a non razonzer el milion de copie vendùe inte i USA, fermandose a'l disco d'oro. El conprendeva i singołi I Don't Want Your Love, che'l ze devenjùo un suceso in Europa e el ze rivà a'l nùmaro 4 inte i Stati Unii, All She Wants Is, che'l ga otenjùo suceso in patria (nùmaro 9) e inte łe clasifeghe europee (ma ze stà injorà da'l pùblego meregan) e Do You Believe In Shame?. Dopo sìe mezi de tour intorno al mondo a sonar Big Thing, Cuccurullo e el baterista Sterling Campbell ze stà considarà ofisialmente menbri dei Duran Duran.

Verso ła fin de'l 1989 i ga łansà na rancura dei so pì grandi sucesi intitołà Decade, insieme al remix Burning The Ground, un mix de retaji intersài de sucesi dei dieze ani presedenti. El singoło el ga avesto scarso suceso, ma l'àlbun el ze stà uno dei pì vendùi de'l grupo.

Ła caza discografega ga abandonà ła promosion del sucesivo Liberty (1990) sospendendo ła publegasion de un terso sìngoło drio el flop de Serious, e par ła prima volta i Duran Duran no i ga sostegnesto el so album co un tour, exibindose solchè in una brancada de club, in racuanti talk-show e varietà tełevixivi.

Sterling Campbell ga łasà el grupo a l'inisio del 1991, pasando co i Soul Asylum e David Bowie. A ła fin de l'ano John Taylor el ga spozà l'atora e modeła Amanda De Cadenet. Inte i ani novanta ga ezordio inte ła publisità co Vivienne Westwood e inte el 2000 co Giorgio Armani. Pur mantegnendo el propio controło creativo, i ga łaorà par diversi ani a fianco del designer grafego Malcom Garrett par reałizar łe covertine dei album e i programi dei tour.

Ai inisi dei ani novanta ła nasita de internet ga ałimentà ła popołarità del grupo. Tanti dei vechi fan łi ga riscoverti traverso Usenet, contribuindo a ła cresita de racuante mailing list e website.

Inte'l 1993 el grupo el ga zlansà un segondo àlbun co'l steso nome del grupo Duran Duran, informalmente conosùo come The Wedding Album (ła reintarpretasion ła jera de Nick Egan, e ła tołeva zo łe someje del matrimonio dei zenitori dei conponenti de ła band), nome uzà par destinguerlo da l'ezordio del 1981. Xe stà un inatezo suceso comersiałe e de critica come conferma ła cuarta pozision razonzesta in Gran Bretagna e ła sètema inte i Stati Unìi. I do brani pì famozi in staltro contengùi i xe Ordinary World, vinsidor del Ivor Novello Award, par el mejo testo e Come Undone. El primo ga razonzesto ła tersa pozision inte łe clasifeghe mericane e ła sesta de chełe inglezi mentre Come Undone ga razonzesto ła 7ª pozision inte i U.S.A. e ła 13º in Gran Bretagna. A l'album xe seguìa na gran tournée mondiałe che ła conprendeva tape in Medio Oriente, Sud America, sud est aziàtego e Sudàfrega.

Tutavia ła ripreza de ła popołarità del grupo ze stà ancora na volta frenada; sta volta a cauza de łe visisitudini avegneste durante ła reałizasion de l'album Thank You. Alcune canson xe stà rejistrà in studi tołesti in afito co'l fin de aver l'album pronto par èsar slansà 'pena finìo el tour. L'album xe stà termenà inte'l 1995 ma el grupo xe stà insodisfà del tratamento da parte de ła caza discografega e da łe stratezie de promosion. White Lines vedeva partesipar i orizinałi autori in persona, overo Grandmaster Flash and the Furious Five, mentre Perfect Day se gaveva avałesto de ła partesipasion del baterista Roger Taylor, tornà ocazionalmente co'l grupo par alcune sesion de rejistrasion de l'album. Lou Reed ga afermà in un video promosionałe par ła stanpa che l'abiłità creativa dei Duran Duran gavea produzesto ła mejo cover de una de łe so canson, e anca Bob Dylan ga apresà ła so version de ła so Lay Lady Lay. Ła title track ła xe vegensta anca inserìa inte l'album-tributo ai Led Zeppelin, Encomium. Tutavia, l'album, e in partegołar brani cofà 911 Is A Joke, Ball Of Confusion e Crystal Ship zera stà ojeto de critiche tanto severe. Inte i Stati Unìi l'è devegnesto disco d'oro, e in patria xe entrà a ła nùmaro 12. Verso ła fin del 1995 el conpleso el ze stà constrezesto a un tour estivo par el festival de łe stasion radio.

A ła fin del tour John Taylor cofondador de l'eticheta B5 Records, ga rejistrà un àlbun da sołista, e ga fondà un supergrupo ciamà Neurotic Outsiders; Taylor ga proà anca de reconpatar i Power Station, ma el projeto ze andà vanti sensa de łu al momento in cui el ga dovesto più preocuparse de'l so divorsio da ła mujer e de ła disintosegasion da ła cocaina.

Infin, inte'l zenaro del 1997, daspò aver rejistrà cuatro brani par el suceso Medazzaland, John Taylor ga anuncià a na convention de fan che'l gavarìa łasà i Duran Duran[5]. L'usida dal conpleso ga reduzesto el grupo a do sołi menbri orizinałi, Rhodes e Le Bon, più Cuccurullo, ma el trio l'a deçidesto de continuar comuncue.

El conpleso se ga consentrà so ła rejistrasion e ła riełaborasion de molti brani par l'album Medazzaland. Jera un ritorno a ła sparimentasion de Big Thing, in un conplegà intreso tra chitare ed ełaborasion vocałe. El brano Out Of My Mind ze stà utiłizà cofà cołona sonora del film Il Santo (The Saint), ma l'únegoo sìngoło zlansà inte i Stati Unìi ze stà Electric Barbarella, che xe devegnesto anca el promo sìngoło dizitałe vendùo on-line. El video jera caraterizà da ła prezensa de un robot sexy co'l cuało zogatołava i menbri del grupo, e'l ze stà oviamente censurà prima de andar in onda so MTV. Barbarella ga razonzesto ła sincuantozezema pozision inte ła clasifega statunitense. El 27 de zugno 1998 el grupo ga sonà in onor de ła Prinsipesa Diana, so rechiesta de ła so fameja. Sìben Medazzaland fuse stà zlansà inte i Stati Unìi inte l'otobre 1997, no'l ze mai vegnesto publegà in Gran Bretagna, a cauza del scarso intarese par el grupo, ma anca par na partegołar połitega de alcuni dirizenti de ła EMI, che vołevan i Duran Duran inpegnai a rejistrar Electric Barbarella, disponibiłe par 99 sentezimi so Internet, prima che vegnise zlansà traverso i normałi canałi desstributivi: un tentativo di star al paso co i canbiaminti de ła tecnołozìa.

Un ano drìoman el brano ze stà includesto inte ła compilation Greatest, e a ròda publegà da novo cofà sìngoło anca in Inghiltera, razonzendo ła vintitreezema pozision inte'l zenaro seguente. Inte'l 1999 el grupo se separa da ła Capitol/EMI par firmar un efimero acordo co ła Disney Hollywood Records par ła produsion de tre album, che ga soravivesto soło grasie a ła scarsa acoliensa reservà, inte'l 2000 a l'album Pop Trash critegà dai fan par i so ritmi insołitamente łenti, łontani dai so standard. El titoło tołeva ispirasion da Pop Trash Movie, canson scrivesta orizinalmente da Rhodes e Cuccurullo durante na session presedente par i Blondie. L'onirego sìngoło Someone Else Not Me, ze stà trazmetesto via radio par soło do setemane, sensa prategamente entra in clasifega. Ze stà el primo sìngoło co un video produzesto par intièro in anemasion creae co'l software Macromedia Flash[6]. Pop Trash ze stà un flop comersiałe, cuesto sìben el tour che ne ze seguìo ze stù un otimo suceso.

2001-2018 ancò: Ła Reunion de'l novo miłenio[canbia | canbia el còdaxe]

Inte'l 2001 i sincue menbri orizinałi del grupo i ga desidesto de tornar insenbre, dapò cuindeze ani de separasion[7]. Ła conferma ofisiałe de tuto l'è avenejesta inte'l majo del 2001, indove Cuccurullo anunciava el so adio ai Duran Duran a ła fin del Global Pop Trash Tour par tornar co ła so vècia band, i Missing Persons, e che John, Roger e Andy Taylor, rientrava a far parte de ła formasion.

I riunìi Duran Duran ga scumisià da novo a provar insenbre finìndo co l'afitar na caza a Saint-Tropez par łaorar a del novo materiałe, e avałendose de l'aporto de Nile Rodgers. Nick Rhodes ga ritrovà el cofondador del grupo Stephen Duffy par formar i The Devils e publegar Dark Circles, album de materiałe bazà so łe prime rejistrasion del grupo inte'l 1978, e ritrovàe par cazo da'l isteso Duffy. Drìoman Rhodes, Le Bon e Rodgers contribuise al disco dei Dandy Warhols, e John Taylor cołabora co James Angell. I ga anuncià anca el so ritorno a ezibirse dal vivo.

Inte'l łujo del 2003 i ga inisià un curto tour par festejar el so vintisincuèzemo anivarsario, in Japon, in Całifornia e in Nevada. Anca el Roxy Theatre a Los Angeles e'l The Ritz a New York, łi ga vedesti protagonisti par alcuni concerti.

Ła band in conserto inte'l 2005 a l'Arena de Verona.

In agosto, intarvenjùi par prezentar ła trazmision MTV Video Music Award, so MTV, i ze stà insinjì de'l Lifetime Achievement Award. Un anałogo premio i ło gaveva risevesto in otobre, da ła revista Q Magazine, mentre al Brit Award i ga resevesto l'Outstanding Contribution Award e i ga sonà da'l vivo un set de dieze minuti (conprendente i brani Hungry like the wolf, Ordinary world e Wild boys). Ła setemana drìo el só àlbun Greatest el ga razonzesto ła cuarta pozision de ła clasifega ingleza e l'è devenjùo dopio disco de. I ga sonà anca in Australia e in Noza Zełanda insenbre a Robbie Williams. El grupo el ze stà anca ciamà a na festa privà de ła Microsoft e al trentotezemo Super Bowl. Ła só ezecusion de Wild Boys prima de l'inision de ła partìa ła ze stà seguìa da miłioni de parsone in tuti i Stati Unìi.

Inte'l febraro del 2004, durante el show TV Queer Eye, ze stà zlansà el remix de'l novo brano (Reach Up For The Sunrise). I ospiti del programa i ga rebatizà i Duran Duran cofà el primo conpleso metrosesuałe. Da l'apriłe de'l 2004 drioman i ga sełebrà el só ritorno in patria, co dizisete concerti, dei cuałi sincue date sold-out a ła Wembley Arena.

Notasion[canbia | canbia el còdaxe]

  1. Duran Duran To Get Brit Award Honorbillboard.com.
  2. Bluvertigo meet DuranDuran - YouTube
  3. Andy Taylor Splits With Duran Duran | Billboard
  4. Duran Duran - Biography | Billboard
  5. John Taylor announcing he's leaving DD - 97 - YouTube
  6. POP TRASH 2000
  7. Duran Duran: Trio Out, Reunion In? - ABC News
Controło de autoritàVIAF (EN152387888 · ISNI (EN0000 0001 0945 500X · Europeana agent/base/147432 · LCCN (ENn84088439 · GND (DE1212683-4 · BNF (FRcb13903099r (data) · BNE (ESXX106980 (data) · NLA (EN36208554 · WorldCat Identities (ENn84-088439
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Duran_Duran&oldid=1104124"