Robbie Williams

Robbie Williams

Biografia
Nasimènto	(en) Robert Peter Williams (50 ani) Stoke-on-Trent (Inghiltera)
Anbasador de bona vołontà UNICEF
Dati personałi
Formasion
Atività
Ocupasion
Atività	1990  –
Menbro de
Zènare	Pop, mùzica par bałar, britpop (it) , rock alternativo, poprock, soft rock (it) e ełetrònega
Voze	Tenor
Instrumento muxegałe	Voze, chitara, chitarra basso (it) , intrumento a botoni, instrumento de percusion, viołin, armònega e marimba (it)
Targheta discogràfega
Trajetòria   Scuadra Conpetision - Hollywood United F.C. (it)
Fameja
Spoxa
Amadeus Austrian Music Awards (it)  Premios Oye! (en)
Segno
Sito web	robbiewilliams.com

Robert Peter Williams, dito Robbie (Stoke-on-Trent, 13 de febraro 1974), el ze un cantaudor e showman britànego.

Infansia

Robert Peter Williams el ze nasùo a Stoke-on-Trent, inte'l Staffordshire, el 13 febraro 1974 da Theresa Janet Farrell, di origini irlandesi, e Peter Williams.

I zenidori, che Devorsio i gaveva devorsià cuando Robbie el gaveva tre ani, i zera i zestoir de un pub de nome Red Lion a Burslem e po łisensiadari de'l Port Vale FC Social Club, fato che'l ło ga po portà a zviłupar un grando tacamento par l'omònema scuadra de calcio. In sèvito a'l devorsio ła mare l'è devenjùa na fiorista, mentre el pare el ga devenjesto un apresà ator de teatro e comico, noto co'l pseudonemo de Pete Conway.

Williams el ga afermà in numaroze ocazion de aver desizo de deventar n'artista a l'età de 10 ani dopo aver visto el pare ezibirse, mentre el ło conpanjava in tournée durando łe vacanse de istà.

Dopo aver studià a ła St Margaret Ward Catholic School de Tunstall, Williams el ga frecuentà ła scoła de bało UKDDF, ndove che'l ga partesipà a racuanti spetacołi tra cui el musical Oliver!, adatamento de'l romanzo Oliver Twist, cuando che'l gaveva intarpretà Artful Dodger.

El scominsio de ła cariera co i Take That (1990-1995)

Inte'l 1990, el sedezene Williams el ze devenjùo el menbro pì zòvane a entrar a far parte dei Take That. Conforme cuanto contà da l'isteso Williams, só mare ła gaveva łezesto un anunsio publisitario ndove che A se serava menbri par na nova boy band e ła ghe ga suzerìo de provar a entrar inte'l grupo.

Dopo de calche aparision in tełevizion e tournée tra picołi club, scołe ed eventi in tuto el Paeze tra el 1990 e el 1991, ła cariera dei Take That ła ga avùo na zvolta co It Only Takes a Minute, cover de ła hit dei Tavares de'l 1975, che ła ga razonzesto ła 7ª pozision de ła Official Singles Chart inte'l zunjo 1992. 'Sto primo suceso el ze stà seguìo da A Million Love Songs, anca eła finìa a'l nùmaro sete in otobre, e da Could It Be Magic, cover de ła hit de Barry Manilow de'l 1973, che ła ga razonzesto ła 3ª pozision in clasifega inte'l zenaro 1993. Inte l'otobre de'l steso ano el grupo el ga publegà l'àlbun Everything Changes, che'l ga razonzesto ła 1ª pozision de ła Official Albums Chart e el ga zenarà cuatro singołi consecutivi a'l nùmaro uno inte'l Renjo Unìo, Pray, Relight My Fire, Babe e la title track Everything Changes, mentre altri do brani, Why Can't I Wake Up with You e Love Ain't Here Anymore, i ga razonzesto ła Top 10. L'àlbun l'è stà seguìo da un tour inte łe majori arene de'l Paeze.

Seben ła major parte de'l materiałe de'l grupo ła fuse scrita e intarpretada da'l frontman Gary Barlow, Williams el ga avùo ła posibiłità de èsar ła voze prensipałe de'l grupo co i brani Could It Be Magic, I Found Heaven e Everything Changes. Tutavia, nonostante el cresente suceso, Williams el gaveva tacù a mostrarse insofarente a łe règołe inponeste da'l manager Nigel Martin-Smith, e el ga tacà a far un dòparo costante de alcol e cocaina. Nel novenbre 1994, l'abuzo de droghe da parte de Williams el zera anunsià a tal ponto da farghe risciar l'overdose prima de l'ezibision de'l grupo ai MTV Europe Music Awards 1994 de Berlino. Tra 1994 e 1995 i Take That i ga intraprendesto un novo tour inte łe majori arene europee, rezistrando fenòmeni de isteria de masa mai visti par na band dai tenpi de ła Beatlemania.